اسكريبت كامل بقلم الكاتبة هاجر علاء

*كان ياما كان، الحب مالي بيتنا ومدفينا الامان*
_رموشك تحفه 
ابتسمت وانا بقدمله الكيك_ربنا يسترك
_ربنا يسترك! ماشي..قوليلي خلصتي روايتك؟ 
_لا فاضلي فصل فيها واكون خلصتها 
_مش هتقوليلي بتتكلم عن ايه طيب
_هه متحاولش اخلص كتابتها الاول وتعرف 
_وريني ايدك كدا 
"مدتله ايدي وانا مستغربه"
_بتهزر
_ورده ترتدي ورده.. مش هما بيقولوا كدا؟ 
ضحكت..كنت من فتره منزله علي الاكونت بتاعي خاتم شكله علي شكل الورده كان رقيق ولذيذ. 
_راجل نصاب.. عاوزني احبك
_ما انا اتحب 
_تتحب فعلا.

*زارنا زمان سرق منا فرحتنا، والراحه والامان*

_باباكي مش موافق 
_حاول تاني عشان خاطري 
_بحاول والله بس مش فاهم سبب انه رافضني 
_معلش حاول تاني 
_هحاول تاني وتالت

*حبيبي كان هنا، مالي الدنيا عليا*

_عشان خاطري يا بابا
_مفيش اختلاط تاني معاه
_بس يا بابا..وحياتي اسمعني 
_الموضوع منتهي

*نسيت مين انا؟!*

_انا اسف والله مكنتش شايفك..
اتكلمت وانا بنفض هدومي من القهوه اللي وقعت عليا_لا عادي ولا يهمك
عيوني اتقابلت مع عيونه.. 
اول مره اشوفه بعد سنتين من الفراق، قلبي كأنه اتخلع.
_ملامحك لسه زي ما هي يا حسام 
عقد حاجبه_تعرفيني؟!

*انا الحب اللي كان، اللي نسيته قوام، من قبل الاوان*

_حسام بيشتغل هنا من امتي؟ 
_حوالي خمس شهور، بس ليه 
_لا لا مفيش 
روحت للقسم بتاعه وانا بترجف
_حسام
إتلفت ليا_ايوه
_ممكن ثانيه
اخدته وطلعنا علي كافيه الشغل
_هو حضرتك يعني انتي من ساعت ما شوفتيني وانتي مش علي بعضك 
_حسام انت بتستهبل 
_والله ولا بستهبل ولا نيله، اعرفك منين انا 
طلعت الخاتم من الشنطه_مش فاكر دا كمان؟ 
_يعني هو حضرتك ايه اللي دخل الخاتم بتاعك بـ اللي بنقوله دلوقتي! 
اخدت شنطتي ومشيت وعيوني كانت مليانه بالدموع.

*نسيت اسمي كمان! نسيت يا سلام علي غدر الانسان*

_ممكن اتكلم مع حضرتك؟ 
رفعت عيوني من علي الورق وبصتله
_اتفضل
_هو انتي اسمك ايه... اصل يعني من ساعت ما شوفتيني وانتي بتقولي مش فاكرني يا حسام مش فاكرني..طب فكريني يعني 
ابتسمت بوجع_حبيبة
ركز في عيوني جامد وبعدين اتكلم_بصي، انا مش عارف انتي تعرفيني منين ولا من امتي ولا ازاي..بس انا عملت حدثه من سنة ونسيت كل حاجه ولغايه دلوقتي مش قادر افتكر. 
قومت من علي الكرسي بسرعه ومسكت ايده_انت كويس طيب..انا اسفه والله 
سحب ايده من ايدي_لا متتأسفيش انا اتحسنت و..وكمان بقا عندي يارا
_يارا! 
_اه بنتي عندها يدوب شهرين دلوقتي..الا صحيح انا كنت اعرفك منين؟ 
_اه.. كنا صحاب كليه
_بس؟ 
_اه.. ايوه
_بس حاسس اننا كنا اكتر من كده؟ 
_لا..او اه يعني كنا قريبين شويه 
ابتسم_طيب انا مبسوط اني شوفتك مره تانيه
_وانا كمان..

*يا حبيبي فداك انا، فداك قلبي اللي حبك*

الفصل الاخير من روايتي..إلي حبيب عيني الذي لم ألتقي به حتي الان ولم اعلم عنه شئ..لقد تعاهدنا علي السير سويا ولكنك تركتني هنا وحيده ومکسورة، اتمني ان تصل إلي يديك روايتي وتتذكرني..

قفلت الكتاب وانا ببتسم، كنت اتمني انه يكون اول واحد يقراها زي ما كنا متفقين ولكن للقدر رأي اخر..

*عسل ومُر انت..وفاء وغدر انت.. وحب العمر انت!*

لـِ/هاجر علاء✍🏻