حواديت مَريمه وياسين مكتملة لجميع فصول بقلم الكاتبة مَريمه
عالفكره إنتي غدارة !!
بصتله پصدمه وقولته بزهول وانا بشاور علي نفسي
أنا غداره ياياسين
هز رأسه بأه وهو بيضحكفقولتله بغيظ ده كله عشان بقولك هقضي اليوم كله مع صحبتي
قال بضيق بان ف صوته عشان ده يوم اجازتي يعني هقعد لوحدي كده!
عنده حق الراجل بس انا وعدتها اني هقضي اليوم معاها
بصتله بابتسامه وقولته
انت ممكن تعمل حاجات كتير في اليوم ده ممكن تقضيه مع صحابك تفصل مني شويه تأخد هدنه من زني وصياحي ده كده مصلحه ليه والله
ضحك باستهزاء وقال بتساؤل ومين قالك أن كلامك معايا ومشاركتك عبارة عن صياح وزن مين قالك عايز هدنه يمريم
بصتله باهتمام فكمل بحب لو هموم العالم كلها عباره عن الزن والصياح اللي بتقولي عليه ف يا أهلا بالهموم !!
أحضنه ده ولا اعمل معاه إيه بيثبتك يمريم عشان تغيري رأيك بس أنا اتثبتت أصلا
احم طب بص انا وعدتها والله
اخد نفس وقال وانا مرضاش تخلفي بوعدك اخرجي يحبيبي بس مع اي واحده من صحباتك
سقفت بايدي انه وافق وقولته بحماس هدي طبعا هو في غيرها !
وشه اتغير وغمض عيونه بضيق
وقال بهدوء جدا إنتي بتحبي هدي قوي كده
بصتله باستغراب وقولته هدي دي صاحبه عمري يا ياسين
متزعليش مني بس دايما رأي إنها مش شبهك يمريم مش دي اللي يتقال عليها صاحبة عمرك خلي بالك من أفعالها !
قولتله بقلق ليه بتقول كده
باس راسي وقال بحب ولا حاجه يحبيبي انا فقط بقولك رأي وعارف أن مريوم بتعرف تتصرف صح هنزل أصلي !
سابني ونزل وانا دماغي فضلت تودي وتجيب ياسين بيحذرني من هدي من أيام الخطوبه بس هي معملتش حاجه وحشه معايا هي بس بتدايقني لما بتفضل تسالني علي ياسين وأسرار بيتي وانا برفض أقولها علي حاجه وده الصح جوزك وبيتك وأسراره تخصك إنتي وهو فقط محدش ليه الحق يتدخل ولا إنتي تعرفي حد عنهم حاجه
وأخيرا وافقتي تقضي اليوم كله معايا يا استاذة !
رديت بابتسامه معلش يحبيتي إنتي عارفه البيت وكده
قالت بمغزي ولا ياسين بيرفض إنك تخرجي
قولت باستغراب لا طالما أنا حابه عمره مابيرفض والدليل قاعده معاكي بقالي كتير أهو! وبعدين دي ٤ مرة تسالي عن حاجه واسم ياسين يتذكر !
قالت بتوتر لا بسأل عادي يمريم سيبك إنتي هترجعي شغلك إمتي
بصتلها كتير وانا حاسه بنظرة اول مرة أشوفها من هدي حقد غمضت عيني شويه ورديت بهدوء اول الاسبوع الجاي بأذن الله وٱنتي هتعملي إيه
هرجع برضوا كفايه إجازة
قضيت فعلا اليوم كله معاه غلطت إني سايبه ياسين يوم أجازته اه غلطت أنا كنت هكنسل معاها بس بس شوفت رساله علي فون ياسين منها بتسأله عليا وان فوني فاصل المضحك بقي أن فوني مكنش فاصل ولا حاجه وهي أصلا متصلتش !!
ياسين مردش عليها ولاحظت كمان مكالمات منها ورسايل وياسين برضوا مبيردتش علي معظمها ولو رد بيكون عبارة عن
متتصليش تاني
أنا عامل أعتبار لصحبتك ومش عايز اصدمها فيكي فاحترمي ده
قولتلك مليون مرة أنا مبحبش غير مريم ولا هحب غيرها
لو اتصلتي تاني هعمل تصرف ميعحبكيش
فقررت اقضي اليوم معاها وانا كزوجه لياسين مش مريم صاحبتها المعميه وفعلا لقيتها بتجيب سيرة ياسين بطريقة اوڤر قوي بتحاول توقع بينا تعرف حاجات عنه بس ليه يهدي ليه
روما يروما يلا أصحي
قولته بنوم
الساعه كام
7 30
نطيت من السرير حرفيا وقولتله باستعجال طب يلا بسرعه اجهز
