حواديت مَريمه وياسين مكتملة لجميع فصول بقلم الكاتبة مَريمه

فيها اعمل إيه تاني عشان تحبني وتبعد عنها 
أنا اللي هعمل المرادي يا صحبتي!!
بصيت بزهول لمريم هتفهم غلط ولا هتصدقني تصدق مين يا ياسين انت وصاحبتها ف بيتكم ! لقيتها بتقفل باب الشقه وبتحط حاجتها علي الترابيزة بكل هدوء سابتنا واتجهت للاوضه ثواني وخرجت ف ايدها تشيرت ليا!! طب اضحك ولا اعمل ايه رمته في وشي بعصبيه عشان البسه وبصت لهدي اللي واقفه ولا هاممها مشاعر صاحبتها ف الوقت ده
قالت بهدوء مزيف تحكي إنتي ي هدي ولا أحكي أنا بس لا أحب أتكلم انا ف الوقت ده 
بدأ صوتها يعلي لو هفضل أعيد ذكرياتي معاكي مش هلاقي إني قصرت معاكي ف حاجه كنت صاحبه جدعه اخت ليكي عمري ف يوم ما خذلتك في حاجه بنصحك دايما معاكي خطوة بخطوة يبقي ليه يهدي لييييه  
سايبه رجاله العالم كله وجايه علي جوزي ومن ايام الخطوبه كمان عارفه عارفه لو ايامها جيتي صارحتيني بمشاعرك تجاهه انا كنت سبته اصلا تخيلي بعزك قد إيه ! بس سوري يصحبتي دلوقتي الفرصه ماټت بقي جوزي حقي انا وانتي اكتر واحده عارفه مريم مبتسبش حقها لاي مخلوق
ردت هدي پحقد وإنتي ليه تتخطبي وتتجوزي الراجل اللي حبيته ها ليه ليه يفضل متمسك بيكي للدرجادي كل ما اخد خطوه ليه يقلعها من جذورها وده كله تحت مسمي حبك إنتي ليه مش انا يمريم !
رجعت لهدوءها تاني وبصتلها بقرف عشان قلبك الحقود يهدي عشان إنتي خاينه للعيش والملح اللي بينا عشان إنتي مش مريم حسن اللي حبها ياسين عشان إنتي رخصتي نفسك بجريك ورا واحد متجوز ونسيتي دينك وأخلاقك وووصاحبتك !
كانت هدي هتتكلم بس هي سكتتها بكل عصبيه 
مسمعش صوتك عشان قسما بالله انا ماسكة نفسي عنك بالعافيه انتي هتخرجي من الباب ده باباكي مستنيكي تحت ومتبصيش كده أنا كلمته اول ما سمعت صوتك الجميل ده في شقتي ابقي بقي احكيله كنتي بتعملي إيه هنا وانا مش موجوده هتخرجي ومشوفش خلقتك في أي مكان وده لمصلحتك ومش هفكرك أنك عارفه عصبيه مريم وبتاخد حقها إزاي وقسما بالله يهدي لو عرفت إنك بتفكري شوفي بتفكري بس في جوزي لهعمل حاجه تزعلك مني قوي
قربت منها شدتها من ايدها لبرا وهي بتقول بنبره عصبيه مرهقه
يلا وريني جمال خطوتك كده وااه نصيحه اخيره اتعالجي من الامړاض اللي في قلبك دي وقتها هتشوفي أن مفيش حاجه اسمها حب ف قلبك لجوزي ووقتها هتحسي بمعتز الغلبان اللي نفسه يعمل اي حاجه وتوافقي عليه بس تعرفي هو خسارة فيكي ولو مش عايزه تخسري من كله اتعالجي وحافظي عليه وده كله وانتي بعيده عني عشان مزعلش وانا زعلي وحش قوي 
قفلت الباب في وشها بعصبيه وقعدت علي اقرب كرسي ليها وسمحت لدموعها تنزل بغزارة 
كنت واقف شاهد علي إنهيارها لاول مرة زي ما شوفت عصبيتها لاول مرة برضوا خاېف أقرب تصدني ومش قادر مقربش اتجهت ليها بخطوات بطيئه ونزلت قدامها علي الارض اخدتها ف حضڼي وهي مقاومتش ده ابدا بكت كتير كتير قوي ومع كل دمعة منها في كسر في قلبي بيكبر فضلت كده فترة مش هينه أبدا واخيرا بقت اهدي
ليه مقولتش ليا علي اللي كانت بتعمله من أيام الخطوبه 
اتفاجأت من سؤالها ومهتمتش اعرف هي عرفت منين المهم أن الموضوع بيخلص 
عشان اللحظه دي مش حابب اشوفك كده مش حابب اشوف صدمتك وإنهيارك ده يمريم !
بصتلي بهدوء