حواديت أمير وصدفه بقلم فاتن أسامه ج ٢
_ تتجوزيني يا صدفه
كدا كدا أنا انتهيت وحكايتي انتهت يا أمير
_ ششش تتجوزيني
باك
_ يا صباح الورد
.......
_ عملت نفسي الشيف حسن وحاولت أعمل فطار
مكانتش بتدي أي رد فعل بتكتفي بإبتسامه مصطنعه وبس
_ طيب ياستي حابه تعملي إيه في يومك انهاردة
ولا حاجه....
_ طيب تحبي نخرج
بصتلي بفرحه
هتخلص امتي
_ ورايا كام حاجه بسيطة كدا مش هتأخر
_ طيب أنا عايزة...
_ كملي كلامك
حابه أروح الملاهي
_ بس كدا دا احنا عينينا بس تاكلي الأول عشان لو جرالك حاجه هيقولو أمير السبب
مساءا
خبطت علي باب الأوضة
_ جهزتي !
ايوا دقيقة بس
استنيتها
_ عدي عشر دقايق
إيه رأيك
_ إيه دا إيه دا مراتي حلوة كدا
خبطت كتفي
احم طول عمري حلوة يا باشمهندس
_ دا معناه إيه بقا !
قربت خطوة
أمير إياك وإلا...
قربت خطوتين
_ وإلا إيه
قربت خطوة
أمير انت مچنون...
نزلت علي الأرض
وبدأت أربط في الكوتشي بتاعها
_ دا معناه إن فاضل رباط الكوتشي ينفع تنزلي من غيرو
ضحكت
عليك حركات !
_ عسل صح
عسل أسود
_ إنتي كويسه !
رفعت عيونها
لا
فتحتلها حضڼي
_ أنا فاشل أوي في المواساة بصراحه بس أقدر أخبيكي جوايا بعيد عن الدنيا دي
خاېفه
_ عارف
مبهزرش والله كل حاجه بتعلق بيها بتمشي وتسيبني
أنا بقيت خاېفه أنا حتي خاېفه أبصلك خاېفه اتكلم معاك كتير خاېفه أضحك معاك خاېفه أحكيلك خاېفه أتعلق بيك وأصحي ألاقيك مشيت زي ما...
_ مش هيحصل عشان أنا...
مسكت إيدها
_ فيه كلام كتير اوي عايز أقولهولك كلام قديم وجديد زي حواديت ألف ليلة وليلة كدا
مستعده تسمعيهم
اتنهدت
_ إدي نفسك فرصه تشوفي الحلو اللي في الدنيا
طيب يلا
_ يلا فين
الملاهي يا أمير انت نسيت !
ضحكنا
_ يلا
وصلنا الملاهي
لعبت بكل الألعاب كانت بتضحك من قلبها
عدي كام أسبوع علي جوازنا وأول مرة أشوفها فرحانة كدا
كانت طفلة طايرة من الفرحه بالألعاب اللي في المكان
أمير هو انت هتخذلني امتي
_ ليه بتقولي كده
اصل اشمعنى انت يعني اللي هتنصفني
_ انتي شوفتي مني حاجه وحشه
لا
_ من واحنا صغار زعلتك مرة !
ايوا يا أمير كنت بتشد شعري وتطلع تجري ورايا
ضحكت
_ ياااه يا شيخه لسه فاكرة
وقال إيه صدفه هي اللي غلطانه
_ إنتي اللي كنتي بتستفزيني وفي الاخر تقولي لخالتي أمير ضړبني
ياسلام اتصدق انك...
أنا بحبك
ضحكت بعيونها
لسه !
_ منتهاش اساسا
حتي بعد ما كنت هتجوز غيرك
_ مكانش هيحصل عشان كنت بدعي بيكي والدليل أهو إنتي معايا دلوقتي
وافرض كنت....
_ مكنتيش عشان كنت واثق في ربنا كنت واثق إنه هيجمعني بيكي
ابتسمت
طيب يا فنان يلا نروح
أشطر واحده تقطع اللحظات الرومانسية
_ يلا ياختي
وصلنا البيت
صحيح...
_ سامعك
عايزة اسمع حواديت ألف ليلة وليلة اللي كنت بتقول عليها دي
_ بحيث كدا اعتبر دي فرصة...
لا متحلمش كتير
ضحكت
والضحكه دي معناها إيه بقا
_ بداية السطر كنت بحلم بيكي ونهايته معاكي إنتي
ودا إن دل علي شئ !
_ هيدل إني بحبك
فاتن_أسامه
يستحق_التوثيق
حواديت_أمير_وصدفه
