والعلة هي العشق الفصل السادس بقلم سولية نصار

الفصل السابع (كبريائي)
لحظة صمت حلت على الكل ...كانت عينين لينا متوسعة پصدمة ...مش قادرة تصدق العبـث اللي بيحصل ده ....
-أنت بتقول ايه ؟!
قالتها لينا وهي بتقوم من على الكرسي ...عينيها بتلمع بغضـ ب ...اكيد اللي بيقوله ده هزار ....
-اللي سمعتيه ...أنا لقيت ليكي العريس المناسب ...
-اهدي يا لينا لو سمحتي .
قالها والدها وهو شايف انها فعلا على اخرها بس هي كانت حاسة نفسها هتنفـجر ....قامت وقربت من جدها وقالت :
-أنت ايه اللي بتقوله ده ...انت بتتكلم بجد...انت اكيد بتهزر معايا صح ...انت اكيد الكلام اللي بتقوله ده مش من عقلك ...
-لينا لو سمحتي !!
قالها والدها بغـزضب فبصتله والدموع في عينيها وقالت :
-لو سمحتي ايه يا بابا ....لو سمحتي ايه ؟!لحد امتى هيفضل يتحكم في حياتي ...لحد امتى ....هو انا لعبـة في أيديه عشان يجوزني للي هو عايزه ...أنا أنا مليش رأي ...مليش أهل عشان هو يجي ويتحكم في حياتي !!!
اتنهد والده وبص لجابر وقال :
-لينا بنتي يا حاج...اللي بتقوله صح ...مينفعش تيجي تقرر وتجوزها كده فجأة ...كفاية انك فرقت بينها وبين قاسم ...كفاية أنك.كـ سرت فرحتها عشان بنت صاحبك...انت شايف ان دلال أغلى من لينا بس أنا لا ....أنا بالنسبالي بنتي أغلى من أي حاجة يا حاج.....
-وانت شايف ان واحد زي قاسم يستحق لينا...انت شايف انه يستحق يتجوز بنتك ....أنا عملت معروف في لينا وهتعرف ده بعدين ...
ضحكت لينا بتريقة وقالت:
-فعلت عملت فيا معروف وكـسرت قلبي ...برافو يا جدي ..برافو .....هو فعلا انت عملت معروف انك بعدته عني...بس كمان محدش هيتحكم في حياتي يا جدي...العريس اللي جايبه ده جوزه لبنت غيري ...أنا مش هسيبك تمشي حياتي زي ما عملت مع قاسم 
-وأنا مش هسمح انك تبوظي كل حاجة أنا برتبلها!!
بصتله بصد مة ...مكانتش فاهمة هو بيقول ايه ...
-تقصد ايه ؟!
رفع جابر رأسه وقال:
-لازم اضمن انك هتبعدي عن قاسم ....أنا مش هسمح لبيت دلال أنه يتخرب....
-أنت بتقول ايه يا حاج...انت عارف ان بنتي مش كده ؟!!
دموع لينا كانت بتنزل وهي بتبصله بصد.مة ...بس مسحت دموعها بقوة وقربت من جدها وقالت :
-انا مستحيل ابص لقاسم تاني حتى لو انفصل عن مراته...هو اللي ساب ايدي ..وانا مستحيل ارجع لواحد فضل الفلوس عليا...متخافش من الناحية دي يا جابر بيه ...حفيدك في امان...
-أنتِ كمان حفيدتي وعايز مصلحتك !!!