عشق وتملك والعلة هي العشق الفصل السابع بقلم سولية نصار

الفصل السابع (كبريائي)
لحظة صمت حلت على الكل كانت عينين لينا متوسعة پصدمة مش قادرة تصدق العبث اللي بيحصل ده
أنت بتقول ايه !
قالتها لينا وهي بتقوم من على الكرسي عينيها بتلمع پغضب اكيد اللي بيقوله ده هزار
اللي سمعتيه أنا لقيت ليكي العريس المناسب
اهدي يا لينا لو سمحتي
قالها والدها وهو شايف انها فعلا على اخرها بس هي كانت حاسة نفسها ھتنفجر قامت وقربت من جدها وقالت
أنت ايه اللي بتقوله ده انت بتتكلم بجد انت اكيد بتهزر معايا صح انت اكيد الكلام اللي بتقوله ده مش من عقلك
لينا لو سمحتي !!
قالها والدها بغزضب فبصتله والدموع في عينيها وقالت
لو سمحتي ايه يا بابا لو سمحتي ايه !لحد امتى هيفضل يتحكم في حياتي لحد امتى هو انا لعبة في أيديه عشان يجوزني للي هو عايزه أنا أنا مليش رأي مليش أهل عشان هو يجي ويتحكم في حياتي !!!
اتنهد والده وبص لجابر وقال
لينا بنتي يا حاج اللي بتقوله صح مينفعش تيجي تقرر وتجوزها كده فجأة كفاية انك فرقت بينها وبين قاسم كفاية أنك كسرت فرحتها عشان بنت صاحبك انت شايف ان دلال أغلى من لينا بس أنا لا أنا بالنسبالي بنتي أغلى من أي حاجة يا حاج
وانت شايف ان واحد زي قاسم يستحق لينا انت شايف انه يستحق يتجوز بنتك أنا عملت معروف في لينا وهتعرف ده بعدين
ضحكت لينا بتريقة وقالت
فعلت عملت فيا معروف وكسرت قلبي برافو يا جدي برافو هو فعلا انت عملت معروف انك بعدته عني بس كمان محدش هيتحكم في حياتي يا جدي العريس اللي جايبه ده جوزه لبنت غيري أنا مش هسيبك تمشي حياتي زي ما عملت مع قاسم 
وأنا مش هسمح انك تبوظي كل حاجة أنا برتبلها!!
بصتله بصد مة مكانتش فاهمة هو بيقول ايه
تقصد ايه !
رفع جابر رأسه وقال
لازم اضمن انك هتبعدي عن قاسم أنا مش هسمح لبيت دلال أنه يتخرب
أنت بتقول ايه يا حاج انت عارف ان بنتي مش كده !!
دموع لينا كانت بتنزل وهي بتبصله پصدمة بس مسحت دموعها بقوة