والعلة هي العشق الفصل التاسع بقلم سولية نصار

الفصل التاسع قنبلة
وقف جدها لثواني وهو بيحاول يستوعب كلامها ...فعلا ...معقول هتوافق ...كان بجد مش مصدق ..
بجد ...موافقة ...موافقة يا لينا !
قالها جدها وهو مبتسم بسعادة كان باين عليه الراحة ...ابتسمت بتريقة ...هو كان خاېف أنها فعلا هتاخد قاسم من دلال. ..
رفعت راسها وقالت
ايوة بجد....يعني شوفت انك خاېف اني أسرق قاسم من مراته قولت اريحك....بما انك شايف اني انسانة اخلاقها ز فت وممكن تسر ق راجل من مراته ...
وش جدها اصفر وهز رأسه وهو بينفي 
والله العظيم ابدا يا بنتي ...اقسم بالله عمري ما فكرت فيكي بالطريقة دي ابدا ...أنا واثق فيكي بس مش واثق في قاسم ...قاسم هيعمل المستحيل عشان يتجوزك ....وهيفضل يطار..دك....وعشان اضمن انه ميعملش كده عايز اجوزك واطمن...
ابتسمت لينا بتريقة وقالت 
هحاول اصدقك...عموما مش جاية اطلب منك تبريرات ...عرفت ايه هي اولوياتك...بنت صديقك طبعا اهم بكتير من حفيدتك ...ده اللي انا خلاص قبلت بيه ....أنا جاية احط شروطي عشان اتجوز اللي أنت تشاور عليه....
حطي شروطك اتفضلي ...
قالها بصبر ....
ابتسمت وقالت وهي بتقعد مرتاحة 
اولا هتكون فترة فيه فترة خطوبة ...الفترة دي أنا اللي هحدد امتى هتنتهي ...ثانيا أنا عايزة حفلة خطوبة كبيرة تتعمل في القصر هنا ...عايزة الصحافة كلها تتكلم عن خطوبتي ...عايزة الناس كلها تشوفني ....
اتجمد وشه وهو بيبصلها فكملت شرطها التالت وقالت 
مهما كان العريس اللي هتختاره لازم أنا اشوفه واوافق عليه الأول .....
بصتله في عينيه وقالت
واخر شرط ليا...ان بعد الجواز هعيش أنا والعريس هنا في قصرك ...معاك.....
..........
في اليوم التاني ...
كان جابر في بيت ام دلال بيتكلم معاها هي واخوها 
ليه هو ابني مش قد المقام ولا ايه عشان السنيورة حفيدتك تشوفه وتقرر توافق او متوافقش ....حرا م ايه يا جابر بيه هي حفيدتك فاكرة نفسها ايه ...
فضلت ام دلال تتكلم وكانت هتج نن وهي حاسة ان البنت دي مش سهلة...هي مش هتسمح انها تبو ظ مخططها ...زي ما جوزت دلال لقاسم ..لازم تجوز قصي للينا....عشان تبقى الثروة دي بتاعتها ...بس لينا طلعت مش سهلة ابدا