حواديت سمية عبد السلام

حلو الروج ده.
بجد عجبك
جدا... معاك مناديل ولا تاخدي من معايا.
ليه مناديل 
عشان تمسحيه.
طب ما انت قلت ان حلو.
حلو جوا البيت... حلو ليا مش للناس.
يوسف قول انك بتهزر.
واي الهزار في اللي بقوله.
ده فرح وكل الناس حاطة ميكب وانت مضايق من روج.
اولا انا ماليش دعوة بالناس انا ليا دعوة بمراتي ثانيا دول يحطوا ميكب او لأ هما حرين.
طب ما انا كمان حرة ومن حقي احط.
لأ انت مش حرة عشان انت دلوقت بقيت على ذمة راجل..ها راجل يصونك ويحافظ عليك مش يخليك فرجة لكل الناس وقبل كل ده الميكب اللي بيتحط برى ده حرام.
وهو انا هخرج لوحدي ما انا هكون معاك وافق بقا عشان خاطري.
موافق بس بشرط.
ايه هو 
تيجي معايا تختاريلي لون القرون اللي هركبها .
يعني اي 
يعني انا اتربيت على إن الراجل يصون مش يعرض فأسف مش هقدر اخرج بيك كده.
كل ده عشان روج ! 
كل ده عشان مش عايز حد يبصلك نفس النظرة اللي ببصها ليك انا لو اطول اخبيك عن عيون الناس هعمل كده وكنت شايف ان مافيش حاجة هتصونك من عيون الناس زي النقاب بس كنت مستنيها تيجي منك انت.
ياشيخ خضيتني كنت فاكراك .
ولما اهزقك ترجعي تزعلي.
لانك عمرك ما اتكلمت معايا في الموضوع ده ايام الخطوبة ولا حتى بالتلميح انا عارفة كويس انه حرام حد يشوفني بالميكب غير محارمي بس كنت اتعمد احط وانت جاي عندنا عشان اشوف غيرتك.
كنت بحطه عشان اشوف نظرته
اشوف غيرته عليا 
مستنياه يقولي انه مش مرتاح
بس سكوته خلاني
احس اني مش فارقة معاه.
لان ماكنش ليا كلمة عليك كنت لسه مش مراتي واي كلمة هتتحسب عليا لان الراجل اللي بيغير ماينفعش يفرض غيرته قبل ما يكون ليه حق بس دلوقتي بقا من حقي اشوف الجمال ده كله ومش حابب حد يشاركني فيه .
الروج ماكنش لون على شفايفي ده كان سؤال بلون فاقع بحطه كل مره واستناه يجاوب
كنت مستنية غيرته مستنية يحس
بس سكوته كان بيخاوفني..
النهاردة قالها من غير ما اطلب.
انا مش بس حسيت اني محبوبة 
حسيت اني مصانة..
خلاني مسحت الروج
بس بأقتناع مش بخضوع.
بصلته شوية وانا مبتسمة وبعدين قلت
مش يلا بينا على الفرح كده هنتأخر.
يلا بس هو الفستان ده مش ضيق من على الوسط ولا ييتهيألي.
لأ ماتفقناش على كده الاختبار كان على الروج بس انما ماعملتش حسابي على الفستان.
اوعى تمشي من غير ما تسيب اثر ويهمني جدا اعرف رأيكم في الحدوتة لأنه بيفرق معايا عشان اكمل ولو لسه مش عامل فولو اعمل يارايق 
سميه_عبدالسلام.