صغيرتي 2 بقلم خلود ناجي

انا زعلانة اوي اني مصيري اكون بنت 
كمال اهربي ببنتك بسرعة يا بنتي والا هيقتلوكم 
_ اروح فين يا عمي ! اروح فين !
كمال اركبي القطر اللي جاي دا المهم تهربي بنتك ولادتها هتجيب الخړاب للبلد كلها 
_ انا مش هقدر اقتل بنتي يا عمي
كمال بنتك لازم ټموت بنتك من قبل ما تتولد والكل عارف ان ولادتها هتكون شؤم علينا جدتها حلمت وتفسير الحلم أن بنتك هتكون سبب المصاېب والدم من تاني يوم ولادة بنتك بس ماټ جدها صدقيني هما عندهم حق البنت دي لازم ټموت 
طيب وابني الكبير بدر اسيبه لمين ! مش هقدر اختار بين اولادي 
كمال انا مجرد سواق عند عايلة جوزك يا بنتي بس اقدر اديها لحد يريبها بس تنسيها 
هتكون بخير !
كمال هتكون بخير بس من النهاردة هي مش بنتك خلاص ولا هتسألي عنها بنتك من النهاردة تعتبر ماټت
موافقة
عفاف اليوم دا مر عليه ٢٠ سنة بالظبط لسه فاكرة كل حاجة كأنها لسه بتحصل قدامي بنتي اللي حتي معرفش اسمها ايه ولا لحقت اديها اسم انا قررت اتخلي عنها عشان تعيش انا مش وحشة ولا قاسېة بس انا حياتي هنا واهلي وجوزي هنا وابني هنا مش هقدر اتخلي عن دا كله كمان بنتي دي محكوم عليها بالمۏت من قبل ما تيجي انا حتي صدقت الرؤيا أنها هتكون سبب رجوع الډم تاني بين كبار العائلات هنا انا معرفش اللي عملته صح ولا غلط بس بس هي هتكون بخير بعيد عن هنا يا تري هي دلوقتي اخبارها ايه ! عايشة ازاي! مبسوطة ولا لا ! بتنام كويس وتاكل كويس !في حد بيهتم بيها ولا لا يا تري اسمها ايه !
_ مسسسسسسك والله لاعاقبك
معلمة بالله اخر مرة بالله مش هتتكرر تاني 
_اقفي مكانك احسنلك 
لا هتضربيني انا معملتش حاجة غلط هو الراجل كان قليل الذوق وانا بس عضيته في أيده 
_ الراجل دا بيكون ممول مهم للدار وبعدين أنت عيلة صغيرة عشان تعضي اللي قدامك  
عندك حق المفروض كنت خربشته وعورته جامد وبعدين انا مستحقش العقاپ هو كان بيتنمر علي طفل عندنا فأنا رديت عليه وشتمته 
_ انا هعاقبك عشان نشوف اخر التصرفات دي
مسكتني من ودني جامد ودخلتني الأوضة كالعادة انا بتعاقب علي طول بسبب اني شقية ولساني طويل بس اصلا مش مهم انا مش بزعل من ميس فايزة هي شريرة بس بحبها انا معرفش اي حاجة عن نفسي غير اسمي مسك وبس كبرت في الدار هنا الكل هنا ايتام في ناس كتير حاولت تتباني بس مكنتش برتاح وكنت برجع الدار تاني حياتنا هنا مش حلوة ومش وحشة انا كبرت ومقتنعة بشي واحد الإنسان لو مقرر يستمتع بحياته مهما كانت عنده مشاكل هيعمل كدا فعلا وانا قررت اركز علي الجانب الحلو اني عندي أصحاب كتير في الدار اني مسلمة اني عندي ميس فايزة ودي زي ماما رغم أنها بتعاقبني كل يوم واني أشطر كتكوت في كل حاجة واني عندي قلب حلو وابيض دايما ميس فايزة تقولي كدا تعرفوا اقولكم سر انا بزعل اني مش عارفة انا مين ! متخيل يعني ايه عايش حياتك وانت مش عارف اصلك ايه ! طيب اهلي دول مين ! طيب ليه سابوني الحقيقة قررت مش هعيط كل حاجة بتحصل في حياتنا ربنا مقدر دا وربنا رحيم بينا وعشان كدا ايا كان اللي هيحصل في حياتي انا قررت ارضي بيه حتي لو كان صعب 
_ الاكل ياأم لسان طويل
ميس فايزة اعمليلي شعري ضفيرة جديدة
_ انا مش عارفة مش بقدر اقسي عليك ليه ! وكمان بتحمل كل دلعك دا 
ضحكت عشان بتحبيني تنكري ! 
_ لا يا آخرة صبري
خدي بوسة وحضن عشان أنا كمان بحبك قوليلي بقي مالك زعلانة 
_ مين قالك اني زعلانة 
عشان اول مرة متتخانقيش معايا اني معملتش مساج لفروة شعري واني شعري اليوم كله مفرود ودا معناه اني في حاجة شاغلة بالك 
_ الدار هتتباع لواحد اسمه رشاد هو راجل كبير في السن هو اللي هيكون مسؤول عن كل حاجة
خۏفت واټخضيت يعني راجل هيكون هنا ! راجل هيكون مسؤول عننا 
قربت مني ومسكتني جامد لو الكل خاف أنت لا يا مسك أنت لازم تنسي اللي حصل زمان انسي 
انسى !لا مش هنسي وانت اكتر واحدة عارفة فاطمة اتجوزت الشخص دا عشان بس هو انا قلبي ۏجعاني اوي رغم اني مر ٧ سنين كاملين بس من وقت ما انا شفته بېتهجم عليها وانا بخاف من اني اكون في مكان فيه راجل بخاف من نظراتهم من قربهم وكل مااكبر وانا بكرههم اكتر خصوصا اني معرفش ليه انا اترميت هنا ميس فايزة أنت عارفة كل حاجة حصلت معايا ليه دلوقتي ييجي راجل يدير المكان هنا ! ليه وافقتي ياماما فايزة !
_ بټعيطي ليه طيب !
عشان هنا في بنات كتير يا ماما فايزة واولاد صغيرين خاېفة الشخص دا يكون قاسې عليهم ويكون زي اللي قبله بيفكر بس ازاي يلموا فلوس وتبرعات ويتاجروا بينا هنا في بنات صغيرة وبتكبر ومحتاجة رعاية واهتمام وخاېفة الشخص اللي جاي دي يكون نيته وحشة اتجاه حد فينا انا بجد خاېفة
_ انا موجودة وهفضل موجودة متقلقيش وبلاش عياط مسك أنت دلوقتي مش طفلة صغيرة أنت تقدري تقفي في وش اي حد وتواجهيه
انا نفسها مسك يا ماما فايزة اللي پتخاف من الضلمة والكلاب والناس كلهم انا نفسها مسك الطفلة الصغيرة اللي مهما عمرها زاد هي مش بتكبر ومس بتعرف تواجه حاجة بس بتقعد ټعيط 
_ بس لسانك طويل 
ضحكت اه بس المدير دا هطلع عليه القديم والجديد 
_ عارفة لو عملتي مقالب فيه هعمل فيك ايه ثم شعرك بتفرديه ليه ! انا مش قولت مليون مرة بلاش تفرديه طيب عقاپا ليك هتنضفي المكتب كله 
يامس فايزة ماما فايزة يا فوفا بقي حرام 
_ انا قولتي اللي عندي ولو المكتب بكرا مكنش نضيف مفيش فطار ولا غدا
ربنا علي الظالم 
_ بتقولي حاجة 
بقولك ربنا يقويك يا فوفا يا قمر انت 
يارب يكون اللي جاي ايام حلوة يارب انا معنديش غيرك انا لوحدي بس معرفش اعمل حاجة غير اني اتكلم معاك يا ربنا واقولك كل اللي حاجة يارب الحمد لله اني يتيمة ومعنديش أهل عشان احس بالوحدة واتونس بس بقربك الحمد لله اني يتيمة شبه سيدنا محمد يارب أخلاقي تكون حلوة وترضيك يارب وسيدنا محمد يكون فخور اني واحدة من أمته يارب اكون عبدة صالحة يارب انظر ليا نظرة رضا ودخلني الجنة وأرزقني رجل حنين لطيف احبه واعرف اتكلم واضحك معاه وميكونش بيضايقني أو يحب يخليني اعيط أو مشاعره باردة وقاسې يارب أنا نفسي الايام اللي جاية تكون حلوة يارب تكون ايام حلوة دلوقتي اشطر كتكوت صلي القيام وقال الاذكار بتاعته وينام عشان الفجر بقي وبكرا نشوف حوار المدير الجديد دا 
_ السلام عليكم ورحمه الله وبركاته
دا المدير الجديد ! احيه بجد !
فايزة باحراج ايه اللي بتقوليه دا ! معلش يا استاذ حمزة حقك عليا بنت صغيرة تعالي معايا 
والله الكلمة دي طلعت ڠصب عني 
_ انا حذرتك مليون مرة منها وعقاپا ليك هتقعدي في الأوضة لوحدك وكمان لو سمعت الكلمة دي اتكررت مش هيكون في اكل ولا شرب ولا لعب أو لبس جديد 
دي مجرد كلمة ليه دا كله 
_ عشان الكلمة دي غلط وحرام وبعدها لسانك هيتعود علي الشتايم والمسلم المؤمن لسانه مش باذئ ولا بتاع شتايم المسلم لسانه دايم ذاكر لله وحامد لله وأنت عايزة تتربي من اول جديد 
بس المدير الجديد حلو اوي يا فوفا كتكوت اوي 
_ والله لما اخلص الشغل هجيلك
اتحبست للمرة المليون بس العيال الصغيرة كانوا قاعدين قدام اوضتي وبيحكولي تفاصيل يومهم وكمان بيحكولي عن المدير الجديد بس هو طلع صغير اوي وكمان بيغض بصره معقولة يكون محترم ! لا طبعا مستحيل انا اثق في الأشكال دي 
ريم بس تعرفي اسمه حمزة وشخص كويس وجابلنا لبس واكل وحاجات كتير حلوة وكمان لعب مع زياد وأيمن وخالد وكرم وجمال وهاني وكل الاولاد وكمان لعب معانا شوية
بجد ! دا واضح انه مش سهل وشرير اوي بقولكم ايه انا جعانة اوي حد يتحايل علي ميس فايزة تسامحني ومش هكرر الغلط دا تاني 
ملك لا عشان تستاهلي
لما اطلعلك هجيبك من شعرك يا بتاعة احمد أنت شوفي مين اللي هتفصلك فستان كتب الكتاب 
ملك مسوكة حبيبتي انت سكر حياتي 
لا والله دا أنت عيلة مش سالكة يا عيال جعانة اوي بالله ياماما فااااااايزة جعااااانة 
ريم في حد جاي احنا هنرجع مكاننا عشان منتعاقبش
سابوني وطلعوا يجروا انا اللي بقف معاهم دايما ومش بسيبهم يتعاقبوا لوحدهم عشان بكون متعاقبة معاهم اصلا
يا ماما فايزة جعااااانة و 
سكت لما لقيت المدير الجديد واقف قدامي لوحده
_ ليه الباب مش بيفتح !
عشان مقفول بالمفتاح 
_ ليه !
ميس فايزة قفلته 
_ ليه برضوا !
بصتله بقرف عشان متعاقبة 
_ اه طيب
سابني ومشي عادي طيب انا جعانة دلوقتي والله منك لله 
_ تعالي يلا عشان تأكلي حقك عليا نسيت اجبلك الغدا 
اتاخرتي اوي المرادي فكرتك نسيتي 
_ وانا اقدر انساك تعالي وهأكلك بايدي 
بالله ! طيب ونقعد في الحديقة الخلفية 
_ يلا 
بالمناسبة صح عاملة ايه اكل يا فوفا !
_ ورق عنب وفراخ وملوخية وفي بانيه ومكرونة و 
طبعا كل دا عشان المدير الجديد اهو استفدنا منه بحاجة بس صغير اوي يا فوفا دا هيعرف يهتم بحاجة دا 
_عارفو لو لسانك الطويل دا يتلم هتبقي سكرة 
انا اصلا سكرة من غير حاجة 
من النعيم المؤجل في الدنيا هي اللحظة دي اني قاعدة في وسط ورد كتير والسما فوقي والقمر ساطع ومع أكتر حد بحبه وبحكي كل اللي عايزاه وكمان حد بيأكلني بايده يالله باركلي في النعمة دي واحفظها يارب الدنيا لحظة حلوة مع ناس بنحبهم نحكي معاهم كل اللي في بالنا من غير ما نفكر نضحك من قلبنا ونعيط كمان نكون شفافين ومفهومين تفتكروا هحتاج ايه تاني من الدنيا !
حمزة كنت واقف وشايفهم من اوضتي وهي قاعدة بتتكلم وميس فايزة بتأكلها رغم أنها كانت متعاقبة من شوية بحسدها علي ضحكتها