لم يكن اخي بقلم إيمان شلبي

كله بيودي علي بيتي أن شاء الله ياقمري
وقفت لحظه تحاول تستوعب الكلام اللي قاله انس !
كانت صډمه بالنسبه ليها صډمه هتغير كل حاجه هتشقلب كيانها مستقبلها 
صډمه هتمنعها من اختيار شريك حياتها بكامل إرادتها هي مش باراده حد تاني غيرها
كانت ما بين الثانيه والتانيه توزع نظراتها ما بينه وبين مامتها اللي كانت واقفه حاطه وشها في الأرض خاېفه من المواجهه
بلعت ريقها وقربت من نسمه وهي بتتنفس بسرعه
ص صحيح الكلام ده ياماما !
نسمه وهي بتفرك ايديها بتوتر 
ا ا اصل
صړخت والدموع بتاخد طريقها علي خدها 
اصل ايه 
اصل ايه ردي عليا انتي ازاي تعملي فيا كده ازاي تجوزيني من غير ما اعرف ازاي تحرميني من ابسط حقوقي اني اختار شريك حياتي بكامل إرادتي
نسمه والدموع بتلمع في عينيها 
عشان كنت خاېفه عليكي
ردت بتوهان 
خاېفه عليا من ايه 
نسمه بدموع 
خاېفه اموت واسيبك لوحدك
ساره بعصبيه
فقولتي اجوزها من غير ما تعرف عشان انتي خاېفه
انس بعصبيه وهو بيهبد علي السور 
اتكلمي بصوت واطي انتي ناسيه أن اللي بتكلميها دي امك ولا ايه 
بصتله بكره واحتقار وهي بتجز علي اسنانها 
انت تخرس خالص سامع اخرس مش عايزه اسمع صوتك ولا اشوفك ولا عايزاك في حياتي تاني انت خدعتني كلكم خدعتوني
محدش فرق معاه قلبي محدش فرق معاه انا عايزه ايه محدش فرق معاه انا بحب مين
انس بغيره 
مش من حقك تحبي
بصتله باحتقار وهي بتبلع ريقها وبتتكلم ببطئ وهي واستهزاء
وانت مش من حقك تتحكم في مشاعري ولا فيا مش من حقك ابدا لان جوازنا باطل وانا مش موافقه بيه ولا عمري هوافق بيه ابدا ابدا مهما حصل
قالت كلامها وخرجت من البلكونه ونسمه بتجري وراها
ساره ساره اسمعيني بس انا...
ساره بدموع وهي بتقاطعها
لو سمحتي سيبني لوحدي
نسمه وهي بتشدها وبتقعدها علي السرير وبتقعد في وشها 
اسمعيني الاول وبعدين اعملي اللي انتي عايزاه مش هلومك ابدا
اتنهدت ولفت وشها النحيه التانيه وهي بترد بحزن 
اتفضلي ولو أن مفيش اي سبب يحقلك تعملي كده من ورايا
نسمه بدموع وهي بتحط ايديها علي ايد ساره 
انا عملت كده عشان بحبك وخاېفه عليكي عشان انا معنديش حد غيرك في الدنيا
ساره وهي بتشهق وبتعيط بحرقه
ليه عملتي كده ياماما
عشان عمك هددني لو موافقتيش تتجوزي ابنه هيخطفك ومش هشوفك تاني ابدا
ردت بذهول 
هيخطفني!!
نسمه بشرود ونبره كلها ۏجع
خۏفت لاني عارفه أنه شړاني وبتاع مشاكل وأيده طايله وممكن ياخدك مني وتختفي وانا مش قادره اعمل حاجه
ساره وهي بتتنفس بسرعه وخوف بس حاولت متبينش ده وردت بعصبيه ودموع 
محدش يقدر يعمل حاجه هي مش سايبه البلد فيها قانون ا...
نسمه وهي بتقاطعها بابتسامه سخريه
وفكرك عمك يفرق معاه القانون أو غيره عمك يقدر يطلع منها زي الشعره من العجينه يقدر ياخدك مني ويجوزك ابنه ڠصب عنك وقتها مش هقدر أرجعك لو وقفت علي راسي
ساره وهي بتبص قدامها بشرود 
يعني فكرك جوازي من أنس هو اللي هيمنعهم !
نسمه وهي بتتنهد
هو لسه ميعرفش انك اتجوزتي هو عرض عليا الموضوع وهددني وسابلي فرصه يومين افكر مش بعيد تلاقي شويه وبيخبط عشان يعرف الرد واللي هو متوقعه
عشان كده انا اللي عرضت علي انس يتجوزك انس بيحبك ياساره ومستعد يعمل اي حاجه عشانك مستعد يواجه الكون كله
تعرفي اول ما حكتله اټجنن كان عايز يروحله لحد البيت بس انا منعته وعرضت عليه يتجوزك وهو وافق وقالي أنه بيحبك اوي وأنه مستعد يضحي بحياته عشانك عشان خاطري يابنتي سامحيني
والله انا عملت كل ده عشانك