مش عايزة اخواتي يحضروا فرحي
مش عاوزة اخواتي يحضرو فرحي...
أنا (23 سنة) هتجوز بعد كام شهر، وعندي إخوات أكبر مني بفرق سن كبير
أختي الكبرى 34 سنة، وأخويا 36، وأخويا 38، والتاني 38 برضه. كلهم متجوزين، ولأنهم اتجوزوا وأنا لسه صغيرة ، و كانوا بيعملوا افرحهم من غير اطفال، فأنا مكانتش معزومه على ولا فرح منهم.
أخويا الكبير اتجوز وأنا عندي 10 سنين، فهمت السبب، بس برضه زعلت جدًا، لأنه اتجوز واحدة بحبها، وأنا ماقدرتش أشوف فرحته.
التاني اتجوز وأنا عندي 12 سنة، برضو مكنتش معزومه رغم إني كنت بنت مؤدبة جدًا.
أختي اتجوزت وأنا عندي 15 سنة، في البداية مكانتش عايزة فرح من غير أطفال، بس كل العيلة أقنعتها لأنهم قالو “هتبقى حاجة مختلفة ومن غير الفوضي اللي بيعملها الأطفال”، فأختي وافقت.
لما سألتها أقدر أكون استثناء لأني أختها؟ قالتلي لاء “لو عملنا استثناء ليكي، يبقى باقي الأولاد هيعملوا إيه؟ مش هيبقى عدل”. زعلت جدًا واتعصبت، وكنت شايفه ان اللي مش عادل كان إني مش موجودة في أي فرح من إخواتي. بابا وماما زعلوا وعاقبوني.
آخر فرح أخويا اتجوز وأنا عندي 17 سنة، وقتها ماكنش خلاص فارقة معايا، وعرفت إنه هيكون فرح من غير أطفال ، فما سألتش أو توسلت، وبعتله بس رسالة “مبروك”.
دلوقتي أنا هتجوز، وقررت محدش من إخواتي هيكون موجود، عشان أنا مكنتش موجودة بأختيارهم. لما ما وصلتهمش دعواتهم، كلهم جوا بيتنا وسألوني ليه.
قلت لهم ببساطة: “أنتم مكنتوش عايزيني في افراحكم، وأنا مش عايزاكم في فرحي”. وشرحت لهم قد اية زعلت لما ماقدرتش أشوف أي فرح من إخواتي، وهم المفروض يحسوا بنفس الشعور.
هم قالوا إن الفرح كان فيه كحول ومكانوش عايزين أولاد صغار يتأثروا، وقلت لهم أنا كنت عايزة أحضر الفرح . ماما بدأت تصرخ وقالتلي إني مش عادلة، وعايزة كل أولادها يكونوا مع بعض في اليوم الجميل ده كوميديا صح؟
بس أنا مش هتراجع، ومتمسكة إن محدش منهم يتعزم.
تحديث
اتكلمنا بعد ما نشرت البوست. قلتلهم مش هعزمهم غير لو شرحوا كل حاجة حصلت قبل كده، وإلا مفيش دعوة.
بعد شوية، الحقيقة ظهرت
أنا في الحقيقة بنت عمهم. بابا أخوه ماټ اللي هو ابويا البايولوجي وهو كان بيربيني قبل ما يتوفى لوحده، هما مش عارفين مين والدتي. لما كنت صغيرة كنت محتاجة اهتمام كتير، فابعدوا عني شوية.
واحد من اخواتي اعترف إنه أحيانًا كان بيكرهني. ماما وبابا حسوا انهم مكسوفين من أنهم ما قالوش الحقيقة. أنا سبتهم.
في الآخر، إحنا قررنا واتجوزنا بس من غيرهم!
بعد كل الدراما دي، قررنا نعمل الفرح هادي مع أقرب أصحابنا. واحتفظنا بالفلوس للسفر للبلد اللي حلمنا نروحها.
ماما اتدايقت إن مفيش احتفال كبير، بس أنا بصراحة مش فارقة معايا، اليوم ده كان لينا إحنا الاثنين.
