حامل في جن بسبب دجال نصاب بقلم جمال الحفني

بنت بتقول إنها حامل في جن بسبب دجال نصاب ومش عارفه تسقطه من بطنها إزاي
واحدة متجوزة ومعاها أولاد وحصلت مشاكل بينها وبين زوجها أدت للطلاق ولإن زوجها مكانش مهتم بأولادها على حسب كلامها يعني لا بيشوفهم في الأعياد ولا بيدفعلهم مصاريف المدارس ولو دفعها بيكون متأخر وبالعافية كمان لحد ما سمعت عن واحد روحاني ومشهور جدا على الفيس وعلى قنوات التليفزيون وقررت تستعين بيه.
راحت بيته وكانت بتتردد عليه وبدأ يعملها جلسات وطقوس من الطقوس اللي بيعملوها وتقريبا خلال الفترة دي الست عجبته ودخلت دماغه وفي مرة من المرات صحيت لقت نفسها نايمه جمبه ولما سألته على اللي حصل قالها الجن هو اللي عمل معاها كدا عشان يحل لها مشكلتها وإنها حاليا مراته مرات الدجال.
بتقول إنها كانت تحت تأثيره وكإنه رابطها بشيء محدش يعرف يفكه غيره واستمرت على الحال دا معاه 10 أيام وبعدين قدرت تهرب وترجع على بيت أهلها.
البنت تعبت جدا وكانت مرميه على السرير محدش يعرف مالها أو فيها إيه دكاترة تيجي وشيوخ كمان ييجوا لحد ما حالتها اتحسنت شوية لكن خلال الفترة دي كان بيحاول يسيطرعلى اللي حواليا ويخليهم يإذوا نفسهم والدتها وابنها وأصحابها اللي حواليها بيحاول يساعدوها كان بيعمل كدا عشان ترجعله ويقدر يسيطر عليها من تاني.
بعدها عرفت إنها حامل منه راحت المستشفى تعمل سونار لكن بطنها فاضية على الرغم من كل المؤشرات بتقول إنها حامل كشف الحمل والتحاليل وكل حاجه تثبت كدا الدكتور لما احتار معاها قالها ترجع تاني بعد أسبوعين ويعملوا سونار مرة تاني وفي كل مرة كان بيبان إن مفيش حاجه في بطنها مع إن التحليلات بتقول إن فيه دا اللي خلاها تكره اليوم اللي راحت فيه للدجال دا وطلبت منه الطلاق كذا مرة لكنه كان رافض وكان بيهددها