رواية جميلة من الحلقة الاولي حتي الرابعة للكاتبة الشيماء محمد

 
وليد ولا اعاقبك ولا تعاقبيني 
ميس حبيبي .. طيب انت قولي اعمل ايه مش بحب انام في حضڼ حد 
وليد حد هو انا حد ما علينا يا ميس ورانا شغل اتفضلي قومي انا هسبقك سلام 
سابها ونزل كانت جميله بتحط الفطار علي السفره فجه من وراها وضمھا وباسها في رقبتها 
جميله سي وليد ما ينفعش كده حد يشوفنا 
جت تبعد بس هو مسكها 
وليد يشوف عادي 
جميله ميس هانم 
وليد ميس لسه في السرير وعلشان تفوق وتنزل فيها ساعه علي الاقل وبعدين حتي لو شافتنا انتي مراتي ولا ايه ! 
جميله طيب اقعد افطر ما تنزلش علي لحم بطنك .. 
وليد مين عامل الفطار 
جميله انا عملاه 
وليد يبقي هفطر ... انا عايزك انتي تعمليلي الاكل
جميله طيب ازاي ميس هانم قالت ما ادخلش المطبخ 
وليد ما انتي ډخلتي اهو 
جميله علشان نايمه لكن الغدا صعب 
وليد اتصرفي .. اخترعي اي سبب 
باسها في خدها ويدوب بيضمها 
نبيله من وراه وبعدين اتفضلي من هنا انتي 
وليد روحي انتي ووريني شطارتك 
جميله مشيت وهو باصصلها 
نبيله انت ناوي تولع البيت افرض مراتك نزلت وانت حاضنها كده  
وليد مراتي وحاضنها 
نبيله وليد اعقل ... جميله قدام ميس خدامه وبس 
وليد بقولك ايه يا امي ارجوكي عايز افطر بهدوء وانزل شغلي 
نبيله افطر وماله 
فطر ونزل علي شغله وهناك في مكتبه 
دخل واحد متعصب ومتنرفز في مكتب وليد 
هدى السكرتيره اسفه يا افندم 
وليد خلاص يا هدى روحي انتي .. خير يا عمي في ايه 
عمه محي الدين خير وهيجي منين الخير !! انت ازاي ترفض المشروع اللي انا مقدمه للاداره باي حق بترفضه 
وليد عمي اقعد واهدى لو سمحت 
محي اقعد واهدى .. وعمي هو انت خليت فيها اعمام .. انت ولا عامل لاي حد فينا اعتبار 
وليد ليه بس يا عمي انت ايه اللي مضايقك دلوقتي 
محي انت رفضت المشروع وطبعا حماك وراك شريف باشا وبالتالي الاداره رفضت المشروع 
وليد وانت ايه اللي يضايقك مشروع اتقدم واترفض فين المشكله  
محي معرفش يقول ايه لان غضبه مبني علي اساس ان اكتر من نص الربح هيدخل جيبه لانه متفق مع الشركه اللي هيستوردوا منها انهم هيستورد حاجات مضړوبه بسعر الاصلي وفرق السعر هيحطه في جيبه وطبعا برفض المشروع المكسب بتاعه راح 
وليد ايه يا عمي سكت ليه ايه اللي مضايقك 
محي بتردد لان انا اللي طلبت المشروع ده وكنت هخلي علاء ابني يمسكه ويبقي مسؤليته وانت رفضته لمجرد انه جاي من ناحيتي 
وليد وقف لا يا عمي انا الشغل شغل عندي .. انا مرفضتوش لانه جاي من طرف حضرتك انا رفضته لاسباب كتيره اولها ان احنا بالفعل متعاقدين مع شركه محترمه وبتورد لنا المعدات اللي بنحتاجها 
ثانيا الشركه اللي حضرتك عايز تتعاقد معاها بتشتغل في التقليد مش الاصلي والمشروع متقدم انها هتورد معدات اصليه فحاجه من الاتنين 
يا الشركه هتنصب علينا يا اما .... 
محي كمل يا اما ايه 
وليد مرضيش يقولها صريحه 
وليد يا اما حد من جوه الشركه هو اللي هينصب وهيحط فرق السعر في جيبه وبالتالي المشروع اترفض .. عرفت يا عمي رفضته ليه  
محي برضه تيجي وتكلمني انا .. انا عمك وفي مقام ابوك يبقي تحترمني وتبلغني بنفسك ونتكلم مع بعض مش تبلغ الاداره والاداره تبلغني زي اقل موظف هنا 
وليد في دي عندك حق انا اسف يا عمي بس حضرتك لسه قايل ان الشغل مفيهوش مجاملات وزي مش هجامل حمايا ولا هو هيجاملني فطبقت ده علي الكل ولو عايز اعاملك في المجموعه علي اساس ان حضرتك عمي معنديش مانع 
محي لا يا وليد خلي الشغل شغل بعد اذنك 
مشي عمه ودانه بتطلع ڼار ودخل مكتبه 
علاء بابا عملت ايه 
محي مفيش فايده وليد مش سهل وفهم اللعبه كلها 
علاء يعني ايه 
محي يعني قالها صريحه يا الشركه بتنصب يا احنا بننصب 
علاء وبعدين هنعمل ايه هتسيبله الجمل بما حمل 
محي لا طبعا بس خلينا نتكتكله .. وبعدين خاېف من ايه مراته وما بتخلفش يعني اكبر اتنين مساهمين في المجموعه حصتهم لينا .. شريف ومعندوش اولاد غير بنته وبنته متجوزه وليد وسيادتها مبتخلفش يعني الاتنين فشنك 
الاتنين ضحكوا جامد 
علاء ولنفترض انه اتجوز تاني وخلف 
محي ما يعملهاش لسببين اولا