الجزء الثاني والاخير في شقة اسكندريه..بقلم محمد ابراهيم

صح .. ايوة تبعها .. عايزين تجننوني بس ده بعدكوا .. انا مش هتجنن ابدا سامعين .. ااااااااه تعبان .. تعبان ماشي جوايا .. حبيب .. الحقني يا حبيب تعبان بيقرصني .. ااااااااه .
حرفيا بدأت تتلوى على الكرسي شرايين جسمها كله بدون استثناء بدأوا يظهروا شرايين زرقا!! 
معرفتش اعمل ايه لقيتني بطلع من الاوضة وانا بجري طلعت وانا باصة ورايا وسمعاها وهي عماله تتوجع وتنادي على حبيب اظاهر ده اسم ابنها كنت خاېفة علشان كدا أخدت بالي متأخر إني مكنتش بدوس على الارض وده خلاني أبص قدامي و لما بصيت قدامي وانا بجري علشان انزل على السلم لقيت السطح كله عبارة عن بحر من التعابيين!!! .
تعابين مختلفة مش بنفس الحجم منهم الكبير والصغير مكنش فيهم تعبان شبة التاني من ذهولي من المشهد والريحة البشعة واللي كان هيجنني ان ازاي الليل ليل بالسرعة دي الساعة كانت ٩ الصبح لما دخلت أوضتها من ضوء القمر شوفت التعابين بوضوح .
بحركات هيستيريا بيتحركوا قدرت أوصل للسلم وبالفعل نزلت بس مافيش تعبان واحد على السلم ولما دخلت الشقة وقفلت على نفسي اترميت على الارض وانا بترعش وبدأت أعيط .
_ منال .. ايه مالك .. كنتي فين .. انا دورت عليكي ملقتكيش .. قومي .. قومي معايا في ايه بتترعشي ليه اهدي بس اهدي .
كان عامر طلع من الاوضة لما سمعت صوت الباب وهو بيتقفل جري عليا وقومني وانا اللي عليا عماله اقوله 
_ افاعي.. تعابين كتير فوق .. فوق السطح والله يا عامر فوق كانوا ھيموتوني .
كنت بقولهاله وانا مڼهارة ومش عارفه اتماسك يمكن رد فعل عامر في الوقت ده خلاني أبصله وانا مستغربة ده لانه بدأ يبص على الارض وعينه مفتوحة وقال بصوت واطي بس قدرت اسمعه 
_ السطح .. الافاعي .. الاوضة .. الست اللي قالتلي عليها !! .
قبل ما اسأله عن ايه اللي بيقولوا ويقصد ايه لقيت الباب بيخبط عامر راح وفتح شوفت البواب وبنته واقفين بس كان الواضح ان كان في شخص تالت معاهم لان عامر مكنش مدي للبواب وبنته اهتمام وكان موجه نظره لشخص واقف جنب البواب سمعت البنت بتقول لعامر بعد ما بصت جوة وشافتني 
_ كان عندي حق وحذرتك انها متطلعش فوق اكيد شافتها وشافتهم.. على العموم سيدنا الرفاعي هيتصرف متقلقوش .
مقدرتش أسكت أكتر من كدا وقومت روحت عند الباب وانا بقول لجوزي بعصبية 
_ يعني ايه مطلعش فوق وانت كنت عارف يا عامر .. كنت عارف وسيبتني لواحدي .
رد وهو شارد ومش باصص عليا  
_ بس انا سمعتها امبارح .. ومع ذلك محصليش حاجة .. هو ايه اللي بيحصل هنا .
ردت عليه وهي بتقرب عليا 
_ لا صبح ولا ليل حد من العمارة بيطلع فوق السطح وبيفضل دقيقة عل بعض.. كل اللي بيعملوه انهم بيرموا التعابين وبينزلوا بسرعة.. ومش شرط علشان سمعتها تأذيك .. كلنا بنسمعها .. اهدي يا حبيبتي تعالي معايا بس وانا هفهمك كل حاجة .
كنت باصة پغضب لعامر ومشيت مع البنت اللي عرفت ان اسمها علا قعدت وهي قدامي في اللحظة دي الدنيا لفت بيا لثواني ده حصل لاني شوفت الشخص اللي اسمه سيدنا الرفاعي ده .
لما شافني كان ساكت وكل اللي عمله انه ضحك ضحكة خبيثة وطلع فوق السطح هو والبواب ابو علا وعامر اللي طلع معاهم وقفل الباب وراه الرفاعي ده كان