قلب أحب امرأتين ولكن بقلم شروق حسام

فيه عربية خبطتني وجريت وسابتني مرمية علي الأرض وحيدر هو اللي جيه ساعدني "
كملت بتمثيل الحزن " بس للأسف مش فاكر أي حاجة غير ان فوقت في المستشفي مش فاكرة حتي اسمي "
" بتكلم مين يا راكاني "
راكان بتوتر " دي رهف يا جاسمين مراتي مش فاكراها "
جاسمين بغيرة وڠضب " طبعا فاكراها وهو دي حاجة تتنسي "
رهف بدهشة مصطنعة " مين دي يا حبيبي "
راكان بتوهان من كلمة حبيبي اللي اشتاق يسمعها منها " دي دي جاسمين     "
جاسمين بغيرة " قول يا حبيبها أنا مين "
" جاسمين مراتي التانية "
رهف پصدمة " ايه بقي انت متجوز عليا وعايزني أرجعلك عشان ايه أرجعلك ان شاء الله ده كفاية ان مش فاكرة حاجة يعني كنت هترجعني علي عمايا يعني لولا انها جت وسألتك هي مين مكنتش هتقولي انك اتجوزت تاني "
راكان بسرعة " لا مش كده حاولي تفهميني "
كمل بكدب " انتي اللي قولتي لي اتجوز تاني عشان انتي خلفتي سما ومخلفتيش تاني فالموضوع أثر في نفسيتك وطلبتي ان اتجوز تاني عشان اجيب الولد اللي كان نفسي فيه رغم ان حاولت معاكي كتير بس انتي أصريتي وكنتي هتطلبي الطلاق "
رهف بصت لحيدر پصدمة وهو بص لها بنفس الصدمة من كمية الكدب اللي سامعينه
جاسمين جت تتكلم وقفها صوت بنوتة صغيرة بتنادي عليها
" مامااااا "
جاسمين بإبتسامة " تعالي يا ياسمينا صحيتي من النوم "
رهف بصت لهم بجمود بس من جواها قلبها اتكسر مليون حته ماما بتقول جاسمين ماما هي الوحيد اللي ليها الحق تنادي بالإسم ده لا ومن براحتهم مغيرين اسم بنتها من سما لياسمينا عشان يبقي شبه اسم جاسمين
رهف بإبتسامة مصطنعة " مين دي "
راكان بحب " دي سما بنتنا "
" أومال ليه قالت لها ياسمينا "
" ده اسم الدلع بس اصل جاسمين بتحب سما أوي عشان كده بتقولها يا ياسمينا عشان قريب من اسمها "
" امممم علي كده بقي بعد ما اتجوزت تاني جبت الولد اللي كنت بتحلم بيه "
راكان بص لها بتوتر وفضل يتلعثم في الكلام " بس  هو   أصل     "
جاسمين بحدة وۏجع " لا معندناش عيال ارتاحي بقي "
خلصت كلامها وسابتهم وطلعت علي اوضتها وكلمت نفسها بۏجع ودموع هي ليه بيحصل لها كده ليه حب عمرها يطلع كده
قلب أحب امراتين و لكن 
شروق حسام
الجزء السادس بقلم شروق حسام
عدي شهر ورهف استقرت في فيلا دويدار هي وحيدر اللي مرضاش يسيبها غير لما يتأكد ان كل حاجة تمام وان هي هتبقي مرتاحة وراكان وافق ڠصب عنه عشان لو مكنش وافق كان هيأخد رهف منه تاني عقله بقي ملغي وهو مبقاش يفكر في حاجة غيرها هي وبس لدرجة انه أهمل جاسمين ومبقاش يهتم بيها وهنا بس
أنا كشروق أحب أقول فين العدل اللي انت قولت عليه يا أستاذ أنا مش مرتاحة لك علي فكرة
وجاسمين بقت واخدة ركن لوحدها في أوضتها قلبها بيتقطع علي اللي بيحصل واللي بتشوفه
جاسمين بدموع " عادي يا جاسمين دي مش غلطته ههه دي   دي غلطتك انتي    انتي لما عرفتي انه   م  متجوز قبل كده كنتي طلبتي الطلاق "
كملت پقهرة " طلاق طلاق ايه بس     وأنا     وأنا بحبه وبعشقه هي دي آخرى حبي ليه حبها وخلف منها وفي     الآخر جاي يتحجج      ومطلعني ان انا زي الشوكة في حياتهم ومنغصة عليهم عيشتهم ههه بيقول لها انه اتجوز عليها عشان الأولاد مرعاش حتي مشاعري "
فضلت تكلم نفسها كتير حابة تعاتبها وحابة تشكي لها پقهرة هي معندهاش حد تكرمي في حضنه وتفضفض له مشاكلها مامتها ماټت وهي في ثانوي وباباها دلوقتي مسافر برا مصر في شغل ومش هيرجع غير بعد أسبوع
اتنهدت بحسرة وقامت خدت شاور بارد وخرجت لبست ونزلت علي تحت وياريتها مانزلت
جاسمين فضلت واقفة علي السلم وهي بتبص لهم پصدمة وقهر " طلع فعلا ناسيكي يا جاسمين انتي خلاص بقيتي كارت محروق صفحة واتقفلت من حياته "
راكان كان قاعد علي السفرة وعلي رجله بنته اللي أصلا مكنش بيهتم بيها بعد غياب رهف بس دلوقتي كل حاجة اتغيرت بعد ما رجعت
ورهف كانت قاعدة جنبه بإبتسامة واسعة وهو شوية بيأكلها وشوية بيأكل سما
جاسمين مااتكلمتش وطلعت برا علي الجنينة متجاهلة راكان اللي بينادي عليها بعد ما لمحها خارجة
عدي الوقت لحد ما جيه الليل
وجاسمين لسه قاعدة مكانها ومتحركتش هي كل ده عمالة تتأمل السما وبتفكر كل حاجة عيشتها في حياتها
" انتي كويسة قاعد هنا لحد دلوقتي ليه "
جاسمين بخضة " حيدر خضتني يا بني "
حيد بضحكة " ابنك طب ماشي يا ماما "
جاسمين پقهر " حتي دي مش راضية تيجي "
" قصدك ايه "
جاسمين بتوهان وكأنها أخيرا لقت الفرصة عشان تخرج اللي جواها " ماما يا حيدر ماما عايزة اسمعها أنا بجد نفسي أخلف نفسي أجيب بيبي صغير أفضل اشم في ريحته وأبوسه وألعب معاه وأهتم بيه أكله واشربه وكمان أحضنه ولما يكبر أوديه المدرسة بنفسي كل يوم ولما يعمل مشاكل أروح أحلها له ولما يكبر ويتخرج أفضل واقفة قريبة منه وبشجعه يكمل ولما يجي يخطب أعمل دور الحما علي خطيبته ونفضل ننكش في بعض ولما يتجوز لما يتجوز لا مش هيتجوز هو هيفضل جنبي ومستحيل أسيبه "
كملت بإبتسامة حزينة " بس ده مستحيل لأن عقيم "
" عارف من بعد رجوع رهف مش من بعد رجوعها بس من قبلها بكتير بعد ما اكتشفت انه متجوز قبلي بقيت أحس ان مليش لازمة زي قلم الألوان الأبيض بقي كل تفكيرها فيها هي وأزاي يلاقيها وأنا كان بيقعد معايا ساعة واحدة بس كل يوم وكان بيجي يقولي عندي شغل عندي صفقة ولازم اسافر عندي عندي عندي وحجج كتير هنا بس عرفت انه كان بيحاول يعوض غياب رهف بوجودي شهر واحد بس جت فيه وقلبت موده 360 درجة وركني علي الرف "
حيدر بص لها بتفهم هي اتظلمت زي رهف الاتنين وقعوا مع بني آدم مش سوي
حيدر بإبتسامة " عارفة يا جاسمين انتي بس محتاجة تلاقي حد بيحب يرسم علي الورق الأسود اللون الأبيض ممكن ميكونش ليه لازمة وسط ألوان كتير بس ممكن يكون اللون الوحيد لشخص مش عايز غير اللون الأبيض ورغم كونه جرب كل الألوان علي الورق الأبيض الا انه فضل الورقة السوداء عشان يختارك انتي فاهماني يا جاسمين فهتكتشفي ان اختلاف هو الدافع الوحيد اللي هيوديكي لشخص هيقدرك وان ممكن وجودك في المكان الغلط واللي بيحسسك انك ملكيش لازمة أو يحسسك پقهر وۏجع الإحساس ده هيخليكي تدوري علي الورقة السوداء عشان تلاقي نفسك اختاري القلب الصح اللي يحبك فاهماني "
جاسمين بإبتسامة واسعة " فاهماك يا حيدر بجد شكرا ليك لولاك مكنتش هفوق "
راكان پغضب من وراهم " تفوووقي من ايه يا هاااانم "
" وانت يا افندي بتعمل ايه مع مراتي في وقت متأخر زي ده "
جاسمين بجمود " عادي قاعديين وبنتكلم ما انت