اسكريبت کانسر كامل بقلم إيمان شلبي

النهايات بتكون سعيده زي الافلام والروايات
جهزتي ياحبيبتي !
قالتها ماما وهي بتدخل عليا الأوضه وعيونها وارمه كالعاده من وقت ما عرفت عن مرضي
اتنهدت تنهيده طويله وانا بمسح دمعه شارده نزلت من عيوني وببتسم ابتسامه مهزوزه
جهزت ياماما
خرجنا وبابا شال الشنط ونزلنا ركبنا اوبر ووصلنا المستشفي
ومن هنا بدأت رحله العلاج وبدأت معاها ايام اصعب من اللي فاتت بكتير وخاصه وانا منتظره في أي وقت قدري
وفي يوم كنت قاعده في الجنينه بتاعه المستشفي الكبيره اللي كنت بتعالج فيها شوفت واحد قاعد في ركن بعيد
في أيده مقص ومرايا
ضميت حواجبي في بعض وانا براقبه بفضول
لمحت طيف ابتسامه حزينه ممزوجه بدموع وهو بيبص لنفسه في المرايا وبدأ يقص شعره
برقت پصدمه وقومت جريت عليه بتلقائية وانا پصرخ في وشه
انت مچنون انت ازاي تعمل كده في نفسك حرام عليك
وقف اللي كان بيعمله ورفع رأسه يبصلي بتوهان وبعدها نزلها تاني وهو بيكمل اللي كان بيعمله وكأني مش موجوده
بصيتله يشفقه والدموع بتلمع في عيني 
ليه بتعمل في نفسك كده
رد بابتسامه كلها سخريه
عشان لو انا معملتش كده الكيماوي هو اللي هيعمل كده
تلقائيا حطيت ايدي علي شعري وانا ببص قدامي بشرود والدموع بتنزل علي خدي زي الشلال
هز رأسه بحزن 
ايوه زي ما الكيماوي هيوقع شعرك الجميل ده كله حتي رموشك وحواجبك كل اللي بيميزك كبني ادمه هيقع وهيبقي شكلك بشع وفي الآخر ھتموتي و....
صړخت في وشه بعصبيه ودموع وانا بحط ايدي علي ودني 
بسسسس اسكتتت اسكت مش عايزه اسمع حاجه
حط المقص والمرايا علي الكرسي وهو بيقوم يقف قدامي وبيبص في عيوني بقوه وإصرار
اسكت ليه مش هي دي الحقيقه 
ليه دايما الكل بيهرب من الحقيقيه 
كلنا هنا بلا استثناء عايشيين حلاوه روح بس مش اكتر انما في الآخر ھنموت وهنتدفن تحت التراب ويجي بدلنا ناس تانيين ويموتوا ويجي ناس تانيين ويموتوا و....
قاطعته بسخريه 
طب لما انت واثق اوي انك ھتموت بتتعالج ليه بقي 
سكت لحظه وبصلي وكأني بسؤالي فاجئته أو لفتت انتباهه لحاجه هو مكانش واخد باله منها
قعد علي الكرسي وهو بيحط ايده تحت خده بتفكير
تصدقي انا عمري ما خطړ علي بالي السؤال ده أبدا 
حتي لو خطړ علي بالي فأنا مش هلاقي اجابه لسبب وجودي هنا
حط وشه في الأرض وعيونه بتلمع بالدموع وبعدها رفع رأسه وهو بيهز أكتافه بسخريه
أو يمكن خاېف مثلا 
من ايه 
خاېف اموت وانا لوحدي ومحدش يعرف عني حاجه
بصيتله بشفقه وقعدت جنبه وانا بسأله بحزن 
انت عايش لوحدك
لف رأسه وبصلي بصمت وفجأه قام مشي من غير ما ينطق حرف زياده
أما عني اتنهدت وانا ببص قدامي وبحاوط ذراعاتي الاتنين بأيدي وكأني بحضن نفسي وبصبرها وبدعمها لاني مش لاقيه اللي ياخدني في حضنه في وقت ضعفي واحتياجي
وقتها حضرني قول عمرو حسن وهو بيقول 
وهاتلي حضڼ ف عز الخۏف يطمني
وهاتلي حد يسكني ومايسبنيش 
وهاتلي عمر في بدايته
وهاتلي ضحك في نهايته ميبكيش
وهاتلي من الحياة إقرار بإني هأعيش
وهاتلي حلم يتحقق
وهاتلي حبيب مايكسرنيش
تاني يوم كنت قاعده في اوضتي ضامه ركبي في بعض وسانده راسي علي رجلي وببص قدامي بشرود
الباب خبط 
اتنهدت وانا بسمح لأي برا أنه يدخل
أخيرا لقيتك ده انا بلف بقالي ساعه!
لفيت باستغراب وصدمه وانا ببص للشخص اللي واقف علي باب اوضتي
انت
ابتسم وهو بيقولي بهدوء 
ممكن ادخل
بلعت ريقي بتوتر وانا بعدل نفسي 
ا احم اتفضل
دخل وهو ماسك بوكيه ورد احمر شكله يجنن في الحقيقه !
قرب مني ومدلي أيده وهو بيحك رأسه بتوتر
اتفضلي
قفلت عيني نص قفله بشك 
ده ليا
بص حواليه