اسكريبت بقلم ريم خالد

شوفتيه كنتي غيرتي رأيك..
كان بيبص في عيني جامد ربعت أيدي وأنا بقوله .
_ أنا مش من النوع اللي بينبهر بالشكل وطلاما أنا حاسه أنه مڠصوب عليا مستحيل اتقبله حتي لو أي ..
كونا بنبص لبعض جامد لحد ما شاور بعينيه علي الباب ..
_ ممكن أمشي ..!
وسعتله السكة وأنا بهز رأسي عدي من جنبي وبصلي بصه أخيرة قبل ما يديني ضهره أخدت نفس عميق أول ما خرج وكنت مغمضه عيني أول ما فتحتها كان جدو عبد الرحمن واقف قدامي.
_في أي .!
_ بتحبي الخيل ..!
بربشت بعيني كذا مره وأنا ببصله أبتسمت وأنا بقوله.
_ أيوه جدا ..
فتح الباب بفخر وهو بيقولي بفرحة .
_ طيب تعالي ورايا ..
جريت وراه ووقفنا قدام الأسطبل شدني من أيدي وهو بيقولي بهدوء ..
_ من صغري وأنا مغرم بالخيل وأتكسرت بسببه كتير بس دا ممنعنيش أني أحبه برده ..
_ أتعرفنا أنا وعبد الرحمن من خلال الخيل برده...
كان صوت تيته حياة وهي بتقف جنبي ضحكت وأنا بسألها بفضول ..
_ أزاي ..!
رد جدو بهدوء _ حياة دكتورة بيطرية وكان عندي خيل وانا شاب كان روحي فيه وكل الدكاتره أجمعوا أنه خلاص بېموت لحد ما ظهرت حياة كانت آخر أمل ليا والحمدالله أتعالج علي أيديها وبقيت مغرم بالخيل وبحياة ..
ضحكت تيته حياة بخجل وهي بتبصله صفرت وأنا ببصلهم الأتنين وبقول لجدو بغمزة .
_ أي التثبيت دا ..!
رفع وشه لفوق شويه بغرور وهو بيقولي .
_ دي أققل حاجه عندي ..
ضحكت شويه وبعدها سبتهم وأنا بخرج من الأسطبل لمحت خيال حد واقف علي البوابه أول ما لفيت كان واحد من الغفره بتوع جدي أول ما شافني بصلي پصدمه وفي ثانية كان بيمشي بعيد أترعبت وأنا بجري عليهم في الاسطبل من تاني ..
_ جدو ألحقني .!
لفلي جدو هو وتيته كملت كلامي وأنا بقوله پخوف.
_ في غفير من بتوع جدي شافني أكيد هيروح يقولهم ..
بصوا لبعض پصدمه طلع جدو تلفونه من جيبه وهو بيتصل علي عمر .
_ أنا هتصل علي عمر وهو هيتصرف خديها يا حياة علي أوضتها دلوقت ..
مسكت تيته أيدي وهي بتشدني معاها وأنا ماسكه في أيديها پخوف طبطبت علي خدي وهي بتقولي
_متخافيش أحنا مش هنسيبك ..
أول ما دخلنا أوضتي قعدت علي السرير وأنا بقولها.
_ مش هيرحموني لو عرفوا أني هنا ..
شدت علي أيدي جامد وهي بتقولي .
_ قولتلك مټخافيش عمر مش هيسمح يحصلك حاجه ..!
بصتلها وأنا بقولها بعياط.
_ أنا مش عيزاكوا أنتوا كمان تتأذوا أنتوا ملكوش ذنب ..!
_ يحببتي مش هنتأذي مټخافيش أهدي أنتي بس ..!
قعدت جنبي علي السرير وهي بتأخدني في حضنها شويه وكان باب الأوضة بيتفتح جامد أتنفضت من حضنها كان عمر واقف وجدو وراه ..
_ حياة تعالي ورايا لو سمحتي ..
قامت معاه

وهي بتبصلي بأبتسامة هادية بتطمني بيها قرب عمر مني قولتله بسرعة وأنا بمسك أيده.
_ عرفوا مكاني مش كدا ..
سكت شويه ورفع عينه ليا وهو بيقولي بتوتر..
_ هما عارفين ياريم أصلا..
سألته بأستغراب_ عارفين أزاي ..!
شدني وهو بيقولي بهدوء..
_ أقعدي عشان نتكلم ..
قعدت قدامه وأنا ببصله بترقب كمل كلامه وهو بيقولي بتوتر ..
_ أنا اللي كان عايزينك ليه ..
قومت من مكاني بسرعة وأنا ببصله پصدمة وقف قدامي وهو بيقولي ..
_ والله دا كله ما كان متخططله أنا لقيتك قدامي فجأة في عز الليل هربانه منهم لما جبتك هنا كنت هروحلهم تاني يوم وألغي الأتفاق بتاع الجواز بس معرفتش أعمل كدا قولت