مجموعة اسكريبات بقلم ريم خالد

عماله بټضرب فيها وجنى والبنت التانية بيحاولوا يبعدوها ..
_____________________
في العيادة عمر تلفونه بيرن برقم غريب رد عليه
_ السلام عليكم..
_ وعليكم السلام دكتور عمر معايا صح..
_ ايوه..
_ دكتور عمر أنا جنى صاحبة ريم..
قام عمر وقف وسألها بقلق..
_ريم كويسة..
حكتله جنى اللي حصل بأختصار وقالتله
_ أحنا في القسم دلوقت ومش لاقيين حد يضمنا..
سكت عمر شويه وهو بيستوعب الكلام وبعدين قالها
_قسم اي..!
_ قسم
قفل عمر معاها وراح علي القسم وطلعوا وريم طالعة قدامه وهي بتجري وجنى وراها وريم كاتمة الضحكة بالعافية من شكله..
_ يابنتي أنتي العلاج بيجي معاكي بالعكس..!
فضلت ريم مغمضة عينيها وجنى مستخبية وراها
_ وانتي يجنى اللي بقول عليها عاقلة مشاركاها..
ردت جنى بسرعه _ والله انا مليش دعوه هي اللي ضړبت البت والله يدكتور مليش دعوه..
_ يبنت الغدارة..!
_الاااه..!
عمر بصوت عالي_ ريم..
_ في أي خضتني ..
سكت عمر وريم بتبصله وبعدين قالت وهي بتحرك رأسها يمين وشمال
_ ماشي غلطت أني ضړبتها بس والله مكنتش هضربها هي اللي بدأت الضړب مكنتش هسيبها تضربني وأسكت..
_ يعني في الاول كنت بدافعي بلسانك دلوقتي بقيتي بدافعي بأيدك..!
أتكلمت بعصبية_ يعني أنت عايزها تضربني وأسكت .!
سكت عمر شويه وهما بيبصوا لبعض بعصبية..
_أنتي مضربتيهاش أنتي فتحتي دماغها..
ضحكت ريم جامد وهو قدامها أول ما سمع ضحكتها ضحك وهو بيخبط كف علي كف..
_ عشان كل ما تبص علي دماغها تفتكرني..
_ أول وأخر مرة تعملي كدا أحنا بنعالج حاجه منبوظش حاجه تانيه..!
_ بس أنت قولتلي لو شوفت حد بيتعرض للاذى ادافع عنه..
_ايوه بس متضربيش..!
_انا دا أنا كنت رايحة أديها الكارت بتاعك حتي أسأل جنى.
_حصل كونا هنجبها تتعالج ..
بصلهم شويه وبعدين مشي وسابهم وهو بيحسبن عليهم لفت ريم لجنى وهي بتقولها..
_جنى دا مشي مين هيوصلنا..!
_منك لله والله..
_الااه وانا مالي يا لمبي..
_______________________
بعد مرور شهرين.. ريم دخلت العيادة ودخلت مباشرة علي اوضة عمر والناس بره بقت بتزعق
_ اي يريم دا..
_اسفه بس أنا عايزة اققولك حاجه..!
كانت في واحدة قاعدة مع عمر وهو بصلها شويه وبص لريم وقام وقف قرب من ريم..
_ريم أستني دورك برا..
_ لا يعمر لازم تسمعني دلوقت..
_ ريم بلاش الھمجية بتاعتك دي أستني دورك..
بصيتله ريم بأحراج وطلعت برا وهو متابعها بعينه وكلمت جنى في الفون اول ما نزلت من العيادة..
_ ايوه يجنى تعاليلي عايزة اشوفك..
ردت جنى بسرعه_ معلش يريم مش هينفع ورايا مشوار مهم مش هقدر أجي..
_بس أنا عايزة اققولك حاجه..
_ طيب بصي لو خلصت مشواري بدري هجيلك..!
بصت ريم للتلفون وقفلت من غير ما ترد عليها وهي ماشية في الشارع لوحدها وصلت لبيتها..
_اللي كنت خاېفة منه حصل محدش هيفضالي علطول ومحدش هيستحملي انا هفضل وحيدة برده..
لقت عمر عمال يتصل علي تلفونها قفلت التلفون ونامت مكانها بعد نص ساعه سمعت الباب بيخبط..
_مين..
_ عمر..
خدت نفسها وهي بتفتحله الباب لقاته واقف وكان قلقان وهو بيقولها..
_ أنتي كويسه..
ردت ببرود_ أيوه..
_ريم مالك في أي..
ريم بملل_كويسه مالي في أي..!
بصلها شويه وعرف أن في حاجه حصلت في يومها
_ طيب ممكن تجيبي شنطتك وننزل عشان مينفعش الوقفة دي..
_لا أنا عايزة أنام نبقي نتكلم بكره..
كانت لسه هتقفل الباب وعمر سده برجليه ودخل الشقة شد شنتطتها وهو بيشدها معاه وبيقفل الباب..
_ اي يعمر سيبني عايزة أنام..
_أنتي بتهربي..
قعدها في العربية وركب جنبها وأخد نفسه بهدوء وقالها
_ اي اللي حصل..
سكتت ريم وبعدين قالت بهدوء_ شوفتهم..
_ صحابك.!
_. اللي اذوني شوفتهم وحسيت برعشة خوف في جسمي وكنت عايزة أجري بس لقيتهم