اسكريبت بقلم ياسمين الكيلاني

برأيي!! 
خلاص اعزمه  
مينفعش لأن نرمين جايه معاه 
ايديها اترعشت وهي ماسكه الكوبايات ف اتحكمت ف اعصابها واتكلمت بحزن
مين نرمين! مراته
لا هو قالي انها صحبته وف نفس الوقت سكرتيرته الخاصه بس باين كده فيه مشروع جواز بينهم لأن ادم متعرفش علي ولا واحده من بعد حبيبته الأولي 
طيب خلاص يا كريم خليهم يجوا وانا هحاول اكون لطيفه معاهم 
قرب منها بحب وحنان 
انا عارف إنك جميله يا ملك ودا اللي حببني فيكي بس ادم والله لو عرفتيه فعلا هتحبيه ذي ما انا بحبه 
بهدوء ف لحظه شرودها ومشي 
حاسة انها بتتعاقب علي كل سنين عمرها اللي فاتت والايام اللي جايه 
ملك لو سمحت تعملي فنجانين قهوه ليا ولأدم وبعدين يلا قومي الناس وصلت 
خلاص يا كريم ثواني واكون عندك 
ماشي يا حبيبتي اه نسيت اقولك القهوه بتاعتي ذي العادة انت عرفاني بحبها ساده وادم 
عارفه عارفه مظبوطه وف كوباية 
لحظات واستوعبت اللي قالته وهو كمان استغرب جدا انها عارفه كويس نوع القهوه بتاعته 
ملك عرفتي منين إن ادم بيحب القهوه ف كوباية دايما مش فنجان وكمان مظبوطه 
اتوترت جدا واتكلمت برتباك
مهو مهو أنت اللي قولتلي!
مش فاكر إني قولتلك حاجه ذي دي اللي قاعد بره ف اتكلم بتسرع
طب يلا اعملي القهوه وانا هقعد معاهم بره 
اتنفست بصعوبه بعد ما مشي وشاردة ف ذكرياتها القديمه
الله الله اي الرضا دا يا ست ملك!
عشان تعرف بس إن خيري عليك 
شرب من القهوه بحب واتكلم ببتسامه
طول عمرك فهماني يا ملك 
ومين يفهمك غيري يا دوكش بس
يكش يتمر 
الله ليه الوش دا! انت كدا هتخليني افكر ف واحده غيرك اشرب معاها قهو 
خدت
كوباية القهوه واتكلمت
بغيره وغيظ
فكر كده تعملها واخليك أنت وهي تطفحوها يا ادم 
قرب منها وخد القهوه 
هو انا اقدر يا ملك دا القهوه لو مكنتيش انت اللي تعمليها مشربهاش 
ابتسمت بحب وحنان كبير علي حبه ليها 
ملك القهوه يا حبيبتي 
فاقت من شرودها وراحت بسرعة عملت القهوه وطلعت قدمتها بهدوء ورحبت بيهم 
ابتسم لما لقاها لسه فكره نوع قهوته اللي بيحبها ف اتكلمت نرمين بهدوء 
شقتك جميله يا ملك أنت اللي اختارتي التصاميم 
لا هو بصراحه انا وكريم دي الشقة اللي هنتجوز فيها 
واو 
باين عليكم قصة حب متتوصفش ذي انا وادم كدا 
طيب ممكن تفرجيني عشان لو حبيت حاجه اعملها ف شقتنا يا دومي 
حاسة بضيق جواها لكنها اصطنعت الود 
تمام اتفضلي معايا 
دخلت البلاكونه بعدين الأوض ووقفت عند اوضتها واتكلمت نرمين بتساؤل
ملك السلسله دي بتاعتك 
اه
غريبه
اي الغريب فيها !
ادم معاه واحد شبها بالظبط بس نص تاني مش بيستغني عنها أبدا ودايما حاطتها ف اوضته 
ادم!! تقصدي أنه معاه واحده شبها !
اه دي تعتبر نسخه منها ولما سألته قالي انها من شخص عزيز اوى عليه 
ابتسمت ملك ورجعت فرحتها تاني 
بتقولي حاجه يا ملك 
هه لا أبدا اتفضلي معايا افرجك علي باقي الديكور 
خرجوا خلاص لقوهم بيتخانقوا وصوتهم عالي 
ف اي يا كريم اي حصل 
ادم بيخم ف اللعب المفروض انا اللي اكسب والبت كانت معايا بس ازاي طول عمره حونطجي 
اتكلم ادم ببرود
مش هرد عليك أنت اللي معرفتش تاخدها أو ب الاصح هي من حقي انا 
شوفتي لمض ازاي شوفتي طيب يا ادم يلا مره كمان واهو ملك ونرمين موجودين يشهدوا علي نصبك 
قعدوا يلعبوا وملك كانت بتضحك هي ونرمين علي صغرهم ف اللعب لحد ما جي الدور علي ادم وخد البنت 
لا أنت حونطجي ازاي تكسب مرتين !
عشان أنت اللي غبي مش فاهم إني كل مره لازم اكسبك والبنت هتبقي معايا المفروض تعمل حسابك 
شوفتي رخمته طب خلي الحكم ل ملك المفروض البنت تبقي معايا ولا معاه 
اتوترت