زوجة في السر بقلم سولية نصار
الفصل الثالث كرامة مهدورة
أتنازل لأني أحبك ...لكن لا تراهن على حبي كثيرا لأنه يوما ما قد يختفي !
صفا شاكر
نجمة قومي يالا ....
قالها يونس وهو يجلس على الفراش يرتدي الحذاء الخاص به ...فتحت نجمة عينيها بصعوبة وهي تشعر بالإرهاق ...رفعت رأسها قليلا وقالت بخفوت وخجل
هي الساعة كام دلوقتي !
تسعة...
قالها بهدوء لتنهض بفزع وتذهب الى الحمام لتغتسل ....
بعد قليل ...
كان يونس يقف في التراس ېدخن بينما خرجت نجمة وهي ترتدي ملابسها وقد مشطت شعرها ....كان التوتر يغزو وجهها بالكامل ....الذنب يأكلها من الداخل ...تعرف ان ما فعلته لا رجعة له ...هي اصبحت ملكه وانتهى الأمر .....
نظر إليها وقد برقت عينيه بقوة وهو يقترب منها ليجذبها إليه ولكنها ابتعدت فزعة وهي تزدرد ريقها وتقول
يونس بالله عليك اهدى شوية ....
تنهد وقال
طيب يا روحي....
ثم اقترب ولمس وجنتها وهو يقول
خدي معاكي مفتاح الشقة...دي شقتك ....كل يوم هتيجي هنا ....
ابتلعت ريقها وقالت
هو ...هو أنا هاجي هنا تاني ...
عبس وقال
اكيد ...مش انت مراتي .... هتيجي هنا كل يوم ...
بس أنا خاېفة يا يونس
نظر إليها مضيقا عينيه وقال
ايه هو اللي غلط بالضبط !
جوازنا ...أنا اقابلك كل يوم هنا ....ده مش صح ...
انت مراتي !
احنا اتكلمنا في الموضوع ده قبل كده صح ...ارتاحي يا نجمة أنا مش هسمح لأي حاجة تاذيكي ولا أي مخلوق خلقه ربنا ماشي مټخافيش ...بس مش هعلن جوازنا دلوقتي خالص .....
احتشدت الدموع بعينيها وهي تنظر إليه وقالت
يعني هبقى كده علطول ....
لا مش علطول بس لفترة كده عقبال ما اضبط اموري ....
انت خاېف على مشاعر مراتك صح ...مش عايز تعلن جوازنا...
لا خاېف على مشاعرها ولا حاجة ...هي متهمنيش اصلا ...بس كل حاجة في أوانها يا نجمتي ...المهم انت بتثقي فيا....
لو مش بثق فيك مكنتش اتجوزتك عرفي وتجاوزت كل الخطو ط الحمرا...
ابتسم برضا وقال
يبقى مټخافيش ويالا روحي البيت دلوقتي وكلميني طمنيني عليكي لما توصلي تمام ...
هزت رأسها وعينيها تتعلق بعينيه ليقبل رأسها ويقول
انا طلبتلك اوبر وحاسبت عليه ..دقيقتين وهيوصل ان شاء الله ...
بعد نصف ساعة تقريبا....
ولجت للمنزل وهي تشعر بالإرهاق ...تشعر بكامل جسدها محطم...كان المنزل هادئ ...يبدو ان خالها وزوجته قد خلدا للنوم ...تنفست براحة فهي غير مستعدة لتواجهه الآن ....توقفت فجأة وهي تجد والدتها نائمة على الأريكة ...كانت جالسة بينما رأسها منحني للأسفل ونائمة ...شعرت نجمة ان قلبها يتمز ق بفعل الشعور بالذ نب ....ماذا فعلت ....كيف فرطت بنفسها تحت مسمى زواج سري....احتشدت الدموع بعينيها وهي تتجه لوالدتها وتيقظها برفق .
ماما ...ماما قومي ...
فتحت والدتها عينيها وهي تقول
هي الساعة كام دلوقتي !
عشرة ونص قومي يا ماما نامي في اوضتك ...
اتأخرتي كده ليه يا بنتي ..ليه نسمع من
