المحلل الحلقة ١
قبل ما تنزل
تنظر له داليا بغيظ !!!
مروان منورين يا جماعة دقايق والمأذون يوصل
يبتسم ادهم فيلاحظ مروان عصبية اخته داليا !!
مروان معلش يا داليا معلش يا مروان تعبتكم معايا
داليا ولا يهمك يا مروان بس ياريت بعد كده تمسك لسانك شوية علشان الموقف ده مش يتكرر تاني
ام دعاء والله يا بنتي قولتله الكلام ده كتير
يدق جرس الباب فتنهض ام دعاء لتفتح الباب ويدخل المأذون
المأذون السلام عليكم ورحمة الله وبركاته الف مبروك يا جماعة
مروان وعليكم السلام الله يبارك فيك يا فضيلة الشيخ
المأذون كتب كتاب ان شاء الله
مروان ايوه بأذن الله
المأذون اومال مش شايف فرح وهيصة !!!
مروان معلش اصل عندنا ظروف
المأذون خير ان شاء الله اومال العريس والعروسة لسه موصلوش
مروان لأ يا فضيلة الشيخ العريس قاعد اهو استاذ ادهم والعروسة قاعدة اهي مدام دعاء
المأذون علي خيرة الله طيب هننتظر وصول حد تاني ولا نبدأ بأذن الله ونكتب الكتاب
مروان لأ اتفضل اكتب الكتاب
المأذون وفين الشهود
مروان قاعدين علي القهوة تحت هتصل بيهم يطلعوا حالا
انتهي المأذون من عقد القران ثم انصرف بينما كانت داليا تشطاط غيظا اما ادهم فكان يتعامل بلا مبالاة اما دعاء فكان يتملكها الخجل والاحراج وكانت تختلس النظرات لداليا وادهم لتستبين مشاعرهم
اما مروان فكان الوحيد الذي يبدو عليه الارتياح والسعادة
انصرفت داليا ومعها ادهم الذي قال لها شوفتي يا حبيبتي اهو انا مروح معاكي ومفيش
اي حاجة اتغيرت
داليا
انا عارفة انك
هتروح معايا وعارفة انه جواز صوري لكن الموقف نفسه مش مرتحاله
ادهم بكره زي دلوقتي هنكون نازلين من عند اخوكي وكل حاجة خلصانة
في اليوم التالي
تصل داليا مع ادهم منزل اهل دعاء فتجد اخيها مروان و دعاء
داليا المأذون فين
مروان اتصلت به وجاي علي وصول
ادهم كلمه تاني استعجله علشان رايح مشوار بعد ما نمشي
بعد دقائق يأتي المأذون وينظر الي الحاضرين في تعجب !!!
المأذون خير يا جماعة ده انا كنت لسه كنت بجوز اتنين هنا البارح الاستاذ والمدام مين اللي هيتطلقوا النهاردة
مروان الاستاذ والمدام بردو اصلهم مقدروش يتفاهموا
المأذون من يوم واحد شئ عجيب !!!
مروان النصيب يا فضيلة الشيخ اتفضل طلقهم
المأذون واضح من اللي انا شايفه ان الجواز ده تم بغرض الطلاق كمحلل للست دي انا فاهم صح ولا غلط
ادهم مش هتفرق يا شيخ اتفضل طلقنا احنا متفقين خلاص علي الطلاق
المأذون لأ يا استاذ تفرق تفرق كتير جدا
مروان تفرق في ايه
المأذون انا لو كنت اعرف
ان الزيجة دي لهذا الغرض كنت رفضت او علي الاقل نبهتكم لشروط صحتها
مروان يعني ايه شروط صحتها
دعاء وهي الجوازة كده مش صحيحة !
المأذون هسألك يا مدام سؤال اعذريني ولازم تجاوبي بصدق
دعاء اتفضل يا عم الشيخ
المأذون هل حدثت
يحمر وجهها خجلا وتنظر الي الارض
داليا وليه الاسئلة المحرجة دي
المأذون اريد ان انبهكم ان عقد القران ثم التطليق بدون يجعل تلك الزيجة كأن لم تكن
مروان بعصبية يعني ايييييييه
المأذون يعني الاستاذ ادهم اذا طلق هذه المرأة الان دون ان يدخل بها لن يجوز لها ان تعود الي زوجها السابق
ادهم يعني احنا نتصرف ازاي دلوقتي علشان كل واحد يروح لحاله
المأذن يعني لازم زوجتك قبل ما تطلقها واذا لم فستضطر تلك الزوجة الي الزواج من
رجل اخر وبنفس هذا الشرط قبل ان تعود الي طليقها السابق
