حواديت رحمة و فارس بقلم رحمه حواله

_انت اتعميتي بتحبي الكائن ده ازاي هو سحرلك ولا ايه!! 
كنت بجهز الشنط وانا متحمسة لشاليه بكره. 
حطيت الفستان الاسود بين الهدوم لما عرفت ان طارق خطيبي هييجي وجهزت الشميز الاحمر اللي هلبسه بكره.
تاني يوم صحيت علي مكالمة طارق اللي قال بكل جفاء  
_كل دي اتصالات ومبترديش ماتخلصي قومي البسي مستني تحت.
لبست وانا بستعجل في نفسي ونزلتله وشوفت وشه المتعصب جدا 
_ هو احنا كل شويه علي الحوار ده يا بنتي قرفت منك 
_ وايه يعني يا طارق لما تستناتي شوية 
فيها اني زهقت من كسلك ده وصحيانك المتأخر امال هتعملي ايه بعد الجواز 
سكت وانا بحاول معملش خڼاقه واعدي اليوم كعادتي.
وقفنا بالعربية قدام الشاليه عند صحبتي وماما وصحابها وبناتهم اللي سبقونا.
قربت مني ميادة وقالت  
_ برضو هتفضلي مستحمله الغتت ده
ماله يا ميادة هو بس اتعصب شوية 
اتعصب! هو دايما كده انت اتعميتي معرفش بتحبيه علي ايه ده قاسې مفيش فيه ولا ذرة حنيه طب حتي يا ستي فين اهتمامه بيكي ده بيكلمك فين وفين وبينسي عيد ميلادك اللي بتفكريه به.
اقفلي علي الموضوع ده يا ميادة خلاص صدقيني لما تشوفي اللي انا شايفاه فيه هيعلي في نظرك 
والله ده مش هيحصل في يوم انا عارفه.
بعد شوية كنا قفلنا علي الموضوع ده واجت صاحبة ماما وابنها فارس اللي اكبر مني بسنتين وقف جمبي وقال بابتسامة عريضه
عامله اي يا رحمه 
ابتسمت بصمت لما شوفت ردة فعل طارق وهو بيبصلنا بغيرة
وبعد فترة كنت في الاوضه بلبس المايوه دخلت ميادة وبنتين من قرايبنا 
_ يلا يا رحمه علشان ننزل البسين 
خلصتي
خلصت يلا 
طلعنا من الاوضة ووقفنا في الريسيبشن لكن ميادة راحت المطبخ تشرب وراحوا معاها البنتين في الوقت ده طلع فارس من الاوضة التانيه ووقف قدامي باصص علي شكلي ولبسي بصمت
مش شايفه ان المايوه ده مينفعش يتنزل به 
ماله ما هو عادي اهو
ضيق يا رحمه ولما تطلعي من البسين مش هيبقي كويس بعدين هيكون في شباب في البسين ومش عايزهم يبصوا عليك 
علي اساس ايه بتقول كده يا فارس!
بص في عيوني مباشرة لثواني قبل ما يدخل طارق 
الحلوين بيتكلموا في ايه!
وقبل ما نرد كان ساحب ايدي بقوة لبرا الشاليه 
ايه يا طارق في ايه 
قال بعصبية كبيرة وبنبرة عالية سمعت الناس اللي جمبنا.... كنتوا لوحدكوا بتعملوا ايه! 
ايه السؤال ده! 
جاوبي كنتوا وقفين سوا ليه 
مكناش لوحدنا كانوا البنات معانا ودخلوا المطبخ يشربوا في ايه يا طارق!
ساب ايدي وبعد خطوة... الولد ده معدش تنطقي معاه بحرف لو كلمك عايزك تبقي خارسه ولو اجتمع معاكوا تمشي خالص وتبعدي فاهمه 
نعم!! 
زي ما سمعتي يا رحمه 
عبيط والله يا طارق مش للدرجه ديه! 
لا للدرجه ديه وابقي اشوفك مجتمعه معاه