قلب شايل بيت بقلم مني نواف

وراحت عند الشباك وشافت في نور جاي من بعيد من الشباك بتاع السوبر ماركت نسمه خاڤت وقلقت يكون ده حرامي ولازم تحافظ على مكان أكل عيشها اللي عمها محمود سابه أمانه بعد ۏفاته كانت الساعه 2 بالليل والناس كلها نايمه نزلت نسمه في سكوت عشان مامتها وأخواتها محدش يحس بيها
_السوبر ماركت
نسمه ب خوف انت مين وبتعمل اي هنا أي حركه هبلغ البوليس 
شافت نسمه واحد غرقان في دمه وهدومه متبهدله وعمال يتوجع وماسك بطنه نسمه قربت منه تشوف ماله
_إنت كويس!
على فكره أنا مش حرامي أنا إبن ناس والله
أنا بس مش فاكر أنا مين وحصلي إيه أنا كنت لابس هدوم حلوه فجأه لقيت نفسي جعان وهدومي متقطعه
_طب أنا هجبلك أكل اسمك ايه!
صديقني معرفش انا عشان سړقت أكل الناس جريت ورايا جريت لقيت نفسي هنا أنا همشي دلوقتي
_مينفعش أسيبك تمشي كده وانت في الحاله دي مينفعش أسيب حد محتاج واسيبه يمشي أنا كنت من نص ساعه في الحبس ولولا فضل ربنا وإنسانيه القاضي كنت زماني هناك أبقى مستاهلش ده لو مشيت من غير ما أكرمك
آه آه آه
_مالك انت كويس تعالي نروح عند الدكتور نطمن عليك
لا أنا بس عايز أكل وانا هبقي كويس
_السوبر ماركت ده كله تحت امرك شوف انت عايز ايه وانا اجبلك بص استني أنا هجبلك أكل جميل
جابت نسمه أكل كتير جدا وأكلته وهو فضل ياكل وهي بتفكر إزاي شخص جميل كده وهو مش فاكر اسمه باين عليه ابن ناس زعلت نسمه عليه أوى ومش استغربت لانها دنيا وكل من فيها مصاپ استنته لما كل وشرب ولاقته مره واحده نام قفلت نسمه عليه وسابته وراحت هي بيتها وقالت في بالها بكره الصبح تيجى تشوف أكل عيشها وتفتحله يروح يشوف حاله
_غاده نسمه اصحي انا عايزة فلوس عشان أجيب كراسات جديده 
_سلمي وانا يا نسمه وعايزه مصروف
_نسمه حاضر بس نفطر الأول وماما تفطر معانا
فطرت نسمه وجهزت إخواتها للمدرسه و فطرت والدتها و جهزت نفسها عشان تنزل السوبر ماركت نزلت نسمه ونسيت ان في واحد هناك هي قافله عليه
انت! 
انا اسفه اني قفلت عليك انت بس صعب عليا اصحيك والله انت كويس! ثواني هجبلك أكل تفطر
_استني انا بس عايز اشكرك انك اكرمتيني 
نسمه ب بسمه وهي باصه ليه كان الله في عون العبد ما دام العبد في عون أخيه مفيش بين المسلمين شكر الشكر لله دايما
_مستغرب ان كان في ناس بتجري ورايا عشان طلبت منهم أكل وانتي بنت ومكنش عندك مشكله في ضيافتي وانا شكلي غريب كان حقك