وردة اليونس بقلم اسراء ابراهيم

ليه يعني يا يونس ده انا حتي بحبها 
يونس بتبرير لا مش كدة يعني مش عشانك انتي مخصوص ولا حاجة بس هي بتغير من اي حد وانا بصراحة مش عاوز ازعلها
جيجي بمكر ماشي يا سي يونس عموما حاضر مش هقولها ولا هجيب سيرة ممكن نمشي بقي
يونس بامتنان شكرا يا جبجي حقيقي ويلا بينا طبعا
ركبت جيجي العربية مع يونس وعرفت وقتها هي هتعمل ايه بالظبط وكان علي وشها ابتسامة مكر
يونس وصل جيجي بسرعة ورجع تاني خرج راح دار الايتام لورد وكان وقتها بيحضر الكلام اللي هيقوله ليها عشان يعتذر عن اللي هو عمله لانه متأكد ان ورد زعلانة جامد عكس ما قال لجيجي دخل الدار ودور بعنيه علي ورد وكان متوقع انه يلاقيها بتلعب مع الاطفال وفعلا شافها بس ملامحه اتبدلت لما شاف اياد واقف معاها وبيضحكو ويلعبو مع الاولاد واتعصب اكتر لما شاف نظرة الاعجاب علي وش اياد لورد فقرب منهم پغضب وورد شافته فكشرت وبصتله پغضب
يونس بحدة يلا قدامي يا ورد حالا
ورد باستغراب قدامك فين انا لسة مخلصتش وقتي مع الاطفال يا يونس
يونس وهو بيسحب ورد من ايديها هنروح دلوقتي حالا ومن غير مناقشة انتي فاهمة 
ورد پغضب وهي بتسحب ايديها منه انت بتتصرف كدة ليه قولتلكمش همشي وانا مش تحت امرك ومزاجك يا يونس ولو سمحت امشي لاني زي ما جيت لوحدي هروح لوحدي
يونس بعصبية وانا قولتلك اجلي معادك ليوم تاني ليه صممتي تعندي
ورد پغضب و انا مش هغير معادي عشان السنيورة بتاعتك ومشوارها امشي يا يونس روحلها احسن تكون عاوزاك تأكلها المرادي في بوقها
يونس بتحذير وووورد الزمي ادبك ومتنسيش اني يونس انتي فاهمة
ورد بحزنانا عن نفسي فاكرة كويس اوي يا يونس بس انت نسيت انك خاطب واني ورد يا يونس
يونس بصلها بأسف واعتذار بس ورد اتجاهلته وسابته ومشيت ناحية الاطفال واياد اللي كان واقف بيحاول يفهم يونس بالنسبة ليها يبقي ايه
اياد بتردد هو في حاجة يا انسة ورد الشخص ده بيضايقك
ورد بحزن لا مفيش بعد اذنك كفايا كدة انا همشي وياريت حضرتك تكمل معاهم
اياد بسرعة طب هتيجي تاني 
ورد بتوتر وهي بتبص ليونس اللي عنيه بتطلع شرار في معادي ان شاء الله بعد اذنك
مشيت ورد وراحت ليونس بس اتجاهلته وكملت طريقها فخرج هو وراها بسرعة ولحقها قبل ما تعدي من العربية
يونس بلهفة ورد انا اسف انا عارف ان مكنش ينفع اسيبك تمشي لوحدك بس انتي عندتي قدامي وكمان احرجتيني قدامها
ورد بسخرية عشان كدة طلعت نفسك بطل قدامها وروحت وصلتها ونسيت شكلكفي نظري هيبقي عامل ازاي بعد ما سبتني امشي لا حقيقي برافو يا يونس
يونس بندم ايف يا حبيبتي حقك عليا بس انا شايف ان جيجي زيها زي اي حد انتي بس اللي مكبرة الموضوع صدقيني انا بعاملها كدة من باب القرابة مش اكتر ومقدر اوي انها بقالها سنين عايشة برة واكيد نسيت كل حاجة هنا
ورد بانفعال انت هتجنني تعمل ده لو انت كان ليك علاقة بيها او مثلا في باب ود بينكم لكن انت تهتم بيها بصفتك ايه وازاي اصلا وانت عارف انها پتكرهني من زمان وقولتلك انها مستكتراك عليا يا يونس وكانت عاوزاك ليها
يونس بعدم تصديق ايه اللي بتقوليه ده بس ورد كل دي اوهام جيجي مش كدة ابدا انا عارف ومتأكد
ورد باندفاع وايه اللي مخليك متأكد كدة وانت متعرفهاش ومتكلمتش معاها قبل كدة من سنين ليه مصمم تدافع