عشقت صاحب اخويا بقلم اسراء ابراهيم

منها بهدوء وقعد جنبها على طرف السرير التاني و فضل ساكت شوية وبعدين اتكلم
مروان بنبرة خفيفة
اشربي حاجة وشك مخطۏف كده من امبارح.
غادة بابتسامة باهتة 
أنا كويسة بس مش نايمة كويس يمكن.
مروان وهو بيبصلها بعينه اللي مليانة قلق
غادة تعرفي إنك مبتعرفيش تكذبي عليا
غادة بتحاول تضحك بخفة
لا والله ده أنا بس مخططة آخد أوسكار ف الكتمان
مروان هز راسه بتنهيدة ورفع عينه وبصلها 
أنا أخوكي يا غادة وصاحب كريم من قبل ما تفهمي في الدنيا وشايفكم انتو الاتنين من أول ضحكتك اللي كانت بتطلع لما يقول نكتة بايخة لحد النظرة اللي طلت من عنيكي امبارح
غادة بدأت عنيها تدمع بس ما نزلتش دمعة فردت بهدوء
كلنا بنضعف يا مروان بس في الآخر بنتعلم نكتم ونتعود.
مروان قرب منها شوية وراح حاطط إيده على كتفها
بس انتي متتعلميش إنك تكسري نفسك مش على واحد اختار غيرك اوعي تضعفي مهما كان وصدقيني لو كان في نصيب كان زمانكم مع بعض وانا مقدر مشاعرك اوي بس مش عاوزك تنجرحي
غادة بصوت باين فيه الألم اللي بتخبيه
هو ما اختارش غيري هو ما شافنيش أصلا
مروان بحزن
وده ۏجع أكتر بس برضه مش مبرر إنك تسكتي خصوصا بعد اللي حصل امبارح أنا كنت واقف برا وسمعت كل حاجة.
غادة قامت من مكانها ووقفت ناحية الشباك وهي بتخبي وهي بتكتم رعشة صوتها
انا مش عايزة أكون سبب خلاف بين اتنين وخصوصا إن واحدة كارما خطيبته وكنت صغيرة كنت بفكر إن مشاعري دي هتعدي زي أي وهم بس واضح إن فيه حاجات مش بتعدي أبدا.
مروان قام ووقف وراها بصوت مليان حنية
غادة أنا عمري ما حبيت غيرك مش بس كأختي كأضعف نقطة في حياتي وصدقيني لما شوفت عينيكي امبارح حسيت إني غلطت إني عرفته بيها وخطبها
غادة لفت و بصتله بدموع محپوسة
لا متقولش كده كارما كويسة وممكن تكون بتحبه بجد أنا اللي اتأخرت وأنا اللي كنت سايبة نفسي أتفرج من بعيد ولما قربت كانت الدنيا اتغيرت.
مروان وهو بيطبطب على كتفها
بس هو بقى متلخبط وأنا شوفت ده نظرته ليكي كانت مختلفة. بس مش هكدب عليكي يا غادة أنا خۏفي مش بس عليكي خۏفي كمان على قلبك اللي بيحن بسرعة وبيسامح أسرع
غادة ابتسمت بحزن
أنا مش عايزة حاجة لا منه ولا من الدنيا. أنا بس كنت عايزة أكون متشافه حتى لو مرة واكيد مش هقبل انه يسيبها ويجيلي
مروان وهو بيحضنها بحنان
انتي متشافة أنا شايفك وبابا وماما شايفينك وكل اللي حواليكي شايفين انك بنت بألف راجل بس أوقات اللي إحنا عايزينه ميكونش هو اللي ينفع ليناوكريم لو مش قادر يحسم يبقى ما يستحقكيش
غادة بصوت مكسور بس حاسم
أنا خلاص يا مروان هرجع أكون زي ما كنت قبل ما احبه... مش هسمح لنفسي أكون نقطة ضعف في حياة حد ولا سبب ۏجع لنفسي تاني.
مروان مسك إيديها وبصلها في عينيها بصدق
وأنا أوعدك أي حد ييجي على قلبك هشيله من حياتك ولو كان أقرب الناس ليا.
غادة لأول مرة من وقت طويل ابتسمت ابتسامة صغيرة ودمعة نزلت على خدها بهدوء.
غادة بنبرة هادية
ربنا يخليك ليا يا مروان انت الأمان الوحيد في حياتي.
مروان وهو بيطبطب على شعرها
وانتي ضهري اللي مش هسمح انه بس متنسيش لو احتجتي تتكلمي....قوليلي لأن السكوت في الحب بيوجع أكتر من الكلام.
غادة بحب 
اكيد يا صاحبي الوحيد
.....................................
بعد فترة كانت غادة بتتهرب من انها تتقابل بكريم حتي لما بيجي البيت بحجة اخوها مروان بترفض انها تفتحله الباب وتخلي امها تفتح وتدخل اوضتها وكريم كان هيتجنن ويتكلم معاها ووقتها بس هي مش مدياله فرصة
في يوم كان في مناسبة عائلية لعيلة غادة وهي عيد ميلاد بنت عمها واخت كارما فكانو عاملينه في جنينة البيت و كريم كان واقف بعيد بيبص على غادة وهي واقفة مع بنتين من العيلة بتضحك معاهم
كريم في سره وهو بيقرب
مش قادرة تبصيلي حتى طب ماشي بس أنا لازم أتكلم لازم أفهم
كريم قرب منها بحذر لحد ما وقف جنبها فجأة
كريم بهدوء
غادة ممكن أكلمك دقيقة
غادة وهي بتلفله بنظرة ثابتة
أنا واقفة أهو اتفضل.
كريم بصوت واطي بس فيه إصرار
مش هنا ممكن نمشي شوية على جنب
غادة بنبرة فيها حسم واضح
لو عندك حاجة تخص مروان قولهاله على طول هو قاعد هنك مع بابا ولو في حاجة تانية فمفيش داعي يا كريم لو سمحت
كريم بينفخ وهو بيبص حواليه وبعدين رجع بصلها
أنا عرفت عرفت اللي كنتي حاسة بيه ناحيتي زمان.
غادة ببرود مصطنع
كويس ده اكتشاف عظيم بس متأخر اوي حاجة تاني لو سمحت امشي بقي مش عاوزة كارما تشوفني معاك
كريم بلهفة 
أنا آسف إنك كنتي لوحدك في الإحساس ده وآسف إني مكنتش شايف
غادة بجمود وهي بتحاول تبعد بس كريم كان ماشي معاها خطوة بخطوة
الموضوع دا فات عليه كتير وأنا كبرت كفاية عشان أعرف أرتب مشاعري فبلاش نرجع نحفر في اللي خلاص ماټ.
كريم بشك  
هو ماټ فعلا ولا إنتي بتدفنيه علشان ما تتوجعيش
غادة بحدة وهي بتقف تمشي وتبصله مباشرة
أنا عارفة إنت عاوز تقول إيه بس خلاص مبقاش ينفع... والأحسن ليك وليا إنك ترجع تتعامل معايا زي ما كنت دايمامجرد أخت صاحبك الصغيرة اللي عمرك ما شوفتها غير كده.
كريم وهو بيقرب خطوة منها وعينه مش بتبعد عن عينيها
أنا مش عارف أعمل كده
في حاجز بيني وبينك كان طول عمره موجود مخليني مكنتش شايفك... بس دلوقتي مش قادر أشوف غيرك.
غادة وهي بتحاول تهدي ارتباكها وتحافظ على قوتها
دي مش مشكلتي يا كريم
انت بالنسبالي خطيب بنت عمي وصديق أخويا ودي حدودي معاك
كريم بصوت مخڼوق
بس إنتي مش شايفاني كده صح يا غادة قولي الحقيقة
غادة بخنقة
غلطتي زمان إني كنت شايفاك أكتر من كده بس مش هعيدها.
بعد إذنك.
فجأة اتكعبل طفل صغير وبيوقع صينية العصير فكانت هتقع على غادة بس كريم بسرعة سحبها بعيد وهو بيحميها فكانت غادة قريبة منه
غادة بتتجمد لثانية وبعدين بسرعة تبعد نفسها بعصبية
غادة بتوتر واضح وهي بتحط مسافة بسرعة
إبعد إحنا مش المفروض نقرب كده
كريم وهو بيبصلها ونظراته مش شبه اللي كانت زمان
أنا مش قادر أفصل إحساسي دلوقتيمش زي الأول غادة
أنا حاسس بحاجة مش مفهومة بس حقيقية.
غادة وهي بتحاول تهرب من الموقف
يبقى حلها لوحدك
أنا مش مستعدة أخسر نفسي تاني في حاجة ملهاش ضمان
وإنت مش واخد بالك إنك لسه خاطب كارما وحتي لو بعدت مستحيل احط نفسي في خانة البنت الخاېنة اللي سړقت خطيب بنت عمها
كريم رد وهو بيبصلها بنظرات مليانة كلام
بس أنتي اللي في بالي دلوقتي مش هي وانا مش فارق معايا اني افسخ الخطوبة دي
غادة بحدة وانفعال  
اوعي يا كريم انت فاهم كارما مالهاش ذنب في اللي بتقوله ده وانت كنت في وعيك لما اتقدمت ليها فهي مالهاش ذنب في اي حاجة انت فاهم ولازم تعرف ان حتي لو سبتهاانا مستحيل اكون ليك بعد اذنك
غادة هربت بنظرة فيها خوف من المواجهة ومشيت بسرعة وسابته واقف مكانهوكريم فضل واقف في مكانه بيفتكر احساسهوهي قريبة منه وكأن اللمسة دي صحت إحساس عمره ما حسه قبل كده