الفصل العشرون من رواية و سيطرت المشاعر بقلم زهرة الربيع

اعتبريني ابنك الابن بيغلط كل غلطه اكبر من اللي قبلها والام بتسامحه وتديه فرص تانيه بس انا مش طالب غير فرصه اخيره واحده بس مش هطلب غيرها انك تسامحيني المره دي وتحاولي تثقي فيا تاني وانا هحل كل حاجه صدقيني قسما باللي خلقني ما فيه حاجه وجعتني قد ۏجع غيابك ومش هقدر عليه تاني مش قادر افكر فيه حتى
مشاعر اتنهدت بتعب مش قادره تنسى ومش قادره تتجاهل كلامه قعدت وقالت بحزن بص انا مقدره محولاتك بس انا مبقتش زي الاول بعد اللي سمعتو بقيت اشك في كل كلمه منك وفي كل حاجه كانت بينا دماغي عمال تودي وتجيب مش عارفه اشرح لك بس في حاجه كده بيننا باظت وساعات الانفصال بيبقى حل لمشاكل كتير
سليم قال پغضب مكبوت متخرجنيش عن شعوري متجبيش سيرة الانفصال نهائي ما فيش انفصال ولا نيله كده كده طلاق مش هطلق احنا بنتفاهم في جزئيه تانيه في اننا نرجع زي الاول مع بعض انما سواء رجعنا او لا مش هتبعدي عني وده كلام مفيهوش نقاش
مشاعر احتدت عنيها پغضب من كلامه ووقفت وقالت كده طيب مادم عايز العند انا مفيش اعند مني ورجوع مش هرجع لك ومش مشكله خليني على ذمتك انا اصلا بعتبر نفسي مطلقه
ولسه هتمشي شدها بقوه وقرب منها باشتياق شديد في لحظه جميله اتمنى ما تنتهيش
عند ادهم اخذ تليفونه ومشي وكان في المكتب بتاعه وبيشتغل لما جا له اتصال من لبنى رد بسرعه وقال مدام لبنى ازاي حضرتك
لبنى قالت بتوتر انا كويسه يا ابني واسفه لو بعطلك بس في موضوع حسيت انه الافضل تعرفه
ادهم قال بسرعه لا ابدا مفيش اي عطله انت تتكلمي في اي وقت
لبنى قالت ربنا يخليك كنت عايزه اقول لك اني كلمت رحمه دلوقت وهي قاعده في المطعم اللي كنا قاعدين فيه اخر مره لقيتها بټعيط ومش عارفه السبب ورفضت اني اروح اجيبها قالت لي انها شويه وهتيجي وانا قلقانه عليها قوي فلو ممكن تروح تجيبها انا عارفه ان انت ما لكش دخل في كل المشاكل دي بس انا 
ادهم قاطعها بسرعه وقال انتي عملت افضل حاجه انا رايح لها فورا و هطمنك عليها ما تقلقيش
وقفل معاها واخد حاجته بسرعه و راح على المطعم
اول ما اوصل لاقاها قاعده وبتعيط قرب منها وقال بابتسامه احم كده برده ماما بقى لها يومين مستنياكي دي مش مواعيد خالص يا انسه
رحمه اتسعت عينيها بدهشه ولثواني فرحت انها شافته بس اختفت فرحتها فورا لما افتكرت اللي حصل مع ميرا وقالت پغضب انت هتستهبل يا جدع انت هتفضل تطلع لي في كل حته لو سمحت امشي انا النهارده مش قادره اتكلم
ادهم اتجاهل كلامها ونادى للجرسون وطلب ليمون ليهم
رحمه بصت له الدهشه وقالت هو انا مش بكلمك طيب تمام انا اللي همشي
و لسه هتقوم قال بسرعه رحمه اقعدي انتي مش طفله علشان كل ما تشوفيني تهربي انا جاي اقول لك على موضوع مهم كده وهمشي على طول
رحمه بصتلو باستغراب وقالت موضوع ايه
ادهم قال بابتسامه جاي استشيرك في مساله عاطفيه تخص واحد صاحبي
رحمه بصتلو شويه وضحكت باستغراب وقالت تستشرني انا وفي مساله عاطفيه احب اقول لك انك جيت لاكتر حد غلط في الدنيا شوفلك حد تاني لو سألت الجرسون ده هيفيدك اكتر مني
ادهم قال بسرعه متهزريش دي مساله حياه او مۏت ومحدش هيفيدني غيرك
رحمه نفخت بضيق وقالت اتفضل اسال وخلصني