سر زوجي تم تعديلها بواسطه أسامة الهواري

هل أنا الغلطانة لو كشفت سر جوزي الجزء التاني
وقف قدامي متجمد عينيه بتتحرك في كل اتجاه كأنه بيدور على مخرج من الکابوس اللي وقع فيه.
قال بصوت متقطع
عرفتي إيه بتقولي إيه يا منار
مسكت الورقة بإيدي وقلتهاله في وشه وأنا مش قادرة أتحكم في دموعي
الورق ده من معمل تحليل DNA وبيقول إن ابني وآدم وأبن مارك إخوات من نفس الأب!
يعني إنت!
ساعتها حسيت إن الهوى في الشقة وقف مفيش صوت غير أنفاسي وهي بتطلع بسرعة وأنا ببص له.
وشه اتبدل شاحب عيونه بقت فيها خوف حقيقي.
قالها بهمس
منار اسمعيني الموضوع مش زي ما إنت فاهمة.
ضحكت ضحكت بصوت عالى وسط دموعي وقلتله
مش زي ما أنا فاهمة يبقى إزاي غلطة! ولا تجربة علمية!
سكت ولما شاف إني مش هسيبه جلس على الكرسي وقال
كان زمان قبل ما نتجوز بكم سنة كنت ضعيف. كانت علاقة غبية ومرة واحدة خلصت. معرفتش إن فيه حاجة حصلت بعد كده.
كنت سامعة صوته بس مش مستوعبة كلمة.
حسيت إني قدام غريب.
الراجل اللي كنت بحبه وبثق فيه اللي كنت بفتخر بيه قدام الناس طلع ما يستحقش حتى نظرة.
قلتله وأنا صوتي بيرتعش
كل السنين دي وأنا عايشة في كدبة بتبصلي في عيني وبتضحك وإنت عارف إن مرات صاحبك كانت معاك! وولادك وولاده إخوات!
مد إيده ناحية وقال
أرجوكي منار فكري في الأولاد ما تبوظيش كل حاجة مارك مش لازم يعرف.
سحبته إيده بسرعة وأنا قلبي بيولع
مارك لازم يعرف. الراجل ده عاش في كدبة كبيرة بسببك. وولاده لا ولادك محتاجين يعرفوا الحقيقة.
وساعتها كل حاجة جوايا اتكسرت.
لمېت هدومي أخدت أولادي وخرجت من البيت وأنا مش واثقة رايحة فين.
بس كنت عارفة إن مفيش رجوع تاني.
عدى يومين وأنا مش بنام.
كل ثانية كنت بفكر أقول لمارك ولا لأ.
بس صورته وهو بيضحك مع جوزي القديم والعيال بيلعبوا سوا كانت بتقطع قلبي.
الراجل ده لازم يعرف.
كلمته وطلبت منه يقابلني لوحدنا.
قعدنا في الكافيه اللي على البحر وشه كان هادي مفيهوش فكرة عن العاصفة اللي جاية.
قلتله بهدوء وأنا بمدله الورقة
مارك أنا آسفة بس لازم تعرف الحقيقة دي.
خد الورقة وبدأ يقرأ.