الفصل الثاني والعشرون من رواية و سيطرت المشاعر بقلم زهرة الربيع

ميعرفش اني ببات بره ويشك...ومن انهارده هبات عند شوشو محدش يستناني
قال كده ومشي وادهم دخل عند والدته وهو مبسوط جدا
عند مشاعر كانت قاعده بزهق عايزه تتصل على سليم بس بتكابر وقالت .....لا مش هتصل عليه... براحته يعمل اللي عايزه هو ما سالش فيا من امبارح
ورمت التليفون على السرير بزهق
في الوقت ده الباب خبط وهي فتحت وقالت... نعم
واتفاجأت باتنين من الحرس دخلوا سرير اطفال كان صغير وجميل جدا وواضح انو غالي قوي
وقالوا سليم بيه بعت ده وخرجوا فورا
مشاعر جريت على السرير بسعاده وبقت تبصلو بفرحه شديده
في الوقت ده دخل سليم وقال بابتسامه.... عجبك
مشاعر لمعت الدموع في عيونها وقالت ... مش عارفه .....بس لما اتولد كنت ھموت واجيب له سرير زي الاطفال اللي في سنه كنت عايزه اعمل له اوضه وافرح بولادته بس ما كانش معايا اللي يكفي
سليم قرب منها قوي وقال....انا موجود....و معايا اللي يكفيكم وكل اللي بتحلموا بيه أوامر... انتي بس تتمني يا مشاعري
مشاعر نزلت دموعها وبعدت عنه وقالت ..... انا مش عايزه منك حاجه..... انما اللي تجيبه لابنك ما ليش دخل فيه
سليم ابتسم وقال بمشاكسه .....انا عارف انك مش عايزه حاجه .....كل اللي عايزاه انا وبس مش كده
مشاعر بصت له بدهشه وقالت ....لا طبعا مش كده
سليم ابتسم وقال... على العموم حتى لو ما كانش كده انا هخليه يبقى كده.... جبت هدومي وقاعد لك اسبوعين هنا مش هرجع البيت ابدا
مشاعر قالت بسخريه..... ومش خاېف ...انت مش قولتلي ان خالد بينقل اخبارك....مش خاېف يروح يقول لابو السنيوره
سليم قال بابتسامه .....لا ما انا خلاص خلصت منه
مشاعر اتسعت عينيها بذهول وقالت پخوف.... ايه ....خلصت منه يعني ايه ...عملت فيه ايه
سليم قال بسرعه..... اهدي هو بخير ....بس اديته اجازه مش اكتر ...وبعدين ما تتسرعيش عليه قوي كده قدامي قلت لك ان ده ملوش اي صله بيكي
مشاعر اتنهدت وقعدت على السرير وقالت بحزن.... سليم هو انا ممكن اطلب منك طلب
سليم قعد جنبها بسرعه وقال ....تطلبي عيوني
مشاعر بصيت له بدموع ورجاء وقالت ......كل اللي عايزاه منك اجابه واحده بس ...و لو سمحت ما تكدبش عليا ....هو فعلا خالد مش اخويا...سليم لو انت بتكذب في الموضوع ده ابوس ايدك قولي الحقيقه ..انا مش باقيلي حد من اهلي كلهم غير خالد
سليم اتنهد بحزن شديد عليها وقال ......وحياه ابني مش اخوك يا مشاعر ...صدقتي كده
مشاعر نزلت دموعها بغزاره و هو كمل بحزن شديد وقال.... بعد الكلام اللي قالهولي ابوكي في المستشفى قلت يمكن يكون لانه بېموت و مش عارف بيقول ايه... وعملت تحليل ليكو وطلع فعلا مش اخوكي ..ولما واجهته ما انكرش هو نفسه عارف انه مش اخوك وبيتصرف معايا ومعاكي على الاساس ده ....هو بيقول انو...احم ....انو بيحبك وعايز يتجوزك
مشاعر حطت ايديها على بقها بذهول وبقت تبكي بشده وقالت.... بس... بس ما تكملش.... اسكت خالص
وبصتلو بدموع وۏجع وقالت.... كل مره توجعني فيك اكتر من الاول..... كنت عارف حاجه زي دي وساكت ....ليه...ازاي كنت قابلها على نفسك قبل ما تقبلها عليا
سليم اتنهد بۏجع شديد وما كانش عارف يقول لها على السبب اللي سكته قال بحزن ....مكنتش قابلها ..وعمرها ما كانت سهله عليا ...ما تزعليش مني يا مشاعر اقسم بالله انا كل حاجه بعملها بتبقى علشانك انت مش علشاني..... انا بحبك فوق ما تتصوري عمري ما اتمنى اني اكون في يوم سبب وجعك
و لسه هيكمل التليفون بتاعه رن بعد
عنها بضيق