الجزء الاخير
بارت ٢ عاوزين يدبسوني في البيبي بتاع اختي...
في بلدنا الإچهاض ممنوع بس ممكن يتعمل في بلاد قريبة إحنا في أوروبا. وقت ما اتكلمنا هي ما كانتش لسه مقررة تعمل إيه.
كنت شايفة إن أختى بتقرأ رسايلي وحتى كنت شايفة موقعها على خريطة سناب. رحت مدرستها بس الموظفين ما سمحوش ليا أدخل.
الحمل حصل في حفلة عيد ميلاد واحدة صاحبتها وكان في شرب ومش متأكدة مين الأب. قالت يا إما كانت سکړانة يا إما حد حط لها حاجة في المشروب. وطبعا أنا زعقتلها على الشرب وهي لسه صغيرة.
أختي دي دلوعة العيلة . لازم تبقى أشطر واحدة أحسن لبس دروس زيادة ضغط رهيب من أهلها بس في نفس الوقت بتاخد كل اللي عايزاه. وده خلاها تبقى شوية متحكمة وأنانية. بس لما تكتشف إنك فاهمها بتتغير وبتبقى لطيفة جدا من النوع اللي تحب تقعد معاه في سهرة بنات.
مرات بابا اتغيرت جدا بعد الجواز بقت شخصية تانية. عارفة إنها بتتحمل وجودي بس علشان بابا ما يسيبهاش. بتتعامل بذوق في المناسبات بس دايما بتخليني حاسة إني غريبة ومش مرغوبة.
بابا هو أكتر حد واقف في صفي بحبه جدا وعلاقتنا قوية. مرة قالي إنه لو ما كانش عنده بنت تانية أختي كان ساب مراته بس ما حبش يخليها تطلع زيه ضعيفة ومهزوزة. هو مرهق من كل ده بس بحاول أريحه.
كل سنة بنحتفل سوا بالمناسبات والأعياد عادي عندي يكون عندي احتفالين دايما من وقت الطلاق بس دلوقتي الحفلات بقت فيها عيلة مرات بابا كمان.
و آه أنا بروح علاج نفسي. عندي مشكلة في إني دايما عايزة أسعد الناس حتى على حساب نفسي. اشتغلت على نفسي كتير وحتى شاركت في تجربة علاجية السنة اللي فاتت فرقت معايا جدا.
خطيبي بالنسبالي معجزة. أول راجل يخليني أحس إني جميلة. يمكن الكلام يبان تافه بس ده حسن ثقتي في نفسي جدا. هو سندي وعزوتي وجوده جنبي كفاية. قلتله لو حصل وسبني بسبب الموقف ده مش هزعل بس قالي هيكمل معايا حتى لو بقينا عايشين وسط طفل عامل دوشة وبيبي ٢٤ ساعة!
لسه عندي إحساس بالذنب حاسة إني قراراتي هتأثر على مصير البيبي بس كمان مش عايزة أكون أنانية. لو البيبي خرج تبني وأهله ما حبوش يبقوا على تواصل هاحترم ده.
إنتو قويتوني أوي وخليتوني أتمسك بقراري وما أضعفش. كنت هانهار لما بابا طلب مني أوافق بس فهمت إن مش ممكن أعيش طول عمري أصلح أخطاء غيري وأسعد الكل.
أنا ناوية أكلم مرات بابا وأرتب مقابلة أخليها تفتكر إنها كسبت يمكن أختي تكون موجودة كمان وبعدها هاعملها بلوك. مش عايزاها في حياتي. بس عشان أختي لو اترميت برا البيت هتعيش معانا وهنحلها سوا.
بس محتاجة نصيحة في النقطة دي بالذات
