الجزء الثالث والأخير من جن عاشق بقلم جمال الحفني
جوزي قالي اروح اقعد مع العطار في المحل بتاعه واحكيله اللي بيحصل معايا كنت مستغربة ازاي يقولي كدا خصوصا بعد ما عرف اللي بيعمله صاحبه دا معايا ومكنتش مصدقة لإننا قبلها بشهرين مكناش بنروح عند حماتي عشان نتجنب العطار اللي على ناصية شارعهم يشوفني
وفعلا نزلت وحمايا جي معايا بس قعد على كرسي بعيد عننا في الشارع واحنا قعدنا في الشارع العطار جي قعد قصادي وبدأت أحكيله اللي بيحصل وهو بيسمع وكان باين عليه إنه فرحان إني رحتله كأنه هو اللي انتصر في النهاية
جاب كرسي وقعد قدامي وبدأ يبصلي ويركز معايا لدرجة إني اتكسفت وبدأت أبص يميني وشمال عشان اتجنب نظرته في عنيا ولما سألته عن رأيه في اللي جوزي قالهوله قالي جوزك مقاليش أي حاجه وأنا كنت عارفه إنه عارف بس بېكذب
وفجأة وخلال ماحنا بنتكلم حسيت بتشنج في جسمي واتكتفت وكمان حسيت إن فيه اتنين قاعدين ورايا ومكتفيني وواحد واقف ورا ضهري وپيخنقني
بعدين عرفت إنه وقتها كان بيعزم عليا عشان يربطني بيه أكتر وخلال ما كل دا بيحصل وأنا مش مسيطرة على جسمي فجأة صباعي الصغير نزل ډم بدون سبب ومن بعدها بدأت أسيطر على جسمي من تاني ولما حكيت الكلام دا للمعالجة اللي عمتي جابتهالي قالتلي اه وقتها كان بيعزم عليكي وانتي ربنا نجاكي لما الډم دا نزل لإن بمجرد نزول الډم كل اللي كان بيحصل بيفسد
وقالتلي كمان إن العطار دا وقتها هو اللي كان متحكم في جوزك وهو اللي خلاه يقولك تنزليله تحت وفعلا جوزي أوقات كنت بحس إنه مش في وعيه خصوصا بعد ما حصلت شوية حاجات كدا بيني وبينه قبل الطلاق حكيلكوا عنها
مثلا في يوم كان سهران مع صحابه ورجع البيت وأنا من عادتي إني دايما بشغل الشاشة في الصالون قران وكدا قبلها بدقايق كنت واقفة قدام المراية بالصدفة وفجأة حاجه سودة وقفت في وشي زي الظل كدا والرؤية انعدمت عني لمدة ثواني وسمعت حد بيقولي أنا هبعد جوزك عنك المفروض متكونيش معاه وتكوني معايا أنا بس لإني بحبك اكتر منه وهفضل ملازمك على طول أنا ابتسمت بسخرية عشان أغيظه أكتر ومركزتش في كلامه
بعدها بدقايق جوزي جي وقعد في الصالة والشاشة شغالة قران وبعد دقيقية يمكن أو أكتر الشاشة فصلت النور الأحمر شغال لكن مفيش صورة كنت وقتها خرجت وقعدت معاه وبنتكلم والليلة حلوة
لقيته فجأة اتعصب وقالي إنتي بوظتي الشاشة انتي بتخربي وتبوظي كل حاجه قولتله لا انت دخلت وكانت شغالة قدامك وأنا بعيد عنها قالي لا أنا من وقت ما دخلت وهي مش شغالة ولما حسيته هيتعصب أكتر بدأت أهديه بعد ما عرفت إنه ڠصب عنه ووقفت
