الجزء الثالث والأخير من جن عاشق بقلم جمال الحفني

وأنا بتكلم معاه بهدوء عشان أشوف الشاشة وقفت ليه ورحت ناحية الأسلاك اللي فيها منها ورا وبمجرد ما بصيت فجأة لثواني الرؤية انعدمت بعد ما شوفت ظل خرج من ناحية الشمال ووقف قدامي نفس اللي حصل قدام المراية وقالي مش قولتلك مش هخليه يقربلك وابعده عنك وبالفعل ليلتها اتخانقنا وكل واحد فينا نام في غرفة لوحده 
رحت عند أهلي وعمتي كلمتلي معالجة وبدأت تديني جلسات وكدا وفي ليلة وأنا نايمة لوحدي والدنيا ضلمة حسيت بظل أسود واقف قدامي كان هو العطار واختفى أنا مكنتش نايمة ومتأكدة من كدا وبعد ما فوقت حسيت فعلا إن كان فيه حاجه حقيقية ولما حكيت للمعالجة قالتلي اه هو اللي جي وعمل كدا فعلا لكن مټخافيش ولا تبيني إنك خاېفة 
طول منا بعيد عن جوزي كانت كل حاجه طبيعية ومفيش مشاكل وفي فترة كدا قررنا أنا وجوزي نرجع لبعض تاني مع إن كل اللي حواليا كانوا معترضين وبمجرد ما بدأنا في الإجراءات بدأت المشاكل ترجعلي من تاني 
خصوصا بعد ما كتبنا الكتاب كنا كل ما نفكر ننقل في شقة جديدة أو ناخد خطوة في حياتنا تحصل مشاكل تفركش كل حاجه 
كنت بتعاقب بمجرد ما أفكر إني أرجعله تاني حتى لما كنا بنخرج مع بعض بمجرد ما يقرب مني كنت بحس بۏجع شديد في جسمي لدرجة إني مكنتش بطيق جوزي ولا بحب يقرب مني والخروجه تبوظ 
بس كان عندي حاجه مش طبيعية بتحصل معايا إني بتنبأ باللي بيحصل قبل ما يحصل حاجه تهمسلي في ودني وتقولي عليه 
حتى قبل ما اتخطب كنت عارفة إني هتخطب وهتجوز وفي الاخر هنفصل عن جوزي وحياتي الزوجية مش هتكمل على خير 
المعالجة قالتلي إن ربنا مديني خدمة وإن الخدمة دي بتكون قوية في وقت قوتي وضعيفة وقت ضعفي وقالتلي أقويها إزاي بالصلاة والعبادة وكدا وفعلا بكون حاسه بيها وحاسه براحة أحيانا كإني محمية كدا وطلبت مني مقولش عليها لحد وإلا هتروح مني 
وفي مرة كنت قاعدة عند عمتي أنا وبنتي وكان عندها صاحبتها وبنتها وفجأة عمتي قالت إن شنطتها ضاعت وحاطه فيها فلوس كتير وكدا وقالتلي يمكن بنتك هي اللي ضيعتها أنا وقتها اتعصبت جدا بس كنت حاسه إن دا مقلب أو حوار عاملينه بهزار مثلا متكلمتش معاهم ودخلت أوضتها وأنا متنرفزة جدا وبدأت أتكلم وازعق وقولت للفراغ كدا أنا عارفة إنكوا اخدتوا الفلوس الفلوس لازم ترجعوها بأمر الله وبقيت أقرأ قران وازعق واقول كلام كتير وشاورت على السرير وقولتلهم الفلوس ترجع في المكان دا بأمر الله 
وبعدين قولت لعمتي ادخلي دوري تاني ووالله العظيم عمتي دخلت ودورت ولقت الفلوس بين ملل السرير وفي نفس المكان اللي شاورت عليه وأنا
بزعق 
وبس هي دي حكايتي وهي دي المواقف اللي حصلت وبتحصل معايا من وقت للتاني فيه حاجات كتير ثانوية بتحصل بس مش لازم يعني أحكيها أنا قولت على المهم بس 
انتهت
قصة حقيقية
الجزء التالت
لو خلصت قراءة اكتب تم 
ومتنساش تغضط متابعة عشان يوصلك غيرها من القصص الحقيقية
شيير 
جن_عاشق
جمال الحفني