خطيبتي القديمة
بيبي سوا وهي مش هتكون هنا عشان تشارك التجربة العائلية دي وكمان وحشتني جدا.
لحقت إني أشيل ابني وأعرف نفسي ليه. أنا وأمها اتكلمنا على موضوع الحضانة جبت محامي عشان الموضوع يمشي أسهل عشان الكل يكون فاهم. هم سابوني أبات عندهم اتكلمنا أكتر عن خطيبتي القديمة واتكلمت شويه مع أبوها. وقعدت في بيتهم كام يوم لإني بصراحة كنت لسه مړعوپ إني أتساب لوحدي مع ابني لإني ما كنتش فاهم أعمل معاه إيه.
هما الاتنين كانوا لطاف جدا وصبورين وهما بيوروني إزاي أغير له والرضعات أهزه عشان ينام إزاي أركب كرسي العربية الزفت ده في عربيتي من غير ما أرميه في الأرض. أهلها كانوا لطاف كفاية إنهم يسيبوني أبات عشان كل ما يصحى أكون موجود يا إما أشوفها هي بتعمل إيه وبعدين بدأت أعمل أنا. هو بقاله معايا تقريبا أسبوعين في بيتي. معظم حاجته معايا. أنا ب أدور على شقة ب أوضتين بس هو دلوقتي بينام في السرير الصغير بتاعه في أوضتي.
الموضوع كان صعب جدا. خاصة أول ليلة أنا غالبا كلمت مامتها حوالي ٥ مرات في ساعتين لإنه ما كانش ب يبطل عياط. بعدين كلمت دكتور الأطفال لإني كنت ب أتوتر إن يكون فيه حاجة غلط معاه. إن
بهديه لما يبقى متضايق كان نقطة ضعفي. أي حاجة كنت بحاول أعملها ما كانتش بتنفع. الغنى ليه كان ب يساعد كتير والمشي في شقتي وهزه طول الوقت.
لسه مش سهل بس على الأقل دلوقتي حاسس إني واثق في نفسي أكتر إني أقدر أتحمل العياط وما أتوترش لدرجة إني أطلب مساعدة. أخدت إجازة تاني من الشغل عشان أكون معاه طول الوقت. أنا تعبان متوتر وعندي مشاعر كتير بتمر بيا عاطفيا. بس كمان أنا مبسوط لما ب أشيله أو ب أخليه يضحك. بصراحة الحاجات الصغيرة اللي بيعملها حتى الكحة الصغيرة بتاعته بتخليني أحبه أكتر. واضح إنه بدأ يحبني كمان.
تقريبا كل أهلي شافوه على برنامج زووم وماما جات شافته. هي بتعرض إنها تعمل مربية أول ما أرجع الشغل تاني في خلال كام شهر ف دي حاجة هتقلل القلق. أنا بس بتمنى إن أبويا كان عنده فرصة يقابله عارف إنهم كانوا هيبقوا أحسن أصحاب وهو أكيد كان هيدلع ابني جدا.
وواضح إن خطيبتي القديمة كانت عارفة ده كمان. ما عرفتش ده إلا لما أهلها ادوني شهادة ميلاده بس خطيبتي القديمة كانت عايزة إن اسمه التاني يكون على اسم أبويا ودي كانت مفاجأة حلوة ليا. إنه يكون معاه اسم جده كمان. أنا ب أتكيف ببطء على الحياة الجديدة دي. مش سهل بس هو بيستاهل التعب. أنا عايز أكون أبوه وأدي له أحسن حاجة أقدر عليها زي ما أبويا عمل معايا.
التحديث النهائي بعد
٩ شهور و ٢١ يوم
عيد ميلاد ابني الأول إمبارح والذكرى السنوية ل ۏفاة أمه
وصلت لأول سنة ليا ك أب. أنا مبسوط جدا باللي إحنا وصلنا ليه. هو كبر جدا لدرجة إني مش قادر أصدق. بس الموضوع كان حلو ومر في نفس الوقت. أهلها كانوا موجودين وأهلي كمان كانوا موجودين وعملنا حفلة شواء صغيرة سوا. الموضوع أثر فيا لما كنت ب أصوره وهو ب يحشي وشه كب كيك.
كنت أتمنى إنها كانت موجودة بتحتفل معانا. كنت أتمنى إنها تبوس خده اللي متغطي بسكر التورتة معايا وتكون فخورة إننا عدينا أول سنة. أمها حست بنفس الشيء أنا عارف لإنها هي كمان احتاجت تاخد لحظة جوا. هو لسه كان يومه كويس. ما تعبناش في النوم في النهار وكان نايم قبل ميعاد نومه. تاني وأنا ب أتفرج عليه وهو نايم ده خلاني أتمنى إنها كانت موجودة معايا. دي كانت أحسن سنة في حياتي إني أكون أب. بس حاسس بالوحده من غيرها.
واحشاني جدا.
