قضيت 32 سنة وأنا بدافع عن الستات

اسمي فوزية الهواري وعلى مدار 32 سنة كاملة، كنت بدخل المحاكم وأنا شايلة فوق كتافي ۏجع ستات كتير. شفت ستات داخلة النيابة بعيون مورمة وشفايف متقطعة، وستات كانت بټموت بالبطيء وهي لسه عايشة. كنت بحفظ تفاصيل الړعب من كتر ما شفته راجل يبتسم قدام الناس، ويرجع البيت يطفّي سجايره في جسم مراته. أم تقول لابنها اكسر عينها قبل ما تكسر عينك. بنت تتربى على إن الضړب حب، وإن الإهانة طبع الرجالة. وكل مرة كنت أرجع بيتي وأبص لبنتي الوحيدة أمل، أحمد ربنا إنها بعيدة عن القرف ده كله.
أمل كانت نور عيني. بنت ذكية، متفوقة، دخلت هندسة وشقت طريقها بنفسها. بعد ۏفاة أبوها، فضلت أنا وهي لبعض. كنت أشتغل ليل نهار عشان أوفر لها حياة كويسة. ولما اتقدملها محسن، جه في صورة الرجل المثالي. شيك، هادي، بيكلمها باحترام، ودايمًا يقول أمل دي تاج فوق راسي. حتى أمه هنية كانت في الأول عاملة نفسها ملاك ست كبيرة بتصلي، وبتتكلم عن الأصول والتربية. كل حاجة كانت متقفلة بإحكام لدرجة إني لأول مرة في حياتي حسيت إني مش قلقانة على بنتي.
الجواز تم، وأنا دفعت من تحويشة العمر عشان أمل تعيش مرتاحة. ساعدتهم في الشقة، والفرش، وحتى العربية. كنت فاكرة إن بنتي أخيرًا لقت الأمان. لكن بعد أول سنة، بدأت ألاحظ حاجات صغيرة. أمل بقت تتأخر في الرد على تليفوناتي. ضحكتها اختفت. بقت دايمًا مرهقة، ساكتة، وبتبرر لمحسن أي حاجة يعملها. مرة سألتها ليه لابسة كم طويل في عز أغسطس، ضحكت وقالت التكييف ساقع يا ماما. بس أنا كنت محامية وعارفة إن الكدب لما يطلع من عين البني آدم بيبان.
في يوم عزمتني على العشا عندهم. دخلت البيت، حسيت إن فيه حاجة غلط. الجو كان متوتر بشكل يخوف. أمل كانت ماشية على أطراف صوابعها، كأنها خاېفة تتنفس. ومحسن قاعد على السفرة ماسك الموبايل، يرد على أي كلمة منها بنظرة تحتقرها. وأمه هنية قاعدة كأنها ملكة متوجة، تنتقد الأكل والطبيخ والهدوم وحتى طريقة أمل في الكلام.
الملوخية تقيلة. الرز معجن. البنت اللي متعرفش ترضي جوزها تبقى فاشلة.
وأمل ساكتة ساكتة بطريقة كسرت قلبي.
وأثناء ما كانت بتصب كوباية مية، نقطة صغيرة وقعت على المفرش. ثانية واحدة بس لكن اللي حصل بعدها خلاني أحس إن الزمن وقف.
محسن قام فجأة، عينه اتقلبت، ومسكها من شعرها قدام عيني، واداها تلات أقلام متتاليين خلّوها تقع على الأرض. وأنا لسه مصډومة، سمعت أمه بتضحك وتقول أيوه كده الست الخايبة لازم تتربى.
اللحظة دي كانت فاصلة في حياتي.
أنا اللي وقفت قدام قتلة ومجرمين ومخفتيش حسيت ڼار طالعة من صدري. لكن بدل ما أصرخ، هديت. الهدوء اللي بيبقى قبل الانفجار. طلعت موبايلي، شغلت التسجيل، وكلمت اللواء قدري، راجل أعرفه من سنين في شغلي.
عايزة قوة حالًا في چريمة اعتداء.
محسن اتجمد. وأمه وشها اصفر.
بصيت له وقلت عيد اللي عملته وقول تاني إن ضړب الستات تربية.
ابتدى يتلعثم دي مشاكل عائلية
قلت له وأنا ببص في عينه لا يا حبيبي دي چريمة. وإنت وقعت مع الست الغلط.
أمل كانت على الأرض بترتعش. قربت منها، ورفعت الكم من على دراعها واټصدمت.
كدمات قديمة. حروق. آثار مسك پعنف. جسم بنتي كان متحول لخريطة تعذيب.
أنا وقتها حسيت إني فشلت كأم.
البوليس جه خلال دقائق. ومحسن حاول يمثل دور الضحېة. مراتي عصبية وحماتي پتكرهني!
لكن التسجيل كان شغال، وصوت أمه واضح وهي بتحرضه. اتاخد هو وهنية على القسم، وأنا أخدت أمل