سواق التوك توك

من تلقاء نفسها!! .. لقيت اتنين بيقربوا عليا من قلب الضلمة اللي جوة المقاپر الشاب ومعاه راجل كبير كان الواضح انه ابوة .. لقيت الراجل بيبصلي وبيقولي پغضب 
_ يعني سايب الدنيا كلها وجاي تشغل اغاني في المقاپر.. متعرفش ان في حاجة اسمها حرمة اموت .
رديت عليه بأرتباك وقولتله  
_ ا ا انا مشغلتش حاجة ا ا انا بس كنت ااااا
الشاب اللي واقف معاه قاطع كلامي ووجه الكلام لابوة وقال 
_ انا قولتله وهو مرضاش يمشي.. وشوف لسه مشغل الاغاني المزعجة دي رغم اني قولتله وهو مرضاش يمشي .. شوف احنا ساكنين فين والصوت واصلنا .
مش عارف ليه حسيته بيعيد الكلام مهتمتش خصوصا اني اتاكدت انهم بني ادمين مش زي ماكنت مفكره .
اتجرأت وهم واقفين وروحت ركبت المكنة وقفلت الاغاني او في الحقيقة حاولت لكن الاغاني كل ما احاول اقفلها الصوت كاان بيعلى أكتر وأكتر !!! .
طبعا كنت قاعد على الكرسي والباب بيني وبينه البربريز اللي قدام.
بدأت ألاحظ وجود إضاءة حمرا خاڤتة إضاءة توهجت لثواني واختفت بسرعة اضاءة شوفتها جوة الفتحة اضاءة مش عارف مصدرها ظهرت من جوة القپر وانا قاعد وبحاول اخرج حتى بالمكنة مش عارف !.
نزلت علطول من الناحية التانية وانا بقول بصوت عالي 
_ اهو اتأكدت يا عم الحج .. الاغاني مش عايزة تتاااااااا......
انا بقول ايه وبكلم مين أصلا محدش موجود غيري جريت بصيت جوة الضلمة ملقتش أثر ليهم خالص ! .
ثر قولت الكلمة دي وبصيت على المكان اللي كانوا واقفين فيه من ثواني كان في ماية مرشوشة على التراب وبالتالي اتكون طينة عامله دايرة .. الراجل وابنه كانوا واقفين على الطينة لو كانوا بالفعل واقفين أثار رجليهم كانت هتبقى باينة وواضحة لو مشيوا كدا او كدا لكن لما ملاقيش اي اثر لوجود رجلين كان لازم أفهم أن فيه حاجة غلط وأن شكي طلع ف محله ولازم امشي من هنا!! .
اللي عملته اني بالفعل جريت روحت على بيت الزبونة اللي وصلتها كنت ببص على المكنة كل ما ابعد بيتها مكنش بعيد لسه كنت هطلع واخبط على اي دور بصيت على اول دور لقيتها واقفة في البلكونة بصالي !! .
مستنتنيش اتكلم كان في شاب واقف جنب منها اول ما بصتله سابها ودخل جوة دقيقة وكان قدامي في الشارع مشي وانا وراه في صمت بعدنا كام خطوة وبعدها قالي 
_ سامحني يسطا انا كنت شايفك من الاول وجيت عشان انزلك امي مسكتني وحلفت عليا منزلش غير لما هي تقولي لما سألتها ليه حكيتلي بقى اللي انت عملته معاها .
متكلمتش كنت ماشي ساكت وباصصله كنت عايز اقوله يعني انت شوفت اللي حصل معايا .
اتكلم مرة تانية ورد على كل الاسئلة