سواق التوك توك

اللي كانت بتدور جوايا 
_ أرجوك قولي أيوة كنت بتتكلم في الموبايل أصلي انا كنت شايفك واقف بتتكلم هناك وبتزعق كنت بتتكلم في الموبايل صح 
وقفت وهو كمان وقف هزيتله دماغي بمعني لا مكنتش بتكلم في الموبايل .
برأ عينه لثواني ولقيته بيهمس وكان الواضح انه بيقرا قرآن او حاجة كملنا الطريق وسحب التوك توك معايا وااااااا
لا ثواني بس أصل حصل حاجة وكان لازم اقولها الاغاني مش شغالة ! .. مش عارف امتى ولا ازاي ولا مين اصلا شغلها علشان يطفيها .
ركبت المكنة وانا بقول لنفسي بصوت عالي  
_ الاغاني كانت شغالة دلوقتي .. مين قفلها .
ركبت وقبل مامشي لقيته بيقولي 
_ لو ليك نصيب ورزق تيجي هنا تاني بلاش اغاني وازعاج الميتين بيحسوا وليهم حرمة برضو .. امي قالتلي انك كنت معلي الاغاني على اخرها .. وده غلط .
بصيتله باستغراب وقولته  
_ كنت !! .. يعني ايه كنت .. الاغاني كانت شغالة دلوقتي .. انت مسمعتهاش .. صوتها كان عالي اوي .
هز دماغه وقالي  
_ محصلش من وقت ماشوفتك ومكنش في اي اغاني شغالة .
نزلت من المكنة وقولتلك حصل كذا وكذا وكذا .
قالي وهو بيضحك 
_ متخفش ده عم ربيع وابنه سعيد دول قلبهم ابيض اوي .. اه وعلفكرا. . تعالى معايا كده بص مافيش اي حفرة موجودة هنا !.
استغربت بس رجعت وفكرت وقولت لنفسي فعلا لما جيت هنا اول مرة مكنش فيه حاجة .. رجعت قولتله 
تمام عرفت دي .. قولي بقى انت ليه قولتلي اني كنت بتكلم في الموبايل مفهمتش قصدك معلش استحملني.
طلع من جيبه علبة سجاير خد واحدة واداني واحدة ۏلع سيجارته وبعدها ولعلي السېجارة وقالي بصوت واطي وهو بينفخ الدخان قدامه في الهوا 
_ بص القپر اللي بابه اخضر ده اعوذ بالله يعني بيقولوا ان اللي اتدفن فيه راجل بتاع اعمال وكده اعوذ بالله دجال يعني.. و لما شوفتك بتتكلم عند اول الحارة دي .. كنت شايفك بتكلم نفسك مكنتش شايف حد موجود غيرك فاهمني .
قولتله وانا بركب المكنة وبدورها  
ازاي يا عم مانا قولتلك على اللي فيها حتى انت قولتلي ان اسمه ربيع وابنه اسمه مش عارف ايه كدا .
قالي وهو واقف مكانه 
_ لو على دول فتمام مافيش مشكلة انا كنت خاېف لتكون وقعت مع اللهم احفظنا يعني تاني غيرهم .
اللهم أحفظنا غيرهم .. يعني همااااا ....
قطع كلامي وقالي 
_ أيوة .. بس مش بيأذوا مش بقولك قلبهم ابيض.
شكرته ودورت المكنة ومشيت فورا .. رجعت بضهر المكنة لورا وعدلت نفسي عشان امشي الشاب اللي كنت واقف معاه اللي معرفش أسمه ايه مشي .
كانت غلطة تانية عملتها لما بصيت على الباب الاخضر اللي