الحلقة الأولي من الجزء الثاني من رواية مكتوبة علي اسمي بقلم ملك ابراهيم

هتقدر تيجي بدري وانها هتيجي مع عامر بالليل.
بيسان برقه انا هكون معاكي اطمني وان شاء الله كله هيبقى تمام.
امجد قرب منهم وهو بيبص ل بيسان بحب وقال ايه يا هاجر انتوا هتفضلوا تتكلموا علي الباب كده!! اهلا يا بيسان اتفضلي.
بيسان دخلت بخجل ومامت هاجر كانت قاعدة واول لما شافت بيسان داخله مع بنتها وامجد جنبها ملامحها اتغيرت للڠضب وهي بتبص ل بيسان وهاجر اتكلمت مع مامتها بحماس ماما اقدملك بيسان....
مامتها قاطعتها بجمود وقالت اهلا.
وقامت وقفت ودخلت المطبخ وبيسان خفضت وشها باحراج وهاجر بصت ل أخوها بستغراب لان رد فعل مامتها كان غريب بالنسبه لها وامجد اتكلم مع بيسان بلطف اطلعي مع هاجر اوضتها فوق عشان تجهزوا برحتكم.
بيسان هزت راسها بالايجاب وطلعت مع هاجر وامجد دخل المطبخ عند مامته وكان في خدم بيجهزوا اكل الحفلة وامجد اتكلم مع والدته بعصبيه ممكن افهم ليه حضرتك حرجتيها كده
مامته بصت للخدم وبصت ل امجد وقالت بجمود انت شايف ان ده الوقت او المكان المناسب اللي نتكلم فيه!
امجد بص حواليه وشاف الخدم مركزين مع كلامهم وخرج وساب والدته جوه ووالدته اتعصبت علي الخدم وطلبت منهم يخلصوا الاكل بسرعة.
في المساء داخل مكان مخصص للسهر.
علاء ومختار كانوا قاعدين جنب بعض. 
علاء شرب من الكاس اللي قدامه وقال انا لازم انتقم من عامر الچارحي .. مش هسيبه يعيش حياته براحة وسعادة وهو مدمر حياتي.. بقى انا على اخر الزمن يتقالي يا جوز لولا!!
مختار وهو بيشرب كاس جمبه عامر بعد ما شارك امجد وعملوا الشركة الجديدة دي وبقى هو رقم واحد بدون منافس ومفيش أي حد قادر عليه.. احنا لازم نوقع عامر الجارحى ونخلص منه بأي طريقة.
علاء مش هسيبه يتهنى ب مراته يا مختار.. لازم اخليها نسخه من لولا.
مختار بص ل علاء پصدمة وقال انت شكلك تقلت في الشرب ولا ايه!! انت محرمتش بعد اللي عمله فيك اول مرة.. المرادي مش بعيد يقتلك فيها.. اعقل يا علاء وخلينا نفكر في حل معاه والاهم اننا منبنش في الصورة.
علاء پغضب انا عايز اخليه يدوق اللي انا دوقته يا مختار.. عارف يعني ايه تبقى واحدة زي لولا مكتوبة على اسمك.
مختار بفزع مش عايز أعرف.. انت لبست لولا وخلصنا.. خلينا دلوقتي في شغلنا.. عامر الجارحى لازم ينتهي وميبقاش له قومه تاني عشان كل واحد فينا يوصل للي هو عايزه.
علاء وهنعملها ازاي دي وانت خاېف اننا نقرب من مراته.
مختار پغضب هو انت مش بتفكر في الاڼتقام غير من مراته!! ما تسيبك من مراته دلوقتي وخلينا في عامر نفسه.
علاء انت غبي يا مختار.. مرات عامر هي نقطة ضعفه وملوش داخله غيرها.
مختار بص ل علاء بتفكير وقال تصدق في دي عندك حق.
علاء بثقة اسمع انت كلامي بقى