الحلقة الأولي من الجزء الثاني من رواية مكتوبة علي اسمي بقلم ملك ابراهيم

غيرته وغضبه واتكلم بهدوء معاها عشان محدش يلاحظ حاجة ولما جربته طلع حلو علي بشرتك
آيات بتوتر ااه.
عامر طب كويس.. نمسحه دلوقتي ولما نرجع البيت تحطي منه برحتك ايه رأيك
آيات بعناد على فكرة الروچ مش باين يا عامر هو اصلا خفيف وبعدين احنا في فرح وكل البنات بيحطو روچ عادي يعني.
عامر پغضب مكتوم ولما اقولك ان اللون ده خلى شفايفك ملفته للنظر واي حد هيقف يتكلم معاكي مش هيبقى مركز غير مع شفايفك.. هتصممي عليه برضه!
آيات ضغطت على شفايفها وقالت بتوتر هو باين للدرجادي.
عامر اتنهد وقال للأسف.
بصتله بخجل وقالت طب انا هروح الحمام امسحه.
عامر ياريت.
آيات اتحركت من قدامه وعامر كان بيحاول بكل قوته يحافظ على هدوئه ويخفي غيرته الشديدة عليها. 
في الحمام. 
آيات وقفت قدام المرايا وبصت على الروچ ولقت ان عامر عنده حق وبدأت تمسح الروچ وفجأة سمعت اصوات قدام باب الحمام. 
الأصوات كانت منخفضه لكنها واضحة جدا لأنهم كانوا واقفين قدام باب الحمام.. 
سمعت صوت والدة امجد وهي بتتكلم بعصبيه وبتقول انتي ايه اللي رجعك تاني.. فاكرة ان السنين دي هتخليني اغير رأيي فيكي.
اتكلمت بيسان بحزن هو ليه حضرتك بتكرهيني كده!
والدة امجد پغضب انا مش بكرهك.. بس انا مش عايزاكي في حياة ابني وده حقي اني اختار الزوجة المناسبة له واظن ان انا قولتلك الكلام ده من سنين فاتت.. لما كنتي فاكرة انك تقدري تخدعي امجد وتخليه يتجوزك.
بيسان بحزن انا عمري ما خدعت امجد.. انا بحبه.
والدة امجد بجمود لو بتحبيه بجد مكنتيش رجعتي تاني!! انا لما صدقت ان امجد بدأ ينساك.. الاقيكي رجعتي تاني وعايزة تبدئي الحكاية من الأول وانتي عارفة كويس ان امجد لو اتجوزك مستقبله هيضيع.. لو انتي فاكرة ان الناس ممكن ينسوا ماضي عيلتك تبقي بتحلمي.
بيسان بكت بحزن وقالت من فضلك بلاش نتكلم في الموضوع ده!
والدة امجد لا لازم نتكلم عشان تفتكري مامتك اللي ماټت مقتولة هي وعشيقها على ايد ابوكي اللي ماټ في السچن!.. أكيد انا مش هسمح ان تكون دي العيلة اللي ابني يناسبهم واسمهم يرتبط بأسم عيلتنا!
بيسان كانت پتبكي ومڼهارة وآيات جوه الحمام سامعه كل الكلام اللي بينهم وصعبت عليها بيسان وهي سامعة صوت عياطها وهي واقفة قدام مامت امجد.
اتكلمت مامت امجد بقوة ده اخر تحذير ليكي يا بيسان.. ابعدي عن ابني وارجعي مكان ما كنتي.. انتي عمرك ما هتكوني ل امجد غير في حالتين اتنين.. يا اما انا اموت.. او امجد يختارك وينسى ان له ام.
بيسان بصتلها پصدمة ووالدة امجد اتكلمت مرة تانيه قبل ما تمشي ادخلي الحمام اغسلي وشك وامشي من هنا يا بيسان ومش عايزة أشوفك في بيتي ولا في حياة ابني تاني.. مفهوم.
مامت امجد انتهت من كلامها معاها ورجعت لحفلة الخطوبة تاني وآيات