اسكريبت كامل بقلم زهرة الربيع

علشان تهدي انتي اتعب انا
ريم بصتلو وقالت باستغراب..ليه انا عملت ايه
يوسف اتنهد وشدها لحضنه اكتر وقال...مفيش يا قلبي نامي ...وفضلت في حضنه مرتاحه جدا بين ايديه لحد ما نامت
يوسف ابتسم على براءتها وشكلهاو هي ونايمه وضمھا لي قوي ونام هو كمان
في صباح يوم جديد قامت من النوم وكان يوسف نايم ومحاوطها بقوه بدراعاته افتكرت لما كان بيقرب لها وهي كانت خاېفه قوي اتنهدت وقالت .. ايه الغباء اللي انتي فيه ده يقول عليكي ايه دلوقتي طفله ده انتي كنتي هتعمليها على روحك
و بقت تبص لملامحه وداست على شفتها بعجاب وقالت ما انت اللي حلو زياده كمان وتستغل الوقت اللي هو نايم فيه .. حسيت انها خاېفه ولسه هترجع لورا شدها عليه بقوه وفي ثانيه قلب الوضع وبص لعيونها وقال بتعملي ايه
بصتله بزهول وكسوف وقالت انا انا ...
يوسف حط جبينه على جبينها وقال بهمس انا نفسي تهدي... دقات قلبك صحتني من النوم خليكي هاديه انا مش هاذيك ولا هعمل اي حاجه تخوفك اطمني
بصتله پخوف بس يوسف كان بيبص لعينيها بحب واضح جدا زال كل الخۏف اللي كان جواها 
قرب منها وهيه غمضت عنيها بهدوء بس اټصدمو بصوت عمها راضي وابنه رفاعي بيخبو على الباب وبيزعقو جامد
بقلم.....زهرة الربيع
ريم اتخضت ويوسف اتسعت عينيه بزهول وقال..يا انهار اسود ازاي عرفو المكان ده
ريم قالت بارتباك هتعمل ايه دلوقتي اكيد ماما قالت لهم انك مش خالي
يوسف بصلها وقال ما تخافيش مش هسمح لحد ابدا يا خدك مني تاني مستحيل
وفتح شباك في الاوضه كان طالع على الناحيه الثانيه من الجنينه وشالها ونزلها من شباك كان قريب جدا من الارض ونط وراها واخذها من ايدها وبقم يجروا سوا
راضي ورفاعي خبطو كتير على الباب ومحدش فتح كسروا الباب ودخلوا وبقوا يفتشوا حته حته لحد ما دخلوا الاوضه وشافو الشباك مفتوح
ريم ويوسف جريو كتير في الغابه وريم تعبت جدا ووقفت وقالتها انا مش هتحرك تاني مش قادره مش قادره خالص
يوسف بصلها بقلق وقال..ريم احنا كده قريبين ممكن يلاقونا في اي وقت تعالي على نفسك شويه
ريم قالت بتعب شديد ..والله مش قادره تاني يا يوسف مش قادره تعبت
يوسف شالها وبقى يجري بيها بس طبعا لانه شايلها كانت حركتو ابطأ
ريم كانت ماسكه في رقبته وبتبصله ومبسوطه جدا بص لها باستغراب وقال.. ايه اللي مفرحك في اللي احنا فيه ده
ريم ضحكت وقالت الي مفرحني اني بعيش حلمي انا كنت دايما اقول لصحابي نفسي في شاب يشيلني ان شاء الله على حمار ويهرب بيا
يوسف ابتسم بخفه على كلامها وقال.. يعني انا حاليا الحمار اللي شايلك ربنا يكرم اصلك والله
ريم ضحكت جامد وقالت لا لا انت الفارس اللي خاطفني
يوسف اتنهد بتعب وقال وهو بينهج...ايوه بس الحمار تعب...اا قصدي الفارس تعب
بصي شايفه الشجر اللي هناك ده تعالي نقعد شويه نريح تحته
وفعلا راحوا قعده تحت كام شجره كده وريم نامت على الارض وحطت راسها على رجله وقالت يوسف هو انت ايه اللي عجبك فيا للدرجادي علشان تتعب كل ده علشاني
يوسف ابتسم وقال ...الي عاجبني فيكي كتير قوي..وميتعدش كل حاجه فيكي عجباني
ريم بصت لعيونه وقالت..طب لو كنت انا اتجوزت رفاعي كنت عملت ايه
يوسف ابتسم وقال...رفاعي مين ده الي ياخدك مني مفيش حد يقدر يعملها ...ومسك ايدها وقال..انتي قدري من يوم ما شوفتك..مكتوبه في قدري انتي حقي ومش هتخلى عنو
ريم ابتسمت على الحب الي في عيونه وقالت...انا عايزه اعترف