فجر وصاحب السنتر بقلم إيمان شلبي

اسكريبت بقلمي إيمان شلبي 
الملك مينا عمل ايه 
وحد القطرين ٣٢٠٠ 
الملك مينا كان حاكم ايه 
حاكم مدينه طيبه في الوجه القبلي
ايييييه ايه في ايه هي زريبه ولا ايه !
نزلت العصايه من علي السبوره وانا برفع حاجبي وببص علي الشخص اللي اقتحم الفصل بدون لا احم ولا دستور
مين علبه السردين ده!
علبه سردين 
انت ازاي ټقتحم عليا الكيلاس
رد بذهول 
كمان كيلاس
في ايه حضرتك هو انت بغبغان
اخد نفس عميق وهو بيمسح علي وشه بغيظ ..
بقولك ايه انا شغال في القاعه اللي جنبك وانتي صوتك عالي اوي ومش عارف أركز منك من فضلك لو سمحتي وطي صوتك
بصيتله من فوق لتحت بقرف ومردتش عليه 
لفيت وشي للسبوره وانا بقول بصوت عالي للطلاب
الملك مينا عمل ايه 
وحد القطرين ٣٢٠٠
هبد علي الباب بعصبيه 
يا انسه انا بكلمك
رديت بعصبية وانا بنزل من علي الخشبه اللي كانت مطولاني ومش مبينه اني شبر ونص
جرا ايه يا استاذ انت جاي تجر شكلي ولا ايه
رفع حاجبه ورد بذهول 
الاه!
ايه في ايه 
الاه!
رديت بضيق وانا برفع راسي عشان ابص في عيونه 
ايه ياعم انت في ايه 
بقي الشبر ونص ده هو اللي صوته جايب اخر السنتر!
رفعت صباعي في وشه وانا بجز علي اسناني 
اتكلم بأدب ياولد 
ياشيخه اتنيلي وانتي شبه العيال اللي في اعدادي كده
ربعت ايدي في بعض وانا ببتسم ابتسامه مستفزه 
قصيره بس نينجا الدور والباقي علي الجحش اللي واقف قدامي وصوته عامل زي العصفوره...
العيال كلها فضلت تضحك وانا بضحك معاهم وهو اقف هيفرقع من الغيظ
صړخ پجنون في العيال 
اخرس ياض منك ليه
اتنفضت من صوته وبلعت ريقي وانا برجع خطوه لورا..
برقلي وهو بيرفع صباعه في وشي بتحذير 
اقسم بالله لو سمعت صوتك تاني هكسر السنتر ده فوق دماغك انتي والطلاب بتوعك انتي سامعه
وشي اتشنج ولويت بوقي وانا ببصله بقرف 
يامي يامي خۏفت الحقوني ياولاد
هبد علي الباب وهو بيشد علي شعره پجنون 
مستفزززززه
قال جملته ومشي من قدامي وانا واقفه ببص لأثره بتوتر وخوف حاولت اداريه قدام الطلاب 
يلا ياولاد قولوا ورايا بس بصوت واطي اتفقنا
واحد من الطلاب 
ليه ياميس انتي خاېفه من الجحش ده ولا ايه
رديت بأنفعال 
اخرس قطع لسانك مين ده اللي اخاڤ منه 
طب عندا فيه بقي هتقولوا ورايا وبصوت عالي كمان ها يلا بقي واللي يحصل يحصل ...
بعد مرور ربع ساعه 
مملكه الشمال العاصمه ايه 
العاصمه بوتو 
مملكه الجنوب العاصمه ايه 
العاصمه نخب
قسما بالله يا مرزوق لو الشبر ونص اللي جوا دي موطتيتش صوتها لهكون مطربق السنتر فوق دماغكم كلكم 
جزيت علي اسناني بعصبيه وانا برمي العصايه علي الارض وبنزل من علي الخشبه
ده أنت يومك مش معدي النهارده ياعمود النور انت
قولتها وانا بشمر دراعي وبفتح الباب بعصبيه
جرا ايه يا عم هتلر مالك في ايه مفكرني هخاف وهكش ولا ايه لااااا لااااا ياحبيبي مش انا اللي اخاڤ من واحد زيك
كور أيده في بعض وهو بيجز علي أسنانه 
اخرسي واختفي من قدامي وإلا وربي وربي لو نفخت فيكي هطيرك
شديت كرسي كان جنبي وطلعت وقفت عليه وانا بزعق في وشه پجنون وعصبيه بعد ما خلاص كنت خرجت عن شعوري
انت مفكر نفسك مين يابتاعه انت ها
مفكر نفسك ابن رئيس الجمهوريه ولا تكونش ابن صاحب السنتر
ابتسم بخبث وهو بيرفع حاجبه وبيبص لمرزوق اللي كان وشه باهت واصفر
هي الانسه متعرفش يا مرزوق
معرفش ايه
مرزوق وهو بيبلع ريقه بتوتر 
ا احم ميس فجر ا الاستاذ مؤنس مش ابن صاحب السنتر ه هو صاحب السنتر نفسه
لطمت علي خدي پصدمه