فجر وصاحب السنتر بقلم إيمان شلبي

وذهول 
احييييييه اومال انت تبقي مين 
رد بأسف 
انا ماسك الفرع ده بس استاذ مؤنس هو صاحب السنتر 
شاورلي بأيده بجمود 
حالا تاخدي بعضك وتتفضلي من هنا
بلعت ريقي وانا بنزل من علي الكرسي 
رجلي اتعوجت وكنت هقع بس هو لحقني بلهفه وهو بيمسك ايدي
خدي بالك
رفعت عيوني اللي كانت بتلمع بالدموع وبصيت في عيونه وانا برد بصوت مبحوح
شكرا
سحبت ايدي وطلعت اجري علي الفصل عشان الم حاجاتي
واحد من الطلاب بدموع 
ميس فجر حضرتك هتمشي
بصيتله وانا برد بحزن 
هتوحشوني
قربت مني طالبه واترمت في حضڼي 
متمشيش ياميس انا بحبك
حضنتها جامد وانا بعيط بۏجع 
وانا كمان بحبك وبحبكم كلكم بس ڠصب عني لازم 
امشي هتوحشوني اوي
بصيتلهم لقيتهم بيعيطوا وهما بيهزوا رأسهم بنفي ...
اخدت شنطتي وطلعت اجري من الفصل لحد ما خرجت من السنتر وانا كاتمه عياطي
اول ما خرجت شهقت پعنف وفضلت أعيط بحرقه وانا بلوم نفسي وبلوم غبائي ولساني اللي مصر يقع في الغلط
روحت البيت ودخلت اوضتي اترميت علي السرير وصړخت بصوت مكتوم
الفون بتاعي اتهز برقم غريب ..
رديت بصوت مبحوح 
الو 
الو ا ا أحم ازيك
رديت باستغراب 
مين معايا
سكت لحظه وبعدها اتنهد ورد بهدوء 
مؤنس
اتنفضت من مكاني وانا برد بذهول وعصبيه في نفس الوقت
انت
ا احم انا بكلم حضرتك ع عشان ع عشان
عشان ايه 
رد بسرعه 
ارجعي السنتر عشان الطلاب كلها بتحبك
ابتسمت بخفوت لكن حاولت مبينش ده ورديت بجمود 
لا انا اسفه مش هقدر ارجع مكان اتطردت منه
ماهو ما هو انتي اللي عصبتيني يا ميس فجر و وخرجتيني عن شعوري
رديت بعصبية 
ياسلام وانت يعني اللي ملاك مانت اقټحمت عليا الكيلاس وقولت عليا شبر ونص!
رد بنبره كلها ضحك 
بغض النظر عن الكيلاس اللي قولتيها انا بعتذرلك ياستي واوعدك مش هتتكرر تاني ولو علي الصوت عليه براحتك انا هغير معاد حصتي
حطيت وشي في الأرض بأحراج وكأنه واقف قدامي ورديت بهدوء وهمس
تمام ا انا كمان 
انتي كمان ايه!
ا احم كح كح ا أحم ا انا كمان بعتذرلك
رد بمرح 
عشان قولتيلي علبه سردين وجحش 
لا ياستي ولا يهمك حصل خير 
رديت بتلعثم 
ا ا سلام 
سلام
قفلت معاه واخدت نفس عميق وانا بحط ايدي علي قلبي اللي كان بيدق جامد
ايه ياعمنا مالك بتدق ليه مش مكفيك الخوازيق اللي قد كده اللي أخدتها مش بتحرم ياجدع انت نو ډم نو إحساس نو رز بلبن
بت يا فجر تعالي عملتلك الرز بلبن اللي انتي بتحبيه
قالتها ماما برا بصوت عالي 
ابتسمت ابتسامه واسعه وانا بقوم من مكاني وبجري علي المطبخ
ياحلاوه ياولاااااد الليله ليله هنا وسرور وكوبيات في صواني بتدووور لولولولولولي
ماما وهي بتلوي بوقها يمين وشمال بسخريه 
انا اشوف الناس تبقي مبسوطه عشان هتتخطب عشان هتتجوز عشان نجحت انما ناس مبسوطه وعامله فرح عشان الاكل اول مره اشوفها ديه!!!
ياحبي علاقتي انا والاكل ديه احسن ريليشن ممكن تشوفيها يعني بذمتك عمرك شوفتي صينيه مكرونه بشاميل خذلتك
ولا عمرك شوفتي طبق ورق عنب قالك انا مش عايز اظلمك معايا عشان كده هسيبك بعد ما علقتك بيا
طب عمرك شوفتي ورك فرخه قالك انا بحبك بس مش عارف اجي اتقدملك عشان عندي ظروف!!
ضړبت كف فوق التاني وهي بتهز رأسها بيأس 
لا حول ولا قوه الا بالله البت دماغها لسعت
سحبت اكبر طبق ومعلقه وطلعت علي برا وانا بأكله باستمتاع وبحاول اخرج اللي حصل النهارده من دماغي بالرغم اني كنت لسه متضايقه أنه طردني قدام الطلاب بس يلا حصل خير اصل انا مهزقه ومعنديش كرامه
يوه كرامه ايه يا فجر هو انتي سكتي ما انتي