سيدنا موسي والخضر عليهما السلام

قصة سيدنا موسي والخضر كأنكم أول مرة تقروها
في يوم من الأيام كان سيدنا موسى قاعد مع بني إسرائيل بيكلمهم عن ربنا ويوعظهم
لحد ما الناس قلوبها اتأثرت وعيطوا من شدة التأثر بكلامه
فواحد من بني إسرائيل سأل سيدنا موسي قاله 
هو فيه حد غيرك في الأرض أعلم منك بيعرف يعني أكتر منك !!
فسيدنا موسي على حسب علمه رد وقال
لأ مفيش..
فربنا عتب عليه إنه مارجعلهوش وسأله في السؤال الغيبي ده إللي ميعرفش إجابته غير ربنا ويقول الله أعلم.
فربنا عز وجل قاله في عبد صالح مؤمن هو أعلم منك
عبدا من عبادنا آتيناه رحمة من عندنا وعلمناه من لدنا علما
سيدنا موسي مع إنه نبي مرسل ومن أولي العزم من الرسل 
إلا إنه طلب من ربنا إنه عايز يروح يقابل العبد ده وإللي عنده علم مش عنده عليه السلام
عشان يتعلم منه ويزداد حكمة وبصيرة.
فربنا استجاب لطلبه وقاله
إن في مكان اسمه مجمع البحرين هتلاقي العبد الصالح ده موجود هناك عنده..
وهيروح إزاي 
سيدنا موسي طبعا ميعرفش المكان ده
فربنا أمره ياخد معاه سمكة مېتة مملحة عشان متعفنش وأمره إنه يحطها في جرابزي شنطة كده
ولما يوصل للمكان المحدد هيلاقي السمكة دي رجعت فيها الروح تاني ونزلت المية
وساعتها لما يشوف العلامة دي يبقى هو ده مكان اللقاء..
أخذ موسى معاه في الرحلة دي غلام من غلمانه وفهمه السبب في الرحلة دي وقاله
أنا همشي لحد ما ألاقي مجمع البحرين يا إما هفضل ماشي زمن طويل لحد ما ألاقي العبد الصالح..
وإذ قال موسى لفتاه لا أبرح حتى أبلغ مجمع البحرين أو أمضي حقبا
وخرجوا في الرحلة دي
فضلوا ماشيين لحد ما وصلوا عند مجمع البحرين
لما وصلوا سيدنا موسي نام شوية عشان يستريح 
والغلام بقي فضل صاحي.
وفجأة الغلام شاف حاجة بتتحرك 
قعد يبص عشان يتأكد !!شاف الجراب بيتحرك !!
ولقى السمكة طلعت منه ونزلت في المية وفضلت واقفة ما بتتحركش!
فلما بلغا مجمع بينهما نسيا حوتهما فاتخذ سبيله في البحر سربا
سيدنا موسي لما صحي أخد الغلام عشان يكملوا مشي لحد ما يوصلوا للعبد الصالح دة!!
و فجأة وسيدنا موسى وهو ماشي مع الغلام حس بالتعب والجوع
فقال لغلامه هات الغدا بتاعنا احنا تعبنا في السفر الأخير ده ومحتاجين نتقوى عشان باقي الطريق..!
فلما جاوزا قال لفتاه آتنا غداءنا لقد لقينا من سفرنا هذا ڼصبا
هو ليه الغلام مقالش لسيدنا موسي علي اللي شافه
هو كان ناوي يحكي لسيدنا موسى أول ما يصحى
لكن لما صحي الغلام نسي إنه يقوله !!!
وفجأة الغلام وقف وقال لسيدنا موسي 
أيوة صحيح انا افتكرت !!
انت لما نمت عند الصخرة حصل كذا كذا 
والشيطان نساني أقولك إزاي السمكة دي فعلا صحيت رغم مۏتها ونطت في البحر بشكل عجيب!!
قال أرأيت إذ أوينا إلى الصخرة فإني نسيت الحوت وما أنسانيه إلا الشيطان