قصة السيدة مريم وسيدنا عيسي عليهما السلام

أو عامة الناس إللي اتبعوه ..
وكانوا خايفين بقى سيدنا عيسي ياخد منهم الملك ..
فراحوا للملك الروماني اللي كان وقتها ماسك حكم الدولة ..
وقعدوا يحرضوه على قتل سيدنا عيسى
فضلوا يكدبوا ويقولوله إن سيدنا عيسى بيخطط عشان يعمل ثورة وياخد منه الحكم...!
فانت اخلص منه احسن ودمه في رقبتنا ورقبة عيالنا احنا 
وفضلوا يقنعوه إن دي خطط سيدنا عيسى 
لحد ما فعلا الملك الروماني أمر جنوده إنهم يروحوا يقبضوا على سيدنا عيسى
هما لية عملوا كدة !
لإن سيدنا عيسى فضحهم وڤضح كذبهم وتلاعبهم بالدين 
ومكروا ومكر الله والله خير الماكرين
فالملك بعت جنوده يدوروا عن سيدنا عيسى ..
فلما كان الجنود في الطريق
ربنا أوحى لسيدنا عيسى إنه هينيمه ويرفعه للسماء يقعد فيها لحد ما ييجي الوقت إللي هينزل فيه تاني عشان يكمل حياته على الأرض وېموت زي باقي البشر .
إذ قال الله يا عيسى إني متوفيك ورافعك إلي ومطهرك من الذين كفروا 
وكان سيدنا عيسي فين !
كان في بيته وعنده الحواريين
وخرج عليهم بعد ما اغتسل وراسه لسه بتنزل مية 
وحكالهم إن الجنود عايزين ېقتلوه وإنهم جايين في الطريق خلاص !!!
وقالهم إن ربنا هيرفعه عنده
وان بني إسرائيل هيقتلوا واحد تاني بداله ربنا هيخليه شبهه مش هيقتلوه هو 
فسألهم
مين فيكم ربنا يخليه شبهي وېقتل مكاني ويكون رفيقي في الجنة!!
فشاب صغير قال انااااااا..
فسيدنا عيسي أشفق عليه وصعب عليه إنهم يقتلوا شاب صغير ..لأنه كان عارف إنهم مش هيقتلوه قتلة عادية وسريعة..
ده قتل عن طريق الصلب
يعني أية صلب !
يعني يحطوا الراجل على صليب وبعدين يدقوا المسامير في جسم الراجل من عند إيده ورجله عشان يثبتوه في الصليب!!!!
فېموت بعد يوم أو أكثر بسبب الڼزيف وفقدان كل حاجة من جسمه 
لإنه هيكون اتخنق بسبب نقص الأوكسجين في دمه
فسيدنا عيسي سأل مرة ثانية 
مين ربنا يخليه شبهي ويكون رفيقي في الجنة!!
فنفس الشاب قال أنا يا نبي الله.. أنا!
فسيدنا عيسي سأل مرة ثالثة وهو بيبص للباقيين
فنفس الشاب قال أنا! أنا ..!!
فسيدنا عيسي قاله
خلاص.. انت إللي هتكون مكاني..
وفعلا ربنا غير شكل الشاب وخلاه نفس شكل عيسى بالضبط!!
كان في بقي فتحة في سقف بيت سيدنا عيسي ..
فربنا رفعه منها إلى السماء..
والرفع كان رفع كامل من الأرض بالجسد والروح
يعني هو لسه عايش لحد دلوقتي وهينزل آخر الزمان ونزوله من علامات الساعة الكبرى ..
وهي دي عقيدتنا كمسلمين في عيسى بن مريم 
إنه نبي وعبد لله ولم يصلب أو ېقتل بل رفعه الله إليه
و أي كلام تاني غير ده في أي عقيدة تانية هو تكذيب لله عز وجل 
وسيدنا عيسى حاليا في السماء التانية مع ابن خالته سيدنا يحيى عليهما السلام
وبعد كده ييجي نبي اخر الزمان خاتم النبيين سيدنا ورسولنا وشفيعنا الحبيب المصطفى محمد صلى الله عليه وسلم...