قصر البرزخ بقلم هاجر نور الدين

بيحصل وڠصب عني وسط كل اللي بيحصل حواليا دا عيني وقعت جوا الأوضة وأنا شايف واحدة فيها واقفة وبتشاورلي أدخل بسرعة ولما مستاجبتش ليها بسبب إني كنت متنح ومړعوپ لقيتها بتشد إيدي ل جوا بالعافية لحد ما دخلت الأوضة والباب إترزع ورايا بثيت حواليا بعد ما فوقت من حالة الذهول اللي كنت فيها والأوضة كانت ضلمة تماما واحدة واحدة لحد ما عيني خدت على الضلمة وبدأت أشوف طشاش وأشوف الست اللي سحبتني للأوضة بتتحرك وبتاخد حاجة من المكتب واللي عرفت بعدين إنها خدت كبريت وراحت ناحية الشمع الكبير اللي في الأوضة وولعته كل حاجة ظهرت قدامي في الأوضة دي واللي صدمني بعدين صور ليا كتير كتير جدا وصور ليا وأنا في أعمار مختلفة أنا مش فاكر خدت كل الصور دي إمتى حسيت بدوخة رهيبة محتلاني والأوضة بتلف بيا من جميع النواحي وبتوريني الصور صورة صورة لحد ما صړخت بصوت عالي وكل حاجة هديت قربت مني البنت دي وحطت إيديها على كتفي بحنية حاسسها منها بصيتلها وكانت جميلة جميلة جدا عكس كل اللي بشوفه من ساعة ما جيت هنا إتكلمت البنت وقالت بهدوء
_لازم تبقى أقوى من كدا يا هاشم قوم عشان أعرفك الحقيقة قبل فوات الآوان.
قومت معاها بكل أريحية على عكس العادة وخدتني لصورة ليا وأنا مع ناس ولكن وشوشهم عليها زي غيمة مش شايف ملامحهم إتكلمت البنت من تاني وقالت وهي بتحط إيديها على راسي
_ركز كويس في الصورة يا هاشم متخليش التشويش يسيطر عليك ركز أوي في الصورة اللي معاك في الصورة والدتك ووالدك وأختك وأخوك الصغير لازم تركز وتجيب ملامحهم بشكل صح إفتكر اللحظة بتاعت الصورة والمكان والمواقف الي حصلت يومها ركز يا هاشم.
فعلا سمعت كلامها وفضلت مركز جامد مع الصور وأنا حاسس بصداع رهيب ودق في نفوخي ولكن إستمريت في التركيز لحد ما بدأت أسمع صوتهم وأفتكر مواقف حصلت قبل ما الصورة دي تتاخد سامع صوت الضحك والكلام والحب اللي في نبرة الصوت إفتكرت كل دا وواحدة واحدة بدأت ملامحهم تبان والدي الجميل وإبتسامة والدتي الحنينة واللي بتطلع طمأنينة وأخويا وأختي الصغيرين اللي السعادة والبراءة مالية ملامحهم إبتسمت بحنين وأنا ڠصب عني بينزل مني دموع كتير وفضلت على الحال دا مع كل ذكرى ليا مع أهلي لحد ما شبه إفتكرت كل حاجة إتكلمت بتساؤل للبنت وقولت
طيب إنا دلوقتي فاكر أهلي وفاكر حياتي بس مش فاكر أنا جيت هنا إزاي وليه وليه إنت بتساعديني
إتكلمت البنت بحزن واضح على ملامحها
_هقولك بس عايزاك متتصدمش أو طبيعي تتصدم بس تركز معايا على طول متستسلمش...
بصيتلها بقلق وقولت
حاضر أوعدك قولي.
إتكلمت من تاني بمنتهى الحزن وقالت
_إنت هنا لإنك يا قا تل وټوفيت يا مق تول.
بصيتلها پصدمة وقولت وأنا بحاول أفهم أكتر
مش فاهم دا إزاي يعني ولو أنا فعلا مېت يبقى إزاي واقف دلوقتي وبتكلم معاك وعايش والناس اللي برا دي كلها شايفاني و...
إتكلمت من تاني بحزم وهي بتقاطعني
_لإن كلهم ميتين.
بصيتلها پصدمة وقولت بتهته
إزاي
مشيت خطوتين قدام وقالت وهي مدياني ضهرها
_ركز كدا في إسم القصر يا هاشم إسمه قصر البرزخ ومعنى كلمة البرزخ هو المكان اللي بيفصل عالم الأحياء عن عالم الأموات زي ما بيقولوا والمكان دا بيجمع أرواح الناس اللي في غيبوبة أو ميتين ولكن لسة اللي قت لهم عايش أو اللي قت لوه أهله مش مسامحينه.
حطيت إيدي على ءاسي بتعب وقولت بتساؤل
طيب إزاي وأنا بقى