زواج تحت الټهديد بقلم إسراء محمود
منه يجيب صبا ويجي عشان يحضروا فرح فريده كمان اعزم باباه ومامته واخواته خليهم يجوا يحضروا.
فضل حاضر انا فكرت في الموضوع ده ان شاء الله هرن عليه بكره
هدى طيب ما ترن عليه دلوقتي وهو نطمن عليهم وادينا قاعدين لوحدينا
زواج تحت الټهديد بقلمي اسراء محمود سبحان الله وبحمده عدد خلقه ورضا نفسه ومداد كلمات. سبحان الله وبحمده سبحان الله العظيم
فضل حاضر وفعلا مسك تليفونه ورن على رقم عيسى . سمع رنات التليفون وبعد دقائق رد عليه عيسى
عيسى الو السلام عليكم ورحمه الله وبركاته كيفك يا عمي
فضل وعليكم السلام ورحمه الله وبركاته الحمد لله انت عامل ايه يا ابني وصبا عامله ايه طمني عليكم
عيسى بخير والحمد لله وصبا كمان كويسه جدا.
فضل طيب الحمد لله يا رب دائما ربنا يديم عليكم الخير والحمد
عيسى اللهم امين
فضل وازي الوالد والوالده اخبارهم ايه
عيسى بخير والحمد لله كلنا كويسين ازي حماتي وحاتم والانسه فريده
فضل بخير ونعمه والحمد لله انا كنت بتصل عليك علشان اطمن عليكم علشان اعزمكم على فرح فريده
عيسى الف مبروك وحاضر يا عمي انا مش محتاج عزومه على عيني ان شاء الله هو امتى
فضل ان شاء الله بعد اسبوع
عيسى ربنا يتمم بخير حاضر.
فضل انا عاوزك كمان تبلغ الحاج مهران والحاجه وتخليهم يشرفونا وتجيب معاك كمان اخواتك البنات واخوك الدكتور يونس ومراته
عيسى حاضر ان شاء الله هقول لابوي واخويا ولامي كمان بس احتمال ابوي وامي ما يقدروش يجوا علشان الطريق واعر وحضرتك عارف انما اخواتي واخوي ان شاء الله هجيبهم معاك.
فضل هتنورونا والله بس بلغ الحاجه مهران دعوتي ليه وبلغوا سلام
عيسى حاضر ان شاء الله يوصل. امال فين حماتي اديها لي اسلم عليها
فضل اهي معاك خذ. عيسى عاوز يكلمك
هدى الو السلام عليكم
عيسى وعليكم السلام ورحمه الله وبركاته. كيفك يا امي وكيف حالك
هدى بخير والحمد لله يا حبيبي انت عامل ايه وصبا عامله ايه طمني عليكم.
عيسى بخير والحمد لله.
هدى هي صبا جنبك
عيسى لا والله انا بره في شغل وهي في البيت.
هدى تمام يا حبيبي سلم لي عليها وعلى الحاجه وعلى البنات اخواتك وكمان جميله مرات اخوك ووصل لهم سلام ومستنياهم ان شاء الله في فرح فريده
عيسى حاضر يا امي والف الف مبروك.
هدى الله يبارك فيك يا حبيبي يلا محتاج حاجه في رعايه الله
عيسى سلامتك. ربنا يطمننا عليكم السلام عليكم
هدى ويطمننا عليكم يا حبيبي عليكم السلام ورحمه الله وبركاته. اغلقت الخط وهي تدعو لهم بهدوء السر .
فضل امال فين فريده وحاتم
هدى فريده خرجت مع صاحبتها بتجيب شويه حاجات ناقصاها
وحاتم عندي اصحابه في النادي
فضل تمام هقوم اريح شويه عقبال ما يجوا وتحضروا الغداء
هدى ماشي يا حبيبي.
البارت الخامس عشر
هدى بعد ما دخل فضل يرتاح شويه في اوضته قامت حضرت الغداء ودقايق وكانت فريده وصلت.
فريده انا جيت يا اهل الدار يا ناس يا اللي هنا فريده وصلت
هدى بابتسامه انت لازما يعني تعملي دوشه ما تدخلي وانت ساكته
فريده لازم احسسكم بوجودي. عشان لما اغيب اعمل فراغ واوحشكم
هدى مش هتوحشينا احنا ما هنصدق انك تمشي
فريده بضحك كده برده يا هدهد ماشي يا ستي مش هصدقك برده وانا متاكده اني هووحشك قوي بس على فكره مش هبعد
كثير انا هبقى كل يوم عندك
هدى ليه بقى ان شاء الله هو انا بجوزك عشان كل
يوم تبقي عندي
انت لازم تبعدي شويه علشان توحشيني يعني اقعدي لك بتاع شهرين ثلاثه كده
ما تجيش
فريده بزعل مصطنع كده برده يا هدهد ماشي واهون عليك
هدى وهي تحضنها لا يا حبيبتي ربنا يتمم لك على خير ويهدي سرك ويجعلها جوازه السعد واوعي تقطعي بيا لازم تكوني هنا كل يوم.
فريده شفتي بقى ان كان عندي حق. امال بابا فين
هدى بابا دخل يرتاح شويه عقبال ما انتوا تيجوا من بره واكون انا جهزت الغداء
فريده اه والله يا هدهد انا كمان ھموت من الجوع.
هدى طب يلا ادخلي غيري هدومك وتعالي اعملي معايا مساعده علشان نخلص بسرعه ويكون اخوك حاتم جه وبابا صحي وناكل مع بعض
فريده حاضر يا ماما. فعلا دخلت فريده تغير هدومها وبعد دقائق خرجت دخلت لمامتها المطبخ وهم واقفين بيحضروا الاكل
فريده ماما انا عايزه اكلم طب علشان تيجي لازم تكون معايا في الوقت ده مفروض كانت جات من بدري بس مش مشكله
هدى بابا كلم جوزها وهو قال ان شاء الله هيجوا. بس كلميها يمكن تقدر تيجي بدري شويه وهو تقعد معانا حبه علشان هي وحشتني قوي.
فريده تمام. كمان علشان تلحق تقعد مع مياده شويه قبل ما تسافر لانها هتسافر بعد فرحي باسبوع على طول
هدى تمام يا حبيبتي ربنا يتمم لك على خير ويقومها هي كمان بالسلامه ويطمني على صبا .
فريده وهي تحضنها امين يا رب ويخليكي لنا يا ست الكل.
وفى اللحظه دي دخل حاتم عليهم
حاتم بتريقه ايه فقره العشق الممنوع دي
فريده يا لهوي على الرخامه الرخامه كلها وصلت
حاتم بقى كده برده اقفلي مش انا اخوكي حاتم ماشي دلوقتي تروحي بيت جوزك وتقولي ولا يوم من ايامك يا حاتم.
فريده وهي تحضنه حبيبي ربنا يبارك لي فيك.
حاتم ماما انا ھموت من الجوع
هدى طيب خدي يا حبيبي الاطباق جهز الترابيزه عقبال ما انا واختك نطلع الاكل
حاتم تمام
وفعلا وقف حاتم وفريده مع امهم حضروا الغداء ودخلوا يتغدوا بعد ما نادوا فضل
فضل لسه في حاجات كتير ناقصاك يا فريده
فريده لا يا حبيبي كل حاجه تمام الحمد لله
فضل طب الحمد لله ربنا يتمم لك على خير يا حبيبتي
هدى هم الولاد هيفضلوا عند امل لحد امتى
فضل انا كلمتها وهيجوا بكره ان شاء الله. ما فيش مروح تاني هناك غير بعد فرح فريده ان شاء الله.
هدى طيب تمام. انا مش عارفه ليه الولاد ما بقوش يرضوا ابدا يروحوا عند ماجد في بيته دايما هنروح عند تيته امل وبابا يجينا هناك.
فريده سهر قالت لي ان مراته وحشه تقريبا كده يا ماما مش كويسه معاهم.
هدى حبايب قلبي والله بيقطعوا قلبي. بس هانت كلها فتره بسيطه وهيسافروا ويروحوا لمامتهم
حاتم الله اعلم ما يمكن جوز مامتهم كمان يعملهم وحش
هدى لا جوز صبا شكله حنين وبيحبهم وده كان واضح قوي لما كنا هناك اديكوا شفته كان بيتعامل معاهم ازاي.
فريده فعلا كان بيتعامل بطريقه كويسه قوي وكانه هو باباهم.
ز اللهم صل وسلم وزد وبارك على سيدنا محمد اشرف الخلق اجمعين وخاتم الانبياء والمرسلين
فضل فعلا الولد شكله محترم وكويس جدا ومؤدب وخلوق ربنا يهديه ويهدي سرهم ويرزقه حنان الدنيا والاخره على اولادها
امن الجميع على قوله
اما عند مياده وجوزها احمد
مياده انا تعبانه قوي يا احمد الحمل تاعبني جدا
احمد وهو يضع على بطنها ويملس عليها بحنان ربنا يقويك يا حبيبتي ان شاء الله تقومي بالسلامه وتجيبي لنا صبا الجميله تنور حياتنا. وتكون زي صبا بالظبط
ابتسمت مياده فعلا نفسي تكون زي صبا في حنانها ورقتها وهدوقها وحبها للناس علشان كده انا هسميها صبا
احمد والله انا صبا صعبت عليا جدا من الموقف الۏحش قوي اللي اتعرضت ليه ده
مياده فعلا هو موقف رخم بس تحس كان في هدف من الموضوع يعني ربنا مش بيعمل غير الصالح صح
احمد ونعمه بالله طبعا اكيد في حكمه في اللي حصل
مياده صبا ما كانش ليها نصيب تكمل بقيه حياتها مع ماجد . كمان انا حسيت بعد الغلطه اللي ماجد عملها صبا نفرت وجوده ما كانتش حابه وجوده معاها. كمان ما تضايقتش خالص انها اتطلقت منه بالعكس كل زعلها هي الطريقه اللي كانت هتتجوز بيها وخۏفها على اولادها بس.
احمد فعلا ان كان يشوفهم قبل كده يقول ان دول اثنين عشاق. بس اهو القدر فرق بينهم علشان كل واحد فيهم ليه نصيب مع واحد ثاني خالص. بس قولي لي يا مياده جوزها اللي هي تتجوزته عامل ايه كويس مش كويس يعني من خلال تعاملكم معاه
مياده والله انا كل اللي شفته منه ما يجيش غير من راجل محترم وكويس تحس ان جدع وشخصيه كده عنده كاريزما كمان حسيت حنيته على اولادها لما كنا هناك. كمان حسيته بيغير عليها. تعرف انا حاسه ان ممكن تكون في قصه حب جميله هتجمع صبا مع جوزها ده
احمد ممكن الله اعلم احنا نتمنى كده احنا بنحب صبا ونفسنا تبقى عايشه مرتاحه لو هو فعلا هيكون زوج كويس ومخلص ويحبها خليه لا ربنا يهدي سرهم
مياده اللهم امين.
احمد تفتكر هتيجي فرح فريده
مياده اكيد طبعا دي اختها الوحيده لازم هتيجي وهو اكيد مش هيعارض حاجه زي كده . ثم سكتت قليلا. مش عارفه
صلوا على النبي يا جماعه النهارده ليله الجمعه وصلوا على النبي اكثروا من الصلاه على النبي صلى الله عليه وسلم فهو قال صلى الله عليه وسلم. من صلى علي مره صلى الله بها عليه عشر
تعالوا بقى نرجع تاني عند صبا وعيسى ونشوف احوالهم ايه مع بعض يا ترى صبا هتعمل بنصيحه وهيبه ليها ولا ايه اللي ممكن يحصل كمان عيسى هيعمل ايه علشان يخلي صبا تنسى فكره الطلاق.
عيسى بعد ما رجع من اسطبل الخيل طلع لغرفته لقى صبا بتلبس ونازله
عيسى راحه فين
صبا هنزل اقعد مع ماما وورد وصفا وجميله تحت
عيسى طيب اقعدي عشان عايزك. جلست صبا على طرف السرير وهو جلس على الكنبه الموجوده في الغرفه.
صبا خير في حاجه.
عيسى خير ان شاء الله. اولا والدك اتصل عليا من شويه
صبا باستغراب بابا ليه في حاجه
عيسى بيعزمني على فرح فريده اختك.
صبا ماما كانت كلمتني بس قلت لها هشوف عيسى الاول
عيسى انت مفكره اني ممكن ارفض انك تروحي فرح اختك. سكتت صبا وما ردتش عليه
عيسى المهم جهزي نفسك علشان نسافر بعد بكره ان شاء الله
صبا بفرحه بجد يعني هروح احضر فرح فريده واشوف الولاد عيسى كان مبسوط قوي انه شايف فرحتها وابتسامتها.
عيسى ايوه كمان هكلم ورده وصفا وجميله يجهزوا نفسهم عشان يبقوا يحصلونا.
صبا يعني هنروح قبلهم
عيسى ايوه اكيد اختك محتاجاك جنبها دلوقتي فلازم تكوني جنبها وهم هيروحوا على الفرح على طول.
صبا بابتسامه شكرا
عيسى بغض النظر عن كلمه شكرا دي بس انى فرحان انك مبسوطه
هزت صبا راسها دون ان تتكلم.
عيسى المهم في حاجه تاني عاوز اكلمك فيها
صبا ايه هي
عيسى انا عارف انك انت
وورده وصفا اخواتي بتحبوا بعض جدا وفي حوارات ما بينكم. عاوزك تبقي تكلمي ورد اختي لوحدكم وتشوفي رايها ايه في محمد ابن عمي لانه عاوز يتجوزها
صبا بفرحه بجد اكيد طبعا هكلمها.
عيسى عايزك تعرفي رايها ايه علشان لو
