اسكريبت كامل بقلم المبدعة مريم وليد

يعني هيتجوز عليا
مبتخلفيش ارض بور يبقى يتجوز عليك 
بس بس وأنا إيه ذنبي دي حاجة بتاعت ربنا!
مش أول مرة دايما بتعايرني إني مش بخلف رغم إني والله كشفت كتير والدكاترة قالوا العيب مش مني وإنه دي حاجة بتاعت ربنا!
مريم حبيبي! بټعيطي ليه
جري عليا أول ما دخل الشقة ولقاني بعيط حضڼي فصوت عياطي زاد 
بس يا حبيبي بس أهدي حصل إيه بس أحكيلي!
بدأت أخد نفسي بصعوبة وبدأت اتكلم
م ماما بتقول إنك هتتجوز عليا لأني مش بخلف وعلشان أرض بور أنت عارف إنه مش بأيدي يا أدهم وعارف إننا دورنا كتير وشفنا دكاترة كتير وقالوا إني مش فيا حاجة طب أنا ذنبي إيه بس!
أخدني في حضنه لحد ما هديت خالص وفضل يطبطب على ضهري بعدين نزل على الأرض وقعد قدامي ومسك إيدي وباس كف إيدي من جوا
مريم حبيبي دي حاجة بتاعت ربنا وأنا راضي وصابر والله أنا معنديش مانع كلام ماما ده كله وكأنك مسمعتيهوش ماما بتتكلم بس مين هينفذ متقلقيش يا عيوني صدقيني أنا جنبك ومعاك ولا يمكن أسيبك 
مسحت دموعي وبصيت له
وعد
ابتسم وباس راسي
وعد يا حبيبي 
قام وقف وكمل بضحك
حطيلي أكل بقى علشان هقع من الجوع وتعالي أحكيلك اللي حصل في الشركة النهارده كان فيه حتة عميلة إنما إيه!
قربت عليه بتحذير وبصيت في عيونه
مالها يا عنيا
ضحك وباسني من خدي
رخمة رخامة مبشوفش ستات رخمين كده!
بصيت له بشړ
وأنت بتبص على الستات ليه أصلا
ضيق عينه وضحك
ششش بحبك 
ابتسمت بهدوء وأنا داخلة المطبخ
عملالك طاجن بامية باللحمة إنما إيهه! هتاكل صوابعك وراهم ومش بس كده السمن البلدي جت النهارده وعملتلك الرز بيهم 
ضحك وهو بيفك زراير القميص
أووهه! دي مريوم مدلعاني آخر دلع بقى 
ضحكت برخامة
علشان لما تتجوز تحلف إن محدش هيدلعك غيري 
ضحك بخفة
وهو أنا اقدر أشوف حد غير مريوم!
كلامه لطيف يشبهله مكناش قصة حب اسطورية كان زميلي في الجامعة واتقدملي ووافقت حبينا بعض بعد الجواز أدينا بقالنا تلات سنين سوا بنعاني آه بس وجودنا مهون كتير كله كان ماشي تمام لحد ما لقيته في يوم داخل عليا وهو وشه مقلوب!
إيه يا حبيبي الأكل مش عاجبك
ابتسم بتكلف
لا حلو تسلم إيدك 
ابتسمت پخوف
تسلم بس مالك يا أدهم فيه إيه!
ساب المعلقة وبصلي
مالي يا مريم! 
فتحت عيوني پخوف ومسكت إيده
أنت كويس
حرك راسه بآه وسابني ودخل الأوضة شيلت الأكل من على السفرة ودخلت وراه 
فيه إيه يا أدهم مالك حصل حاجة في الشغل
اتعصب عليا
لا يا مريم لا! مفيش حاجة تسمحي تخرجي برا دلوقت!
بصيت له بعتاب
أخرج برا!
روحت قعدت جنبه ومسكت إيده
أنت أول مرة تبقى كده
يا أدهم! فيه إيه مالك!
شد إيده مني وكمل
أخرجي برا يا مريم 
اتنفست بهدوء قبل ما دموعي تنزل
حاضر هسيبك على راحتك 
قلت هيهدى ويرجعلي بس مرجعش! فضلنا يومين بعاد قلت في التالت أكيد هيجي يكلمني يفهمني ماله طيب أروح له