اسكريبت كامل بقلم المبدعة مريم وليد

لما بروح بيصدني طي طيب أنا عملت له إيه يضايقه ده أنا بسمع كلامه!
مريم!
بصيت له بفرحة أول ما نده اسمي وقمت وقفت
لو فكرك إني هكلمك وهسامحك تبقى عبيط أنا مخصماك ولا يمكن اتصالح بس 
قاطعني بهدوء
أنا هتجوز 
قمت وقفت وبصيت له پصدمة دموعي نزلت فضحكت
بتهزر معايا صح يا أخي بقى هزارك بقى بايخ بشكل خلاص هسامحك وأعملك مكرونة بشاميل بتحبها أوي 
روحت مسكت رقبته وكملت وأنا بضحك ودموعي بتنزل
زي ما بتحبني كده صح
ملقتهوش رد رفعت راسه وكملت بضحك
أنت مش بتهزر!
حرك راسه بلأ فبعدت عنه ضحكت بصعوبة وأنا بقعد على الأرض
ليه! ده أنا حتى بحبك ده أنا قيضالك صوابعي العشرة شمع لو اطول أجيب السما هديهالك بتعمل فيا كده ليه! هو أنت اشترتني! بسمع كلامك بقول نعم وحاضر لا عمري روحت عند ست ورغيت معاها وطلعت سرنا برا زي الستات التانية ولا عمري زعقت في وشك 
كملت بزعيق ودموعي بتنزل
رد عليا! عملتلك إيه أنا علشان تعمل معايا كده 
ملقتش منه رد كان باصص في الأرض وعيونه مليانة دموع طيب هو بيحبني أنا واثقة من حبه بيعمل فيا كده ليه! وبيعمل ليه كده في نفسه خبطه في صدره يمكن يفوق خبطته كتير وأنا پصرخ فيه
ما ترد يا أخي بقى رد!
هتطلقي
رفعت راسي له مكنتش شفته بقالي يومين من ساعة ما قال إنه هيتجوز مكنتش بخرج حتى من أوضتي كنت بستوعب صدمتي فيه!
عايز تطلقني للدرجة دي هبقى حمل على ست الحسن
قعد قدامي واتكلم
مش قصدي بس مش هتستحملي تقعدي في البيت وهو فيه غيرك 
ضحكت بسخرية
يا حنين! وأنت عليا بقى ولا عايز تسرحني علشان يحلالك الجو مع السنيورة وتعرف تعيش حياتك وتحب براحتك!
اتنهد وكمل
لو اتطلقنا هتقدري تشوفي حياتك براحتك تتجوزي وتعيشي حياة مع راجل تاني 
قمت وقفت وربعت إيدي وأنا الدموع بتنزل من عيوني وبتكلم بجمود
ورجولتك سمحالك تتكلم معايا وأنا مراتك وتشوفني في حضڼ راجل تاني!
خبطت على صدره جامد وكملت
ده هيستحمل يشوفني مع واحد تاني وماسكه إيده وبشاركه الحلو والمر 
بصيت له بلوم
هتستحمل تشوف راجل واخد مكانك
بعد عني وأداني ضهره
الزمن بينسي يا مريم 
هتنساني يا أدهم!
بصلي بنظرة حزن وسابني وخرج من الأوضة معرفش إيه سبب إنه ساب إيدي بالشكل ده! ده فلت إيدي تماما وأتخلى عن علاقتنا للدرجة دي أنا رخيصة عنده!
هروق الشقة وأجي
يا رحمة مش هقعد في البيت لحظة زيادة 
أقول لماما
كتمت دموعي
لا لما أجي هحكيلها أنا 
بدأت أروق الشقة خلصت الشقة وأنا بودع كل ركن فيها بلكونتنا الجميلة الزرع اللي بهت زي عيوني المطبخ اللي شاركني أجمل ذكريات كل حاجة جميلة كنت بودعها 
مع السلامة يا حبيبي 
قلتها وأنا بحط صورتنا في شنطتي قبل أي شيء بدأت احط اللبس في الشنطة وأنا بجهز الشنطة لقيت تحاليل في الدولاب في درفة أدهم أول مرة أشوف شكلها