اسكريبت بقلم مريم منصور

انت كويس!
سألته وهو واقف شكله تعبان ماسك دماغه بقوة وبينهج مميل على حيطه في الشارع بكل ضعف!
شاب معرفهوش بس عايز مساعدة
وشوفته وانا مروحة..
مش عارف.
مش عارف ايه انت مصدع طيب ولا دايخ ولا ايه!
كويس.. أنا كويس.
كان بيقولها بتعب وايده بترتعش علشان امشى واسيبه
وشه اصفر بيعرق ومش طايق الزحمة ودوشة الناس ..
وفجأة قولت
انت ضغطك واطى صح لو اه هز رأسك براحه خالص مش كدا قولى علشان اتصرف.
استجاب يهز رأسه وفي ثواني جريت افتح المحل بتاعى وقعدته فيه وروحت اشوف حاجة حدقه..
شيبسى! جبنة! انا مش عارفة بس اتوترت
الواحد وهو واحده مبيعرفش يتصرف ما بالك وانت تعبان!
مين اللي هيكونلك !
وفي الحالة دي لازم نساعد.. لازم نتصرف
مفرقش شاب من بنت لراجل.
ملقتش مخلل بس لقيت شيبسى حاول تكله براحه!
مش قادر.
كان واضح التعب! 
والمحل صغير كله ورد وزحمة وشغل كوشه وافراح مفيش غير مساحة مكتبي والكرسي! مكنتش بحس پخنقه المحل لأن طول اليوم مسحوله في ماتريل الشغل والتنفيذ اما هو محتاج هواء!
قربت بتوتر
طيب بص حاول تقوم بس انقلك الكرسي في وش المحل تشم شويه هواء وتقدر!
مش قادر حقيقي.
استعين بس بالله وهتقدر!
كان زي العيل بيشكى ..
كأن فاض بيه وعايز بس سريره يرتاح بس هو اترمى بطوله في الشارع! متلغبطت تعبان عايز يسند رأسه وينام نومه حلوة
بس الدنيا فرماه ومش فاضى
نظرة عينه معروفة
دى نظرة واحد مش ملاحق من الضغوطات 
الضغوطات اللى بتطلع لرأسك وجسمك وتقعد طول الليل تفكر! 
بس فيه ناس بقي معندهاش حتى اتساع الليل تفكر فيه بتتجري بكل حتة علشان تلحق الدنيا وياريتها ملاحقه!
كويس دلوقتي!
متشكر.
بس انا بسألك عن نفسك مش بقولك اشكر!
تجاهل كلامى 
وقام 
حقه كام
فهمت أن قصده علي الشيبسي لأنه مش عارف نوعه وانا ذات نفسي مش عارفه نوعه جبته من اول هايبر قابلنى ورجعت جري! وكرد طبيعي منى تجاهلت سؤاله وبصيت في ساعة ايدى اضحك
حقه نص ساعة تأخير علي البيت وبابا هينفخني!
بصلى بأحراج
أنا اسف.
ولا يهمك بس خلى معاك حاجة حدقة دايما 
انت النهاردة لقتنى بس بكرة ممكن متلقيش حد!
وكفطرة جملة
وكعقول متعودة قال
خليها علي الله.
يمكن تبان جملة شعبية شوية بس لو فكرت فيها هتفهم انك بتخليها علي مين.. 
علي الله ولا علي الناس!
لما صدرك يتعبك شويه وتتنهد بتقول يا ناس ولا يارب! 
لما بتضيق عليك عينك بترفعها فين علي الناس ولا للسماء!
لما بضل الطريق والحسابات تتلغبط عن المتوقع بتدعى وتقول يارب ولا بتدعى وتقول يا فلان !
بتتوكل على مين! ولما بتصبر بتبقى متاكد مين هيعوضك!
لو سألت نفسك هتلاقي لسانك قلبك كل جوارحك بتقول الله وعلشان كدا احنا بنفوضها له.
انت تانى
اه أنا تاني.
المرة دي كان مبتسم جاي بيضحك ورايق
والأغرب أنه جاي لحد المحل عندي!
هو أنت