حواديت راكان وإيميليا كاملة مارينا عبود

أختار معاه بوكية ورد علشان عيون الهانم بتاعته سيبته بيظبط فيه وفضلت ببص للمكان بإنبهار هو إزاي تحفة كده بجد وريحة المخبوزات دي جاية منين! 
- بتدور على حاجة معينة
الټفت وبصيت ورايا لقيت بنت بملامح بسيطة بس جميلة شعرها كيرلي وعليها عيون عسلي ټخطف القلب فضلت مبلم فيها للحظات معرفش إيه السبب نظراتها كانت مستغربة فوقت من شرودي على صوت يوسف إللي وقف قدامها وقال بمرح
- في حد يسيب المحل بتاعه كده
ابتسمت وبصتله
- كنت بجيب حاجة من عندي بابا وبعدين كل الناس إللي بتيجي المكان دا بتكون ناس حلوه وقلوبها جميلة قولي صالحتها ولا لسه
- صحبتك راسها ناشفة وتعبتني.
- بس بتحبك ودا المهم عموما متقلقش أنا جهزتلك بوكس هداية هيخليها تنسى زعلها منك في لحظة.
- ياريت ولله لحسن تعبت من محاولاتي معاها عموما أحنا اخترنا الورد والبوكس عليك.
ابتسمت وقالت بمرح
- وياترى الڈبون السرحان دا تبعكولا هو كمان كان منتظرني.
يوسف بصلي بضحك ورجع بصلها
- لا الڈبون السرحان دا يبقى ابن خالتي إللي حكيتلك عنه قبل كده لسه نازل من السفر وبصعوبة اقنعته ييجي معايا.
- المحل نور بيكم يا شباب ذوقك في الورد يجنن المرادي.
- دا ذوق الولاا القمر إللي ورايا علشان كده جيبته معايا.
- الظاهر الولا القمر بتاعك المكان شده لدرجة أنه بقاله عشر دقايق واقف شارد ومش بيتكلم.
يوسف بصلي وضحك أنا كنت فعلا شارد بس فيها هي مش في المكان معرفش إيه إللي خلاني سرحت فيها كده وليه من أول ما شوفتها معرفتش اشوف حاجة غيرها! هي إزاي حلوة كده وإزاي خطفتني كده وقلبي بيدق كده ليه!!
- مش هتقولي مين التحفة
- قصدك مين
- صاحبة محل الورد حسيت أنك بتتكلم معاها كأنك عارفها من سنين!!
- طيب ما أنا فعلا اعرفها من سنين إيميليا كانت صديقتنا أنا وميرا في الجامعة ولحد دلوقت صداقتها بينا قوية وبصراحة هي أكتر وحده بتنجدني في المواقف إللي زي دي بس سيبك أنت مش ملاحظ أن في حد قلبه اتخطف النهاردة أول ما شافها.
- قصدك إيه
- يعيني خدت بالي أنك كنت شارد فيها ولا كأن في حد في المكان غيرها قولي هي عجبتك
- اقعد يا يوسف يا حبيبي ومتسمعنيش صوتك بكوم الهدايا إللي أنت مشيلهولي في الشارع دا.
- عقبال ما تشيله لحبيبتك في المستقبل.
ضحكت وفضلت ماشي معاه لحد ما رجعنا البيت فضلت يومين بفكر في البنت صاحبة محل الورد معرفش ليه شاغلة بالى وصورتها مش مفارقة خيالي وأنا أصلا معرفهاش ويدوب قابلتها مرة وحده بس! والغريب إني مش سهل حد يشدني أو يعجبني من نظرة عين بس دي مش بس شدتني دي كأنها خطفت قلبي وعقلي معاها! لا أنا شكلي هتجنن بجد.
- يوسف بيسألو عليك جوه أنت واقف