حواديت راكان وإيميليا كاملة مارينا عبود

هنا بتعمل إيه
- ميرا وأهلها جايين دلوقت.
- وصحبتها جاية معاها
- قصدك مين آه أنت قصدك إيميليا والبيه بيسأل عن إيميليا ليه  
قالها بمكر فبصيت له وأنا بحك دقني بتوتر  
- عادي أنت قولت أنكم صحاب ودي خطوبة أختك يعني أكيد مش هيسيبوك في يوم زي دا عموما أنا داخل اقعد معاهم جوه وأنت متتأخرش.
مستنتش رده واتحركت كام خطوة علشان ادخل فقال بصوت عالي
- راكان..
الټفت وبصيت له
- إيه
- إيميليا مختلفة عن أي بنت أنت قابلتها في حياتك هي بنت حساسه والحب عندها شيء مقدس ومش سهل أي راجل يعجبها أو يخطف قلبها.
ابتسمت وقلت بمرح
- أنت دماغك راحت لبعيد أوي على فكرة.
- بالعكس أنا فاهمك من أول يوم شوفتها فيه وعارف إيه إللي بيدور في دماغك.
ضحكت وسيبته ودخلت هو فعلا بيفهمني من نظرة عين من نبرة صوت يوسف مش بس ابن خالتي هو أخويا الوحيد وأقرب صاحب ليا وقادر يفهمني من غير حتى ما اتكلم أوقات بحس أن رزقي كله أخدته في صاحب جدع زيه.
كنت واقف بضحك مع خالتي لحد ما شوفتها داخلة مع يوسف وميرا بتبص حوليها بتوتر طلتها كانت جميلة عليها إبتسامة ټخطف القلب من مكانه كنت واقف بتابعها من بعيد عيوني وقعت على يوسف وميرا وهما بيتكلموا وهي واقفة بتابعهم بإهتمام من بعيد حسيت أنها فرصة حلوه علشان اروح اتكلم معاها وقفت جنبها وقلت بهدوء
- يوسف بيحبها بشكل مچنون! 
- لأنها اعظم انتصاراته ودعوة فضل يدعيها سنين.
- شكلك كده كنت شاهده على قصتهم
ابتسمت وقالت بعيون بتلمع
- أنا فعلا كنت شاهده على قصتهم من أول البداية وأحنا لسه في تانية جامعةوهو بيراقبها من بعيد وعيونه إللي كانت بتلمع لما يشوفها ومحاولاته الكتير علشان يتجوزها.
- طيب وهي كانت بتحبه نفس الحب
- هي جميلة قلبها رقيق زي الفراشات كانت بتتوتر كل ما تشوفه وكانت بتحبه بس بتخبي وهو كان بيفهمها من نظرة عين فضل سنين بيشتغل ويدعي تكون من نصيبه لحد ما حبه انتصر وقدر يخطف قلبها وخلاص أيام وهيتجوزها.
ابتسمت وقلت بإستغراب
- شيء غريب أوقات بحس أن كل كلام الحب دا كلام فاضي مجرد لهفة البدايات وبعد كده كل حاجة بتختفي.
ابتسمت وقالت بحب 
- بالعكس الحب دا أعظم شيء في الوجود الحب بيبدأ لما ينتهي الحماس والإنبهار ولهفة البدايات وبيزيد لما نتعرض لأزمات ومشاكل ومطبات في الطريق وقتها إللي بيحب بجد هو إللي بيكمل الطريق للأخر يعني لما حد يختارك كده من بين الزحمة يطمن بس بوجودك لما شخص يحبك بكل عيوبك وتحس جنبه أنك أجمل إنسان لما تلاقي حد فاهمك من غير حتى ما تتكلم وقتها هتحس أنك أجمل حد في الكون ومهم تعرف أن الحب شيء جميل بس مع إللي يشبهنا ويشبه